救救這些貓

剛有朋友給我看“流浪貓屋”網頁，知道了一個很險要的情況，引用裡面一段說話，稍稍解釋裡面的情況：

是”放生”還是將牠們”送死”呢？

一個沒有知識，不負責任和貪心的貓主(婆婆)，本以為將貓 b 賣給人收回利是 50 元一隻, 誰料到因環境惡劣,打理不週, 令到貓 b 半死不活, 屋內貓 b 的生存率很低。

現更揚言要將這班可憐貓貓放生，但一直生活在室內，又百病纒身的牠們，放生又怎能生存呢？

幸得一班愛心獨立義工將牠們救出火海，問題又是接種而來；牠們的去向和醫療費用將是一個沉重負擔，大家可以幫忙嗎？

請幫忙廣傳替這班貓貓尋找一個家，或請身邊的朋友捐助這班貓貓的醫療費用。

以下是其中一些小貓的情況：

因為長期在缺乏照顧和不衛生的環境長大，小貓的眼睛都受到感染，其中有一隻還要做手術，把眼球割掉，情況實在讓人非常心痛。

其實總共有三十隻貓在一個非常惡劣的環境正等待救援，以上只是其中四隻，其他小貓當中更有情況更嚴重的。三十隻中其中有九隻已被救起，希望有能力幫忙的人來幫一下，救救餘下21隻小貓，謝謝你。

想知道更多或幫助牠們，請click click這裡。

還有一隻在SPCA待領的小狗: 牠需要被領養是因為牠在spca已經18個月~~ 假如牠再待在spca就會有kennel stress~ 所以牠很急切需要人給牠一個家

***
Copy from 林二汶 Blog
http://hk.myblog.yahoo.com/fatty1717

我的心臟痳痺了...(書再版喇!!!)

救命呀...我的書BB再版了!!!
聽到呢個消息時真係唔敢相信!

 

*****

多謝大家支持呀!
無你地! 小妹唔會有今日!!
我屋企人亦唔會有咁大喜悅!!!
多謝哂呀!!!

*****

而家第一件事要做既就係快啲留起啲第一版!
因為有啲朋友托我留書
但我好老定話唔會賣哂, 叫佢地遲啲去買...XD
可以keep到第一版，才最珍貴 ~
我會盡量嘔啲第一版比你地加喇! 放心!
(好彩唔係好多啫...kekee..)

另外我問了
星期五應該可以在書局買得到~

仲有仲有...
原來可以在 Openbooknet 訂書 ~
因為之前有啲海外朋友問我點算
我當時真係唔知點算...哈哈 ~

www.openbooknet.com

也發現...

http://www.yesasia.com/global/%E5%96%82-%E6%88%91%E4%BB%B2%E6%9C%AA%E6%AD%BBo%E6%9E%B6/1011385194-0-0-0-zh_TW/info.html

Yesasia都有得訂, 但貴好多...賣$132.18...

P.S. 簽名會當天曾為我拍照的朋友
可否把相send給我呢?? 謝謝你們~

siulamtang@yahoo.com.hk

書BB的簽名會!

雖之前聽說不是正式簽名會
但到場時才發現是一個真正的簽名會...
也許因為出版社有太多作者關係
溝通上出現很多誤會吧...
例如, 原來我是有passes進場的
但之前卻說沒有...只可以比VIP飛我
最後由於某些問題
還是和家人一起排隊慢慢進場
我穿了高跟鞋...腳酸痛了...

波子之前己經笑說
"如果你個日排隊入去就好笑嚕~ 比人見到你會問你...

'e?你咪鄧小琳?點解你會係度既?'

'哦無~ 我排隊入去幫人簽名啫~'

XDDDDD
好彩無人認得...

***

Sharmon (出版社同事) 在入口接我地
但我一家大細...好混亂...
現場又多人
我同sharmon企左係度周圍望齊人未
原來家姐己經拖住BB上左電梯...
老豆又怕煩到人...自己一個走左去普通入口...
要我 "發火" 係咁叫佢 "返唻啦你咁咪仲阻住人!" 先肯領情...=.=

真係好嬲又好笑...
大家乖乖地跟住大隊咪好囉~
又要懶醒自己行...哈哈~

等到差唔多兩點半
便開始簽名了~
其實一早己經看到有人排隊
但我不敢相信是排我的隊呢...!  

