哎! 愈講愈火滾!
事源我呀媽租左間屋比兩公婆
都差唔多兩年
一直都好準時交租
岩岩續左約之後
個女人同我呀媽講 "呀鄧太呀~我一直都咁準時交租, 我想你退返啲按金比我呀~"
鄧太 "哦...係呀...點解呀...?"
女人 "因為我手緊呀...麻煩你吖..."
鄧太 "唔..咁好啦...(見你咁準時交租就算啦...)"
過左幾日...
女人 "呀鄧太我唔租喇! 我老公比人炒左, 無錢呀..."
鄧太 "吓....."
我唔清楚佢地之間既對話
但結果係...我呀媽由得人地無理毀約
Documentation上呀媽仲要比多幾舊水
我真係火滾呀!
我話 "你咪咁求其啦! 人地擺明搵你著數! 攞返啲按金之後先話唔租!!"
傻媽 "唉...可能佢老公真係比人炒左呢..."
我話 "超~ 比著我我都會講到有咁慘得咁慘啦! 個幾舊水你叫佢比埋tim呀!"
傻媽 "咁又唔好咁...可能真係有困難呢..."
我話 "哎吔媽咪你唔好咁傻啦...!! 成日比人搵笨!"
傻媽 "....咁人地又有個仔嘛好似..."
我話 "一直都無話有個仔加喎! 無啦啦走個仔出唻!? 吹水啦!"
傻媽 "其實可以告佢既...不過一陣佢破壞我間屋咪仲死..."
我話 "咁你影左相加嘛!"
傻媽 "算啦...做人要有測懚之心..."
我話 "哎我比你激到爆肺喇!!! 做人唔係咁加! 你估你觀音托世咩...!!"
...我家姐聽到我就唻要爆肺就爆笑...= _ ="
我話 "你同個女人講! 你無啦啦唔租我搵唔切租客! 你保多兩個月租tim呀!"
傻媽 "你老豆話做下好心幫下人喎...
我話 "大佬呀...呢啲唔係叫好人, 係叫"笨實"呀......"
我叫呀媽下次個女人打唻叫佢打比我
不過佢實唔會啦...唉...
真係好爐氣...
11111111111111111111
回覆刪除wa.......i agree with you ar..i will be very angry also ar!
回覆刪除some people is very bad, they just like to take advantage from nice peple.
but your mom has very good heart.
[版主回覆11/09/2007 00:38:00]係呀~我爸媽真係好好心地~ ^^
人就係咁,你越對佢好,佢就越得吋進尺,人性是醜惡的
回覆刪除仲有,人就是這麼聰明,每樣野都計到足,斤斤計較.但係,就係因為咁,令人與人之間既關係受到破壞
測隱之心,你估孔子咩,呢個世界好現實,當你最好景既時候,好多人都會向你投懷送抱.但當你開始衰果陣,你要搵人幫手,人人都會避開你
唔好咁勞氣,呢個係一個正常現象,正所謂經一事,長一智,只要吸收過一次教訓,第二次就會冇事
[版主回覆11/09/2007 00:38:00]這就叫作 人善比人欺...
SiuLam ng ho 爐氣 la...
回覆刪除your mom ho ho 人ar..
老實的向你解釋自己情況，再請你退回訂金沒有問題。
回覆刪除但這樣擺明欺騙的行為，絕對不能接受。
補充番一點,人好多時都恩將仇報,所以係呢個時間,你應該以其人之道,還治其人之身.既然果個租客真係有困難,點解一時又話佢老公失業,一時又話有個仔,擺明係呃人啦,所以,坐言起行,一於告佢,我地班網友同公義都會企係你果邊
回覆刪除最後,雖然我是局外人,但是香港地好多時都會發生類似既事件,如果我地唔出聲既話,即你姑息養奸.所以政府一定要注視這些社會問題,不然會產生多種社會問題,例如業主與租客之間既糾紛可能會帶來暴力既問題,破壞左社會和諧,所以這些事件影響範圍是很大的.
唔好爐氣:呢D人唔會好結果,遲早有報應
回覆刪除唉......香港地其實好多呢D租霸!~~
回覆刪除不過香港既法律就係保障呢D租客多個業主~!!
