好煩

做人真係好煩
順得哥情又失嫂意
咁又唔得咁又唔岩
想我點先?

有時個結果雖然會令你唔滿意
但可能人地已經盡左力去令個結果好睇啲
而 "好" 既程度本身只能夠去到呢個位...

批評人之前係咪應該想像下人地有無落過苦心先呢?

****

做朋友啫
大家都幾廿歲人
做乜要咁小器?
做乜做人做事都要去到咁盡?
得罪左你...只要唔係殺人放火
過左去...就算數啦...
好得閒咩? 係度攪事?
人生短短幾十年
何必要令它充滿仇恨?
我成日都話 "人生係應該充斥著快樂" 加嘛...

****

朋友
你成日問我你做錯左乜野? 叫我坦白講，等你去改
今次唔係我自私唔想講
只係我講左又點呢...
我用心良苦 "度" 好哂點講你知
令你聽起上唻易入耳啲
結果你聽完就唔記得
過多排又問多我一次
呢啲係你自己既事，係你自己既責任
點解會落左係我身上?
明知我無記性，仲要我嘔返之前啲野出唻?

我講完比你知係咩事之後
又要我舉例子
無記性既人最驚講例子，邊記得啫?!

咁係咪我講唔出例子就代表你其實係無問題?

講例子亦都無意思
唔通我話 "喂你講野唔好咁大聲啦"
然後你問我 "幾時有?"
我話 "好似頭先你講電話時咁囉"
咁你就只會記得以後講電話時要細聲啲
但其他時候都會不自覺大聲

一個人想知道自己衰乜好簡單
你做/講完某啲野之後，身邊人反應奇怪
咁你已經估到係乜啦
睇你有無心去感受同理會人地既反應加啫...
用自己對眼唻睇你先會記係心
靠人講，係唔會放係心加...

****

呢排雖然多左係屋企
但人與人相處既煩惱反而多左
做 "醜人" 角色亦令我非常反感!
我真係唔想咁多煩惱
因為好無謂，好無聊
好想搵個地方哩埋幾日off埋電話乜Q都唔理

以上內容乜人都有份
但無謂對號入座啦
問我我都唔會答