法輪功阿姨

原本昨日收左工係去同媽咪家姐婆婆睇大戲
我咁大個女第一次睇咋! 勁興奮!!!
仲要係去新光戲院! 成日經過都好想入去!!
終於都比我等到喇!!! 點知...

我老豆前日打唻...話有個朋友介紹個中醫比我
照舊又係個啲吹水吹到自己點勁點強
呃到我老豆勁信佢地...
我話如果我個日無野做都可以應酬下
否則免談

真係好衰唔衰, 話要約我星期六晚...
阻住我睇大戲!
我梗係反對啦!!!
但最後都比我老豆啲 "哦功" 哦掂...=___=
最有力個句就係
"你唔想睇都要理下我地感受吖...我地會好失望好唔開心加..."

嘩...做女既聽到仲點敢出聲呀...你玩哂啦爸爸...

 

個阿姨一唻就打脈
但無講任何野
之後就問少少我啲事
話 " 睇你個樣唔似有病, 呢種病唔應該係你身上出現 (廢話) , 練下功啦~會幫到你"

我開頭以為係sell氣功啦, 點知真係嚇一跳...

"我送本 "轉法輪" 比你, 你睇哂佢, 就會好返加喇~ 我睇左之後都無再病過, 我九年唻都無事, 好健康!!" (但佢一邊講一邊勁咳...)

我原本都已經黑黑地面, 聽到佢講法輪功直頭黑哂!

"如果你信心唔夠, 你都可以唻搵我幫你針灸, 但當然最好係睇書同練功啦~ 其實法輪功係比人妒忌先會攪成咁, 我地師父好勁加! 好多大人物都話要請佢, 不過我地師父鐘意幫人, 唔會為錢而只服待一個信徒...."

走左之後, 我掉左本書, 拍下老爸個膊頭 " 爸爸我地唔係唔信你, 但係你實在係太易信人喇..."
爸爸苦笑..."哎呀...我都唔知佢地係法輪功既人唻加嘛..."

姐姐致電問我如何, 我如實相告後...她說

"哇哈哈哈!! 下次訓係銅鑼灣個個人會係你!!"