唯有......小心D啦!!~~
又係幾激氣既.......遇著d咁既人！不過，都無計啦！
回覆刪除唔比都比左佢,佢都唔會嘔返d錢出黎！
今次學精，無下次囉！
1. the talent had paid the bill on time for 2 years, it's unlikely that they're going to cheat you mum at the very beginning. 2. the talent must have financial problem, otherwise they will not tell such a silly lie. 3. your mum is really an honest woman 4. your parent are full of mercy 5. you're lucky to have the parent like that and please don't use the word 笨實to describe your own parent. It's very impolite. 6. Obviously, you don't have the same value as your parent, though you've a pretty face.
回覆刪除[版主回覆11/09/2007 00:37:00]多謝你既意見, 但唔好意思, 我有野補充 :
1. 無人一出世就係壞人
2. 咁佢有冇諗過我屋企都會有financial problem?
5. 正常保守觀念唻講, 一般家庭係唔會用到 "笨實" 去溝通, 但我屋企一向都係咁溝通, 是說笑的一種
6. 我父母係好人, 但成日比人搵笨, 有時幫人反害了自己就係蠢, 幫人都要睇對象, 我同家姐睇唔過眼都好正常
我唔知按金係幾多,如果多的話,我就真係會諗下係米,想搵笨 不過按金係小的話,我就會諗對方,可能生活真係出現左問題. (兩年一直都好準時交租)
回覆刪除[版主回覆11/09/2007 00:40:00]五位數字囉...唉...
兩年一直都準時交, 唔代表到佢為人囉 變壞只是一線之差
兩年都準時交租，咁可能佢真係突然有經濟困難嘅！
回覆刪除而佢問你哋攞完按金先唔租，就有可能係故意嘅！
都係算啦！當做咗單善事囉！
仲點會仲打電話搵您媽呢! 由它去吧 下次不要再這樣(傻,就是)了! 唔o岩您搵番佢出o黎,嘈過 ........
回覆刪除我都覺得個租客可能真係有苦衷, 佢兩年入面都準時交租, 要呃都唔駛等而家, 要呃都唔駛同你媽講唔租, 要做租霸, 咪靜靜雞唔出聲囉, 你都奈佢唔何.. 佢拎佐d訂金, 可能真係有難言之隱, 驚你地如果知道突然唔租會扣起佢既訂金( but 租約通常講明訂金唔能夠當租金), 佢拎返d訂金, 佢都好老實同你媽講佢唔租 ( 雖然你冇講, 但我諗個兩公婆都應該會係好短時間入面搬走) . 你媽最多到係蝕左個幾百蚊 .. 但我覺得賺到人情味
回覆刪除不妨諗下, 當你有需要既時候, 人地好冷漠 或者好猜忌既心對你, 你會點睇 ?
(p.s. 毁約 你指 佢冇一個月通知? 定係o係 "死約" 內退租?)
[版主回覆11/09/2007 01:58:00]無一個月通知, 死約, 齊哂
佢係擺明知道自己要毀約, 所以扮野要攞返訂金 攞左之後, 先話唔再租, 但又續左約 而家驚佢係整爛左屋企某啲野所以先話要攞訂金 因為如果有野爛左我地會係訂金度扣嘛... 但佢住梗我地又唔可以走上去睇...唉... 總之就煩啦...
唔可以一句 "你生活有困難" 就攪到我地咁麻煩囉 你都要諗下人地, 而家你既困難變左係我地既困難 而且呢啲係你本身有既問題 但而家就比左我地 你幾慘都好都唔應該咁 我地好無辜 我地屋企唔係charity 你有問題係搵政府幫手 唔係咁樣呃我地囉
我地幫左你 邊個幫我地?
算啦!!呃咗按金,起碼都好過係間屋攪破壞;又起碼好過拖您成年租唔交吖......
回覆刪除算啦!!!係咁"椅",去鵝頸打佢幾日小人,恭祝佢生仔冇屎忽就放過佢啦......
咁就要激爆肺既話, 下一個租客如果係租霸咁點??? 你呢個租客已經好好架喇!
回覆刪除哇...有樓收租,好有錢呀~
回覆刪除係呀!! 我呀媽都遇著哩種情況呀!! 個衰人兩公婆仲要搬走果日搞破壞, 真係好麻煩呀!! 我唔贊成佢哋咁樣呃番啲按金, 有難題應該如實相告, 人情味還人情味, 要有知情權架嘛!!