排隊的人真係一個接一個
朋友說排了一條長龍呢~
仲有好多人影相~
我都係睇返相先知咁多咋
簽梗名時, 對簽名以外的事都攝不進眼...
又覺得自己好似口齒不清咁...

多謝咁多位讀者支持呀!
你們一個一個的到來
為我的美好回憶添上一層層的糖衣
好甜哦~~~~

我的家人也感到很快樂呢!

我最最最愛的朋友們~ 好多謝你地唻呀!!!
可惜有些不能出席...>.<

我親愛的burn burn~ 要你特地在工作期間趕來...超有心的!
但...

為什麼要在我的封面加上鼻屎...

即使是自己人, 也要自己排隊攞簽名, 全都是好孩子! keke...
超愛你們~

多謝bluesky的花~
對不起, 我們的合照不在我相機內呢~
但己看到你放在回覆內了, 哈哈~

這天的最大驚喜是
在威院為我動手術的 Dr. Wan 竟然來了!!!
我看到他後我呆了幾秒!!!
他真的有看我的blog呢~
而且還特地來booth找我簽名! haha~
我送了一本書給他~ 真的對他十分感激!!!
可惜照片又不在我相機內...後補吧~

和我一起絆絆的戰友來了!!! (戰場之絆)

7gu6小隊 : 7gu6.net (棟棟), 7gu6.gov (小傑), 7gu6.$.$ (Yiu)
仲有Hans和Bill Bill ~

有請7gu6小隊派出代表7gu6.net上前合照~ 哈哈!!!

你們也超好的! 唔睇書都唻書展捧場! XD
之後仲...

化身成癡漢一號 (棟棟) 和二號 (小傑)
為我攞花...哈哈!

你地好好, 對人又細心, 又無脾氣, 又咩都無所謂
我真係好鐘意同你地做朋友! 感覺好舒服!!!

* 我最親愛的抱著我家最疼愛的...heheeeee...

家人，朋友，戰友
最後當然選擇了和家人吃飯~

Chris和我和我的家人親戚一起去晚飯
果然是我的半個屋企人呢~ 同大家相處得咁好...haha

飯後再和戰友們看Batman
好豐富的一天!!

(和家人的照片不在我相機中, 未能post上, 抱歉, 後補)

看戲後，又去左戰場玩左一鋪咁多 ~
(咁齊人, 唔玩點得呢~)

上 : 我, 棟棟, Hans
下 : 我, yiu, 棟棟, 小傑 (小傑個樣好木獨...笑左)

Hans話我係現實中既Batman
佢認為，神會把考驗適當地分配給不同的人
而那人一定有足夠力量去承受
這是神對那人的能力的認同
但最後那人有否願意去好好利用這份能力呢
就要自己選擇

Batman好有錢, 佢可以選擇不問世事
但佢選擇左當一個會受傷、隨時會有生命危險既Batman
戲內, 高潭巿有一個batman
但其實可能巿外都有無數Batman
只係個啲人無選擇去擔當此角色

佢話我, 雖然神比左個病我
但我選擇左用正確既態度去面對
選擇左開心去生活, 做自己喜歡做的事
而唔係哩係屋企喊, 對自己無哂信心, 唔見人

點解會有咁多人知我有病?
係因為我無收埋自己, 我豁出去
香港其實有勁多人慘過我
但點解無人知?
係咪佢地收埋左自己? 放棄左自己?

我開頭抱著看故事真實性和感觀刺激
忽略了故事想帶出的msg
其實這也是一部好電影~

(多謝Hans看得如此透，再告訴我這份意義，不過說我是batman就誇張了點~haaa)

今日超開心
好想有機會繼續出書
好大滿足感呀!
但出咩類型既書好呢...

明天的...書展活動...

明天會在書展出現
今天晩上我緊張得傻眼...
應該會睡不著
然後明天會有一大對黑輪眼...

現在還在想明天應該穿什麼?
要不要化妝呢? 有人買書時我應該點做?
無人買時我又應該做乜?
亂想一大通...

