性病

有病的不是我...請放心
只是我那當護士的姐姐今天告訴了我一個剛在醫院發生的事

我姐姐是在手術室工作的
她說前陣子有一位年輕女子要做墮胎手術
原因是她染到了性病

為病人施手術前
手術室姑娘都有需要問清楚病人知否自己來做什麼手術
同樣地這次姐姐也有問
然而那女子也把她的事愈說愈多...說得崩潰了...

"嗚....一心以為同個老公結左婚可以好幸福...而家仲有埋小朋友...
一家人開開心心...點知個衰佬傳埋啲性病比我...我而家大住個肚...
唔係佢傳比我仲有邊個呀...嗚嗚....
我問佢佢做咩要係出面攪三攪四...佢好無情咁答我...
' 咁你大住個肚, 唔攪得, 我都有需要加! 咁咪係出面攪囉!'
嗚...我而家好後悔呀...仲累埋個細路................"

姐姐沒有說太多...只答到
"呢啲咁既男人唔好要啦...快啲離婚啦...
你仲咁後生, 好返之後咪再重生唻過囉...以後帶眼識人喇..."

我無知, 對性病的事知得很少, 便問到
"咁個男人唔辛苦加咩?點解佢可以咁冷靜?"

"辛苦加, 又痕又腫又痛囉, 不過有分 '有得醫' 同 '無得醫' 既, 可以食住藥等自己唔辛苦..."

"咁係咪睇唔出加?"

"食左藥就睇唔出加喇"

"咁仲會唔會傳染?"

"會加! 呢啲男人咪唔負責任加自私囉! 自己衰就好啦!" 姐姐瞪大眼睛說

之後我沒有再說什麼, 只在心中冒起一大堆粗口咒罵那些極討厭的男人。

*****

男人竟然可以騙妳騙得以為妳自己很幸褔

這是什麼爛人種?! 是什麼爛社會?! 是什麼爛風氣?!
爛得令人對這個世界失去信任!!!