回覆刪除既然件事都發生左，你嬲到爆咪都係得你頂住頂住唔順氣........ 唉~~~我都明白你既感受既，你咪當做善事積德囉！
回覆刪除唔記得講~~~我寫左個 07年11月星座運程 ，過黎睇丫！
回覆刪除小琳
回覆刪除我以前是一個租客, 準時交租, 間屋保養得企企理理, 但業主突然通知我唔再租, 攪到我大失預算, 死約一滿就要搬走, 佢只有兩個月前通知我話唔租就唔租, 而家的法例係保障業主多d的, 係哩兩個月時間攪到我非常之頭痕, 想要求業主退番d按金比我先諗住可以有d鬆動錢, 但業主好無情的反對, 雖然合約上他是對的, 不過佢要做錢的奴隸就由他吧~ 哈!! 最後好好彩, 因為有家人的幫忙置業...
但唔係人人都好似我咁好彩... 做得租客當然有他們的難處, 有邊個唔想做業主?
唔駛勞氣丫~
第一:妳唔好激氣啦,會影響健康㗎!第二:間屋無比佢哋整爛入面嘅嘢;第三:佢哋幸好無拖租,已經算係咁囉
回覆刪除你阿媽真係太好人啦！而我就覺得個租客一定身有屎，對間屋唔知做過d乜野？如果真係有困難，可以直接同你阿媽講話唔再租，話自己經濟真係有困難冇辦法租唔到落去，按金方面有冇得商量，雖然自己衰毀約在先，但都"哎"下你阿媽可唔可以唔吹按金，大家有相有量，成件事就係咁簡單！
回覆刪除但而家佢就有計劃地呃你阿媽，利用你媽媽嘅同情心，唔再係一件當做下好心&當做善事的問題，而係一件存心欺騙的事件！
小琳~我都好同情你，因為你地而家角色好被動，你個租客攪到間屋亂七八糟，你地都冇計，因為按金就比返晒佢，今次就當買個教訓啦！
但都希望你間屋會冇事，完璧歸趙啦！阿彌陀佛~善哉~善哉
嘩~你媽咪真係好好心地啊! auntie出發點首先會為個租客方面諗咗先, 基本上佢無諗過自己既利益有否損失,不過, auntie~防人之心不可無啊!!!!!
回覆刪除果個租客如果真係利用auntie既一片好心而做出呢d嘢, 真係值得各方面去咀咒佢啊!!!
p.s.小琳~你嬲一陣好喇!!! 扁晒咀唔靚架喇~ ^o^
原來係5位數...... 我諗我都會,同你一樣爆肺.......
回覆刪除個租客真係好衰呀
回覆刪除唔好咁勞氣!係你媽的立場,佢覺得佢咁做佢的良心會好過d吧.如果對方真的有難處而你媽唔咁做,佢的心會唔好過的.所以唔好咁啦,如果唔係,你媽會仲為難的
回覆刪除hahah ~~ 爆肺 ~~ i also feel funny about it :P
回覆刪除anyway ~ but it is already pass la ~ dont' be angry about it ~ no next time mei duc lor ... if make thing big ~ dosen't really have a good thing ~~ may be both o fu also lose ~
講真就算唔租，都無理由話唔租就唔租囉！都要保障大家，同埋最多未扣按金，無理由比返巨囉！嘩！原來你媽媽甘好人，下次我找地方搬，都要找甘好的業主啦！
回覆刪除小琳租俾我好過啊!!!
回覆刪除[版主回覆11/09/2007 16:56:00]係咪講真先~? 我呀媽想租喇.. 個租客十九號走
你媽媽好好人, 果個女人太可惡, 利用你媽媽o既慈悲之心!
回覆刪除小琳姐冷靜d先~不過佢地而家走左未ga~ 如果走左...都唔會再打電話黎ga la... 如果未走既~你咪告佢law...同呢d人講"情"係唔得ga!! 十卜你!
回覆刪除勁鍾意你張banner相! 好正!