今天在書展跟耳耳 (http://hk.myblog.yahoo.com/princess-world) 交換書
我在書上簽名及寫上幾筆
但我的緊張令我一次又一次地寫錯字!
OH NO
人家寫得漂漂亮亮
我卻...唉...
最後連合照也忘了...
我是白痴呀...冷靜點啦鄧小琳...

今晩要好好練字!
明天不許再出錯!

 
多謝JCI送我這個花籃
我也是突然看到...
一直也不知道呢!
第一次收到這個哦! 很高興!

(今日係書展見唔到有人買我的書呢...失落...
但朋友卻說看到...還有很多...>.< 真的假的...)

***

容許我介紹一下
2008年書展十大好書之二三四

 ...笑左

 
正! 二零零八年賣九十年代的書!

***

我會出現在書展的細節如下：

出版社 : 青春文化 (皇冠出版社)
位置 : Hall 1 入口左轉直行會見到
日期 : 2008年7月27日 (星期日)
時間 : 下午 1430 - 1530
書名 :<<喂! 我仲未死架! 小琳的戰癌 - 處世道>>
書價 : HK$ 60 (書展期間有折)

我的家人和好朋友也會出現打氣 ~
大家請來支持支持哦!!
希望個日我可以精精神神啦!

註: 不是正式的簽名會

有沒有想過你正在虐待動物

轉載自Alicat blog (22-July-2008), LINK:

http://hk.myblog.yahoo.com/alice92299/article?mid=1743&suc=1

(請看上面面Blog)

不去看不去想, 不等如它沒發生, 更不會有任何幫助!
大家的正視, 了解, 面對和廣發傳播, 以及改變自己的飲食, 購物和消閑習慣, 才會令牠們少受一點苦!
1. 為著我們大量食肉的習慣, 動物的遭遇是這樣的, 首先被火烙, 在臉上, 掙扎慘叫後, 跟隨被切角, 無麻醉, 血向上噴射, 痛不欲生, 緊接著下一隻.
2. 女士褸領邊的毛毛, 毛毛匙扣, 毛毛頸巾, 滑溜溜的, animalasia已證實全是貓毛造的, 在大陸很多和很便宜!
3. 羽絨褸廠的熟手員工從活生生的鳥身上拔毛, 不是剪, 更不要妄想是自然脫落得來的.
4. 皮革製品, 又便宜又濫又多, 來自大量血淋淋活生生長期痛楚而死的動物身上
5. 豬場雞場牛場虐待動物, 高舉擲地, 拳打腳踢, 飛身跳起踩落去...因為我們吃得多吃得濫, 因為生產量大工作量大, 也因為動物慘叫被視為理所當然, 工人都已發瘋般把情緒發洩到動物身上.
6. 在14分55秒處, UNIVERSITY OF PENNSYLVANIA讓猴子腦部重創, 用1000gs力度撞和60度角扭牠的頭, 不是一次性, 而是多次重覆, 看牠那痛苦崩潰的表情, 腳掙扎擺動, 知道牠是清醒的. 而且同一實驗, 會做在同一動物身上多次! 為了研製治療運動扭傷, 撞傷, 跌傷的藥物.
7. 鬥牛讓牛隻大動脈被刺穿, 暈眩, 痛楚, 血流如注, 鬥牛者和觀眾喧鬧戲弄刺激下, 跑來跑去直到筋疲力盡前腳跪地時, 鬥牛者用刀刺牠腦袋!
8. 無麻醉, 活跳跳的狗親身嘗試爆炸威力, 為了發展軍備.
9. 狗,貓,豬,鼠,猴長期困住, 有喉插在腦袋, 也是清清醒醒眼睜睜的! 打針藥, 讓貓全身不斷抽筋, 牠是清醒的.
10. 捆著豬的手腳用火燒牠背部, 燒完放在日光下曬, 看著皮膚脫落, 牠有反應的.
........不能盡錄........

不去理不去想, 不等如它沒發生!
別說"無能為力", 每人都盡自己一點力就好!

影片攝製隊要求世界各國懂英語人士自行翻譯, 我發現沒有翻成中文, 我已download 文件準備翻譯, 105頁, 合5人之力, 一人翻20頁即成, 願意幫忙的話, 請留言!

(updated on 25-jul-2008)

書到手了!

