最開心最有意義的情人節!!

今日帶左四位新義工去幫手
大家都有野做, 大家都幫到手, 大家都好忙!
我覺得好開心!真係好開心!!!
我知道狗狗們是很感謝的!!! >3<

再來和我男人威威合照~
原來威威係來自華富村!
一個女士餵流浪狗時餵埋佢地
但華富村唔比佢再咁做
所以就同妹妹唻左呢度~
而小吉...竟然係威威細佬...=_=
小吉好惡加...真係唔似囉...

新義工 shirman
佢話佢今日過得好開心好難忘!
哈哈~你鐘意就太好了!

很多人嘛~但要照一張合照實在不易...
狗狗們太失控...

happy成日lick我...haha

我又入去同妹妹威威傾計...
係我喺狗場既休息室!

小吉...

左邊係Ruby

呢日男士就清場掉垃圾落山
女士就做清潔
好順利~ 好成功!
多謝哂你地! 特別係新唻既義工們!

估唔到
沒情人既情人節
可以過得咁開心 ~

做完野, 去左沙田茵餐廳食飯
沙田友應該知係乜~
係一間好懷舊既餐廳
感覺就好似雍雅山房 (但咁無靚)
野食好一般, 食氣氛同環境~
我地仲撞到歌神許冠傑食飯
所以, 大家都可以去一去~
一個寧靜既地方

***********************************************

星期日我同幾位義工都有再去
呢日係起屋 (新狗場), 可惜時間唔夠
只做起三份一
要再努力了!

看門口, 唔跟人, 可以通山走既 "心肝ding"
佢係超可愛得意同靚女!
剛去狗場時, 佢係唔會行近我
而家見多左, 終於都行得埋左喇...yeah...
摸到佢係我既目標! hahaa....

後面個隻係sophie
都係同心肝ding一樣咁乖, 但唔跟人

有一晚我地四個人去完高街鬼屋
原來己經唔係鬼屋幾年...
變左老人院...單身人士宿舍...精神病人宿舍...等等...
但鬼屋外牆keep返喺度
個感覺都真係幾寒

之後再去左老牌糖水源記 (西環)
好失望囉...呢幾年愈來愈差...
差都係難食嗰種...
芝麻糊同紅豆沙係無沙!
如果唔係因為佢出名, 我相信無可能會爆人囉
有乜理由四個人四碗野都係難食...唉...真可惜

最後去埋摩星嶺探險
真係好驚囉...啲前軍人營、洞、隧道等...全部都好黑...
好似會有野喺入面走出唻咁
而且仲四個人有三個人見到野...
雖然我只係見到白煙
shirman同fung就聽到聲、有人大叫、見到樹林中有白光...

但理智啲諗, 呢個世界無乜可能會有鬼...
只係環境太黑太靜...攪到人會有幻覺

btw, 嗰兩條用唻運武器既斜路真係堅斜, 少見~