回覆刪除喂喂,唔好嬲嗱,唔好激親自己嗱, 其實都可以話算好彩嗱, 因為佢無整到間屋污煙章氣啊!
哇 有冇攪錯呀~~~罵佢啦
回覆刪除妳咪咁勞氣啦, 不過妳阿媽都係出自好心者, 無論係咪俾人呃, 可能果個女人真係有困難呢, 有限錢者, 幫到咪幫囉, 妳媽媽的確係一個好好的人, VERY NICE~~~
回覆刪除算啦
回覆刪除或者人家的事是真的呢
佢呃你，你只不過沒有了少少錢。
但如果是真的話，你就幫到人的喎。
幾好呀～
小琳, 我想講我父母同你父母好似...但case當然唔同啦!
回覆刪除話說我父母年前無端端裝新電視, 咪問咩事囉, 因為我父母都唔常睇電視既, TVB都睇唔切啦, 仲裝新電視?! 點知爸爸話上門Sales野那位人兄, 大人大姐係我父母面前喊喎... 我頂?!!!!!!!!! 我父母就係咁樣, "懶" 仁慈... 唉... 天呀... 所以我父母同你父母都應該係同一個年代調教出來的人...YUP >O< 而我同你就係同一個年代...所以我們才會咁勞氣...
我好明白你...小琳!
你唔好咁嬲喇....
回覆刪除有時D人就係會搏同情搵人笨...
衰到爆~~ ><
唔係吖, 我贊成世伯伯母喎, 幾百蚊咁少錢, 你要明白有好多時做嘢其實係為自己. 世伯伯母幫到人自己開心先至係POINT. 即使對方真係欺騙, 係對方對人唔夠信任. 點都好伯母係幫咗人架. 你唔好咁嬲啦. 伯母好好人呀.
回覆刪除真係好心無好報, 身同感受呢
回覆刪除假設佢真的是用<大話>騙取按金然後退租，其他租金 電費 電話 水費 差餉交齊間屋沒有損壞都算喇，都唔算太差了。取回按金冇通知你走了損失更大，你有佢新地址咩?怎樣告佢?到時財務上門追電話 寬頻 收費電視毀約費，有排搞，做業主好無奈。
回覆刪除岩岩我就同你呀媽的角色調轉,我就是幫人那個，我呀媽就罵我= =
回覆刪除算啦~~小琳!!唔好咁 ~~既然你媽咪都覺得咁做好d，你就唔好同佢嘈啦!!唔好攪到自己唔開心啦!!不過如果比著我，我可能自己去搵個租客!!因我都算係火爆之人!!
回覆刪除雖然係個租客唔啱(梗係喇!)!
回覆刪除但係你媽咪可以咁平和去處理, 可能係想為你們幾姊妹積福....
[版主回覆11/10/2007 00:11:00]我媽媽的確很好...幫人幫到好誇張... 有時候我老豆都話佢 "你成日淨係識幫人! 攪到自己咁辛苦!!!" 哈哈...真係哭笑不得...
真係要睇多的警訊
回覆刪除若然妳家庭沒有太大經濟問題, 果D錢當係做好心捐左去啦, 況且都冇可能追得番, 要告佢都可以但會好麻煩, 小額錢債一攪要幾年, 佢肯搬走都算好彩, 若果係租霸仲大獲.
回覆刪除係街邊俾錢D乞衣, 妳都唔知佢真定係假, 自己個心舒服, 難得妳媽媽咁大方, 話晒錢財身外物, 和氣生財.
果租客一向咁準時交租, 可能真係有佢難題, 但手法始終唔正確, 就當做一次好心啦, 唔好激氣傷身呀!!
我都...頂吖...人格咁低装..等我爆佢奶樽..
回覆刪除我本身都覺得租戶的行為是破壞合約精神,先斬後奏,先行把互信破壞. 而我絕對認為,你媽媽把租金退給人,是自我繳械,因為你財產在對方手上,對方卻沒有財產在你手上.做人確是要有人情味,但不代表不應保護自己. 自問我也不敢說懂得應付這場面,但按金是東主一個要嚴守的底線,小琳這事上生媽媽的氣,我覺得是自然的,因為事實上,東主的同情心是有點過頭.反而如果要提早退租,事件完成後,行使酌情權,不保留按金,是比較可以接受的同情心.
