家姐入院!!!

 叫松花江~ 好鬼好味...

十二點幾同家姐兩個人落左鋰魚門飲茶
因為爸媽一早拜完山返唻, 訓左...
我地兩個都好鐘意飲茶, 鐘意慢慢嘆...
比我地搵到個window seat,仲要係有太陽哂住
嘩正!!!

 陽光猛烈度 : 100%

坐左差唔多個半鐘啦我諗~跟住係樓下行左陣同買左mark six
返屋企lu~
===================================================

正當我係房打梗關於昨日既blog時
聽到出面有人敲野
我以為係樓上裝修冇理到
敲左半分鐘左右
聽到家姐叫我
我就行去toilet, 我以為佢係叫我幫佢攞野入toilet比佢
所以我就企左係門口出面 (門係半開半合的) 問佢"做咩呀??"
佢答"快d..."
我就知佢有事...因為佢把聲好奇怪
佢坐左係地下 (門後) ,話好痛好暈...叫我扶佢但我唔夠力
就向爸爸求救!
爸爸飛過唻啦即刻~!!!
嘔左幾次, 扶左出去坐
我地叫佢入院佢話唔要
我問"係咪因為你而家著得肉酸所以唔想入呀...??"
佢竟然...點頭@@

所以我就話, 我攞衫比你換啦....= =
呢個時候B自己係出面食完lunch, 本來係唻梗接我, 變相送我家姐入QE

攪左兩個鐘左右啦...唔駛留院, 好彩...
返左屋企, 等埋佢男朋友唻"頂更"
我就跟B返去佢度食 dinner 同埋陪佢睇The pianist
因為佢聽日要交功課, 要睇呢套野...
好在咁岩我屋企有咋...
睇完都十一點...送埋我同宙仔返屋企
唔該哂呀BB~~~~~~~~~~
=======================================================

不過我地今日又鬧交喇...
最後好在有溝通返...先無事 = ="
兩個人最緊要係溝通嘛...
唔好次次有咩唔開心都話"冇野啦..." "唔知呀.."
唔講出唻...對方就唔知咩事
次次都係咁, 積埋咁多問題
到時想修補都唻唔切啦...