尋日小傑陪我去會展攞書呢~
大熱天時...我害他行了很多冤枉路...
事情是我約他在盧押道等
因為出版社就在盧押道
但他不知道是哪裡
我便教他行去涼茶第一家, 過馬路, 過埋HSBC就到
結果他滿身大汗...還好心地買了寶礦力給我解渴...

但出版社的人原來站在駱克道等...
小傑沒好氣說 "呢度咪駱克道個出口囉! 你今日係咪食左聰明豆?!"

我地係會展都行左一陣
heheee...我問小傑 "小傑你睇下我個棟書幾低! 係咪賣左好多呢?!"

小傑就陪我去打針
兩位姑娘不停翻閱我的大作
我好細心咁留意住加~ 佢地靜靜咁睇
做完野就即刻返唻繼續睇
不過我唔敢問好唔好睇, 費事人地唔知點答啦...haha~

之後我就會合波子~
因為我好心急想快啲比佢睇呢!

有件事很對不起大家...
書內有錯字呢...
"遮" 應改為 "隱"
是"隱蔽性記憶" 才對...
對不起對不起...

忘了說...
昨天我的頭痛得快要裂開
好想打開自己個頭check下...
痛得連晚飯也沒胃口...
今天好一點...但手腳軟軟...=.=

***

我會出現在書展的細節如下：

出版社 : 青春文化 (皇冠出版社)
位置 : Hall 1 入口左轉直行會見到
日期 : 2008年7月27日 (星期日)
時間 : 下午 1430 - 1530
書名 :<<喂! 我仲未死架! 小琳的戰癌 - 處世道>>
書價 : HK$ 60 (書展期間有折)
我的家人和好朋友也會出現打氣 ~
大家請來支持支持哦!!
希望個日我可以精精神神啦!

註: 不是正式的簽名會

書BB出世喇!!!

kekeke....聽日書展開鑼喇!
我聽朝會去問出版社攞左本書先再去打針!
好緊張!!!

至於我會出現在書展的細節如下：

出版社 : 青春文化 (皇冠出版社)
位置 : Hall 1 入口左轉直行會見到
日期 : 2008年7月27日 (星期日)
時間 : 下午 1430 - 1530
書名 :<<喂! 我仲未死架! 小琳的戰癌 - 處世道>>
書價 : HK$ 60 (書展期間有折)
我的家人和好朋友也會出現打氣 ~
大家請來支持支持哦!!
希望個日我可以精精神神啦!

註: 不是正式的簽名會
及
我得閒無野做就會去睇下去書情況，哈哈!!!

內容是我生病時的重重經歷
還有我親手拍的照片和畫的插圖
唔買都睇下~

收養了一只生病倉鼠

前幾天, Tempo在家前的走廊執到著金毛倉鼠
我收養了

但牠身體散發出一陣很強的臭味
毛髮油立立的...更經常抓痕
不過佢食得訓得柯得

我怕佢辛苦
今日帶左佢去睇vet

咁岩妹豬 (朋友隻金毛) 今朝柯血...
又要睇vet, 就同埋Iris (主人) 一齊去診所

金仔 (倉鼠的名字~ heeheee) 原來皮膚有菌
打左針, 要食藥同沖涼
幫佢沖涼好似打仗咁...我要捉佢佢又咬我...我同佢都好驚...
好想佢快啲好返, 可以同美心西餅一齊玩~
美心西餅鬼打咁精神呢...停唔到咁

睇完vet, 我做左保母呢~~~~
因為Iris要返工走先, 我就負責送妹豬返佢地屋企~
好緊張哦~第一次由咁遠地方自己帶住一隻狗
好彩之前係佢地屋企住過、成日同妹豬訓覺
妹豬都肯跟我, 真係乖~~~~~~
>3< 唔~~~~~~~~~呀!!! 鍚哂你!!!

***

我既精神好返八成喇
不過都係攰
但唔洗訓咁多己經好好

好辛苦...=.=

醫生星期三加返啲藥...
今次好辛苦...

訓極都仲係好攰
愈訓就愈攰
又頭暈...四肢無力...