回覆刪除我屋企都有租屋比人好煩架...租比佢三十年就以為間屋係佢GA.....
回覆刪除我好同情你GA遭遇我都同你一樣!!!!!!
咁狗既 d 人...
回覆刪除唔好咁爐氣啦!!! 唔好為咗呢D人爐氣!!
回覆刪除所以話呢... 唔係唔想做好心, 往往做好心既... 都係俾人昆...唉... 咪咁勞氣, 唔駛為哩 d 人死自己 d 細胞~ 咁你記住下次定租約時定得清清楚楚, 唔好心軟~ 定埋退租要三個月通知等等等.......... good luck~
回覆刪除鄧小姐:我唔知你個版本係邊度聽返黎,事實根本唔係咁樣,接近滿約期,你亞媽(鄧太)打比我話就黎滿2年約,要求加租HK$500,問我有冇問題,我就話需要考慮下同我老公商量,幾日後我主動致電覆返佢話ok,由原本HK$4800加到HK$5300,一開始租時我要先付兩個月按金加一個月上期,總共HK$14,400,合約都有寫明收左我兩個月按金HK$9,600,我當時同你亞媽講可唔可以在簽新租約時,由兩個月按金改為一個月,因我見人地都只係收一個月按金,問佢可唔可以,佢之後都應承話好我地先去簽新約,在簽新約時佢開左張HK$4300既支票比我,我仲簽收埋tim,即係我簽新約後我有一個月按金HK$5300係鄧太度,簽新約後我交左第一個月租金HK$5300,無幾耐我老公既公司要裁員,我地唔想做租霸(因唔知幾時先搵到工),唔通你要見到我地無租交先安樂咩,我一知道此事都馬上通知鄧太,佢話要問地產意見需要考慮,過左幾日後我主動再聯絡佢,佢答覆係:OK無問題,但因剛剛簽左新約後你才唔租,所以你原本比我的按金HK$5300,唔可以退番比你架,我話無問題,因為係我地唔啱在先,你唔退番比我都係理所當然,在交番間屋時我仲話計埋D水電比佢地tim(我講左兩次架),只是鄧生話唔需要,我想講在此事我唔係話我啱哂,但都唔係你所講既"呃按金",我都無攞番果HK$5300咁都算呃咩!交租有早無遲都要比你地抹黑咀咒!以上我所講既野全部都係事實,對得住良心,唔信你可以再問你亞爸亞媽整件事實(攞埋新舊約出黎睇),有需要我仲可以出黎對質架
回覆刪除唉!越睇越眼火爆,點解有D人可以歪曲事實咁講野架,一開始簽約時我個仔都同我一齊,你亞爸亞媽又點會唔知呀!未正式簽約時我都已經講明係一家三口住,又什麼無啦啦走個仔出黎呀! "因為我手緊呀...麻煩你吖..." 我完全都無咁講過,得罪講句~有腦都諗到啦,如果擺明知道自己要毀約, 我索性唔駛簽新約啦,比一個月通知佢,仲可以攞番哂全部按金,駛唔駛再交左一個月新租金先唔租呀!要咁複雜,何況我都無攞番果HK$5300按金,唔係兩個月改為一個月都算呃麻! 第一.我從來無諗過呃你亞媽或者其他人,第二.唔好攞我個仔黎講,大家都係成年人黎,有咩事都唔應該涉及小朋友,第三.我一向都最憎比人屈,如果你係用"你亞媽兩年前租左間屋比一家三口,在加租及簽左新約後,並由原先兩個月改為一個月按金,之後交左一次新租金後就唔租,無一個月通知,死約,理由係明知負擔唔到之後既租金"既POINT黎話我地,我一定無話可說,如果你地真係想告一個經濟出現問題、但從無呃過按金既人,咁隨便你地,我知把口生係黎地度,你地點講點諗我控制唔到,我淨係想講出真正事實,從頭到尾我都無話過自己係啱,只係鄧小姐所講並非事實
回覆刪除[版主回覆01/25/2008 23:08:00]不用生氣 原來只是我誤會了媽咪的意思 不過我懶, 沒有在此解釋事件而已 既然都已經告一段落 不要再談了~ 此篇網誌也會關閉 祝大家生活都愉快 ~