醫院趣事_野蠻呀婆

說說醫院的有趣事吧

我睡在走廊旁的20號床
我左邊是19號床 陸阿姨
再在她左邊的是18號床 呀婆

陸阿姨在醫院己住上好幾天, 都差不多快出院了
至於呀婆跟我一樣是同一天進院
她嘛...我猜都有90多歲了
每一天她都會在床上同潮州話大叫 "呀姐! 呀姐! 痾屎痾邊度呀?"
(註: 鄧小琳係唔識潮州話, 只係呀婆重覆同一句五十次以上一百次以下, 唔明都聽到明)

姑娘明明已經跟她說 "痾屎痾呢度! 痾落條片度!"
但佢都仲係會問...而根據佢屋企人既資料
呢位呀婆係識廣東話!

有時又會大叫一大串潮州話, 無人明

頭一天, 即手術當天我都不常在房內
都不知道房內的事情
直到手術後, 我正在睡覺
探病的朋友們親眼目睹發生在我旁邊的這件事...
到第二天他們才告訴我...

"小琳你知唔知你尋晚訓左隔離打架呀?"
我話 "下?! 兩個呀婆點打發?!"

"個呀婆又係度嗌呀...好嘈...陸阿姨聽到火滾, 成個人著哂! 咪鬧鬼佢! 點知個呀婆都仲係態度照舊! 陸阿姨咪作狀去打佢, (無落床, 就咁伸隻手去打) 點知呀婆竟然伸隻手出唻撩交打! 咁陸阿姨就伸隻手去打佢, 但個呀婆又即刻縮! 幾次喇...個呀婆好似係度玩佢咁! 好鬼攪笑呀!"

"之後陸阿姨咪捲埋張報紙成條野打埋去佢度, 個呀婆係度鬧 'Bu你呀嬤!!' 根本佢兩個係度係咁 'Bu你呀嬤!!''Bu你呀嬤!!' 'Bu! Bu! Bu!' 'Bu! Bu! Bu!' 係度 Bu 口水! 笑死我地!!"

...鄧小琳我最衰訓左啦....我都好想睇下呢一幕...一陣又笑到爆肺...
不過到我住院休息期間, 呀婆依然係日日係度嗌
到last day我都忍唔住鬧佢
唔好話我係衰人啦...佢雖然90幾歲
但佢八點一起身就嗌, 嗌到五點半有人唻探病先收口
佢真係痴線加...

佢唔止野蠻, 仲會打人...
醫生有次幫佢插胃喉
咁姑娘幫手啦
呀婆用腳踼個醫生...
仲用埋頭去撞呀姑娘個頭呀...
真係笑到你死......
到左夜晚, 我望過去, 竟然見到佢已經自己抆左條喉出唻...
仲好有手尾咁捲返埋條喉....=_=

有日姑娘綁住佢4隻手腳
佢都有本事解得開隻左手...
呢個呀婆真係唔可以睇少...