慘過發燒

成個人郁唔到咁
又悶...
每次訓醒都超辛苦先起到身

尋日頂唔順自己咁
死頂起身做運動
真係死頂...
一邊做運動一邊大叫 "我無事! 我好精神! 我係唔會輸加!嘻嘻哈哈!!!"
(好在屋企無人...)

出左一身汗之後
就換衫出街 (又係死頂)
我實在唔可以忍受再留係屋企無野做既生活!

繼續努力運動運動!!!

*****

今日終於睇左keroro大電影喇~
好可愛好好笑呢~

高達那一場真的很正!

留住快樂一刻 - 攝影比賽

之前post過的攝影比賽資料
內文的email address錯了
現己更正

如己把參賽作品寄出
煩請重新寄一次到

happines.net@gmail.com

Deadline也由原本的18/7改為25/7

謝謝!

***** 

 

比賽主題

「留住快樂一刻」──

何謂快樂? 究竟在青年人心目中最快樂的是甚麼? 有人認為擁有幸福家庭、漂亮外表、自由、甜蜜愛情、健康身體、豐富知識，甚至事業有成或富有便是快樂的人生。你同意嗎?

 

對象

- 少年組:12-17歲     - 青年組:18-25歲

 

比賽須知

1.     參加者需要以「留住快樂一刻」為題，用數碼拍攝照片，並寫上標題及相片所要表達的意思。

2.     解說文字不多於一百字。

3.     相片解像度必須為300萬像素或以上，相片可調較亮度、對比度及裁放，但不可為電腦合成影像。

4.     作品要以jpg格式電郵到: happines.net@gmail.com每位參加者只限提交一份作品參賽。

5.     參賽作品可為黑白或彩色。

6.     評審準則: 主題(50%) ，創作意念(25%)及構圖(25%)。

 

比賽規則

1.     參賽作品拍攝日期不限，但必須從未參加過其他比賽或曾公開發表。

2.     所有參賽作品必須為原創，不得有抄襲成份，並且無侵犯他人的權益(包括版權)。若提交非自行拍攝及擁有之作品將被取消資格。若有關作品引起責任問題，參賽者須自行負責及賠償，主辦單位將循民事訴訟索償一切引致的損失。

3.     所有參賽作品無論獲獎與否，均不獲發還。

4.     得獎作品將於2008年8月份閉幕禮暨作品展上展出。

5.     主辦單位擁有比賽的最終決定權及所有參賽作品的使用權，參賽者不得異議。

 

獎勵

每組作品將由大會評判選出冠、亞、季軍各一名及優異獎各三名。各得獎座及禮品乙份。

 

參加辦法

參加者可於本計劃之網頁: http://www.hkjtt.org下載或於明愛各社區中心索取參加表格，填妥參加表格連同參賽相片電郵到: happines.net@gmail.com。

 

截止日期及結果公佈

截止遞交作品日期為2008年07月25日(星期五)。得獎名單將於2008年8月份於活動閉幕禮暨作品展上公佈。得獎者將由專人另行通知。

棟溝笑

同Herman去左睇棟溝笑
入到去我有個疑問
$690己經坐第三行
咁$1000坐邊???
O哂咀...

一開始佢地唱左好多佢地啲舊既攪笑歌
但唱太多了...開始悶悶地

佢地同一條橋用得太多
開頭好好笑, 然後變成悶

最好笑反而係個人solo個part
林敏聰做運動節目主持講體育
呢part真係笑到停唔到...好辛苦...XD

志偉都ok好笑

但當兩個人part 埋一齊
好似唔係幾夾到
有時大家都好似等大家講野咁
有deadair出現

而surprise係請左李思捷上台扮野
扮乜唔講喇, 但超欣賞佢
做戲又好睇~~~~~

近尾聲, 請左amigo同祥仔上唻訪問
太長...又係悶...
低級笑話太多了

最後竟然有encore
突然請左觀眾梁漢文上唻唱左首歌
好好好開心可以見到佢! 佢唱歌真係好好，只可惜沒有運氣
我一直都替他深感不忿...
佢地就落台幫四川籌款
順帶一提，今日的收益扣除成本全數捐比四川
很有意義~

之後去左諾士佛台食日本野 + 飲野
覺得今晚餐飯有點特別
因為很久沒有去享受一餐飯
平常都只是為飽肚而吃...匆匆忙忙的
心掛掛飯後的活動/工作...

