終於終於都放到相上blog喇....
我唻左澳洲玩呢...
飛adelaide, 去左kangaroo island wwoofing...真係好鐘意呢個island!!!好靚!
個host超好! 佢係好有經驗既host唻
我係佢第413個wwoofer! XD
每日做好少野, 但會車你去玩, 又好注重溝通
飯後仲會一齊玩playing card ~
不過佢唯一一樣野唔好就係好多手囉!
但我都係會推薦佢比其他男wwoofer ga!
而我如果有個男仔一齊wwoof我都會再去!
因為farmstay唻講, 佢間屋真係算好乾淨!!!(佢自己個人就唔係太乾淨)
而adelaide city亦好完善, 係一個好舒服既城巿!
我地仲租左車, 開左幾個鐘, 去到yorke peninsula
為左去Innes National Park
係開車入去呢個park, 再去到某啲lookout就行路入去睇
on the way仲會有勁多wild animals!
我行行下都唔知隔離有幾隻wallaby..!!!
仲有kangaroo同emu!!!
=w=
而且租車只係AUD58包insurance/per day!
仲要係新車! Hyundai Getz!!!
好靚好細好好揸!
但我地因為嗰兩晚係瞓caravan park...
呢架車張凳係非常唔好瞓.................................
之後再飛去cairns, 去左cape trib rainforest睇野生動物!
當然仲有去barrier reef snorkeling啦~
我見到green turtle呀!!!
差唔多一條 arm 咁大隻啦~
佢游得超慢, 仲上左水透氣!
我地跟左佢幾分鐘呀!
好近好近差一隻手掌位就摸到佢喇!!!
佢周不時會拎轉頭望下我地
超可愛!!!!!!!!
不過city太dirty喇...真係唔想再留喺cairns...
空氣都差啲, 望去對面個山都唔清楚, 好似HK咁...
而且住嗰間 Gilligan's backpacker 真係嘈得好恐怖!
樓下間club啲音樂個base好強勁!張床會feel到震架!
根本瞓唔到!!! 鐘意clubbing就岩囉...
仲要勁多小強仔!
前幾日搭巴士落左townsville, wwoofing
喺車站等左個半鐘個host都未唻接我地
又唔聽電話...心諗係咪比人放飛機呢?|
諗好後路之際佢就出現喇..........
我地會留八日
車一入gate, 見到八隻狗仔衝出唻!
我勁開心呀! 後面仲有貓呀羊呀牛呀雞呀鴨呀!!!
不過慢慢就發現呢間屋係勁dirty ga!
全屋都係spiders同flies!!!!!!!
我地同一個男wwoofer同房, 間房一眼望落去己經有四十幾隻spiders......
仲有超多蚊滋...
最慘係...隻床有好多床蚤...!!!
還好朋友有帶備防蚊用品同埋我地喺kangaroo island買既油
可以用唻驅蚤!
可惜我雙手都係咬到一點點紅色好痕呀!!!!!!!
我地工作主要係清潔呢間鬼屋咁既farmstay...
但做完哂野, 坐喺花園, 同啲小動物玩
真係乜野攰都唔記得哂~
而且瞓過第一晚後, 好多野都習慣同有哂心埋準備~
話咁快我地住左四日了...
我仲有一個任務
就係每小時要餵一隻小羊咩飲奶一次!(圖)
非常可愛痴身既小咩!!!
我真係好鐘意佢!!!!!!嗲到爆!
我今日答應佢, 我返到HK唔會再食我一直好鐘意食既羊肉!!!
因為呢個host成日煮羊肉呢...........
離開呢個farm, 我地就會一直坐巴士玩落去~
去到brisbane就飛fiji
再sydney, melbourne
返HK~
total 51days~
有機會再講啦~~