明天打第三針既part one lu ~
打埋下星期三的part two，完成整個第三針
就可以check下啲藥對身體有無用...
有點點緊張呢...

SuperJackpot!

先說一下今天拮手指的報告吧~
升到129呢!!!!!!!!!!!
上星期四是49 ~!
姑娘看到報告的反應是  " 嘩129喎! "

hehe...以後驗血前都係食多啲好野先去
好似幾有用~~~

之後捉左emily去一齊推銀仔
好好玩呀! 尋日同Herman玩左三個鐘!
今日就玩左一陣
Emily好旺呀! 第一次玩就中左 SuperJackpot!!!!!!
跌左成 1275 medals落唻!!!
好多人圍觀!!!

銀上面有八個波
啲波係用唻玩jackpot
我地連續跌哂七個!!!!!!!!
超好運!!!

最後win左兩大兜銀呢!!!

睇稿日，本書好靚呀!

今日去左出版社睇稿
睇下仲有無野要修改
入面啲相同埋公仔全部都係我影同畫加!
見到佢地出現係本書度我超開心!

*我會在 27/7 1430-1530 出現在書展
到時再正式通知大家啦 ~ ~ ~

爸爸留下字條
叫我寫低a/c no. 比佢入錢
係買化療藥既錢
佢地知我睇到啲字後實會諗 "一陣先寫啦~沖左涼先~"
然後就會唔記得
所以最後寫住 (立即寫下)
我同家姐見到笑左好耐
呢四隻字表現左父母對我失去既信心...haha!
笑完之後，我就唔記得左寫低...
好白痴...haha!

***

今日抽血
血小板又跌到49
不過都好過上次得13
譚醫生唔洗我留院
不過星期一要再拮多次手指再驗
譚醫生病左呢...出唔到聲...
希望你快啲好返啦! 多啲休息!!!

北角 - 東寶小館

曱甴一早已經想帶我哋唻東寶小館食飯
今日我地一行九人唻左啦~~~~~~~

ar fung, dennis, 曱甴
luis, ball, me, 大頭, kimmy, 燒賣

可惜曱甴只係三點鐘先打唻book枱啫...(book枱時間230pm開始至5pm)
己經full哂喇...

我哋足足等左一個半小時!
有位喇~ 由坐低開始，我們只用了45分鐘便把十道菜吃光!!! (包叫菜時間)
超快的說...
因為大家也十分之餓
光說第一道菜，我們把它吃光後，空碟還在不停冒煙...
感受到我們的光速嗎?

我掛住食...波子問有無人有相機影相
我唔出聲扮無，繼續狂食
波子便大聲說 "有人明明有相機係度扮無呀...?!"

哈哈~ 我被迫立即完成手上的奶油蝦...為大家拍照
說是要特別影比ar yin睇, 等佢羡慕下~ haha!

青紅蘿蔔湯 (OK)
沙拉骨 (至愛!)
2 碟xo醬炒通菜 (好食!)
南乳豬手 (好香口~)
椒鹽瀨尿蝦 (正到嘔, 不過我食到一集尾唔新鮮)
泰國奶油蝦 (送面包點汁食, 超級正!)
墨汁鮮魷 (OK, 個咀黑哂)
炸子雞 (好好味呀!)
莧菜煲 (好食! 唔錯~)
豉椒炒蟶子 (超正! 我至愛蟶子 ~)
薑汁涼粉 (送, 佢地話好食, 但我唔食薑同涼粉)

我只是不停吃...完全忘了眼前的白飯和汽水
因為慢左就無得食!
班餓鬼搶得超快! 好恐佈!
結果大頭食得太快...胃痛...哈哈!
仲要比我地寸 "個胃唔受得就咪學人食咁快啦~ 最多咪食少幾舊囉~ 我地無所謂加喎~" hhaa!! 笑爆!

東寶小館

北角渣華道99號渣華道市政大廈2樓
電話 : 2880 9399

http://www.openrice.com/restaurant/sr2.htm?shopid=3847

餐牌寫住:

請在1430至1700打電話來book枱
其他時間打來會打到死
如果book不到枱，我們也沒有辦法!

好爆...哈哈!

* 街巿熟食中心往往都有驚喜 ~