Day 1
今次日本之旅真係有啲黑仔...
遲左唱錢..攪到搭唔到朝早機...一早去銀行唱...
要搭1500班機...但原來T2有HSBC唱錢...=_=
五點食左飛機餐後無再食過野..............
因為落機己經八點半, 趕搭尾班narita express去橫濱...
去到youth hostel十一點半...但十一點關門...
我好慌張...企左喺門口唔知點算...
有個男人行過, 我請求幫助...
佢發現大閘無鎖, 一齊去按門鐘...
有人應...好彩...............
不過無涼沖! 因為bathroom只開 1800-2200!!!
我行到成身汗呀!!! 嗚........
Day 2
第二朝搭長途車去仙台
我...瞓過龍!
鬼咩...瞓左四粒鐘咋...
攪到我搭左四五個鐘JR...
第一站去山寺
又行到爆哂汗...
朝早淨係食左五件 sushi...
返出仙台都四點
先食lunch...牛舌, 幾好味, 但唔係勁好食
有好多不同味道雪糕, 我食梗提子
入口後第一個見到的寺
50yen買一束香，點著插在爐裡，可保全家平安，我當然有買哦~
唯一一個見到既和尚
快快手set機自拍，斜哂~haha
一路行上去一路都會見到不同的寺
自拍啲相真係又悶又唔靚...
這是...草泥馬嗎...?
仙台巿，落雨呢...
去民宿check in
$2xx一晚, 好平, 雖然殘啲
但乜都有!! 啲用品都幾新! good
我鐘意瞓呢度多過YH....
at least i can take a bath anytime!!!
n sendai is a good place~
Day 3
一早搭JR諗住去大內宿
但落雨...就轉去石卷睇小露寶 (室內唔怕落雨)
其實我無乜興趣去睇...咁岩天氣又好啲啲, 咁諗住不如直落去柳津
點知去到前谷地轉氣仙沼線時...駅長話要2小時後先有車................
咁我...唯有唔去啦...又等左大半個鐘, 搭返原本架車去小牛田轉新幹線去宁都宮食餃子
好遠...瞓左好耐...結果好lazy咁決定唔食餃子...費事食完又要等車...就直搭去大宮睇火車博物館
因為再遲就乜都睇唔到, 己經用左好多時間搭車了....
就係搭返呢架車出小牛田
好好人的站長，超友善
雖然好黑，但我鐘意剛好拍到窗外有樹林~好似坐緊貓巴士咁~hehee....
在大宮站買票後，專門搭去火車博物館的列車
啲列車真係好Q靚!
我好鐘意呢個，因為係三架床!!!!
仲有小列車可以比小朋友玩，我好想玩呀!!!!!!!!!!!!
1000JPY入場, 都幾多野睇, 值得去呀~
睇完四點幾, 仲有時間可以去高山尾口站睇立體畫 (收七點)
點知架列車站站都停鬼咁耐...結果六點都無去到...咁...唯有返橫濱啦...都係同一條路....
唉~ 又用哂啲時間搭車...真係火滾...
我學日本人將個袋放喺架上面
因為我咩住兩個...好重..
點知喺東都奈川站轉車去橫濱時, 我唔記得攞 !!!!!!!!!
仲要係岩岩關門我先記起! 出唔到去!
我超驚! 入面有幾萬yen!!!
我即刻搭返去東都奈川求助
但佢地英文唔掂, 講左好耐...我驚到喊..
好在佢地知道班車幾點會返唻, 但係要兩小時後...
我話不如你比個timetable我, 等我去中途某啲車站"追"返架車
佢又唔比我...我又喊...
最後佢問我攞左資料, 又問我邊卡車唔見...(佢地動作好慢, 急死我!)
跟住我好努力講比佢知我真係好想去追架車...
請求佢幫我睇下...
finally...我可以搭返6個站, 再等十幾分鐘
原本班車就會經過我等梗嗰個站
而且站長終於梗比個copy我...T^T
好好運......個袋竟然仲喺度...!!!
好感動呀!!!
成兩個鐘頭都無人攞!
日本人太老實喇!!!
岩岩好我趕到返YH沖涼
但又無食飯喇!!!
我喺日本一日, 食野份量只有香港既四份一!!
我瘦左呀! 條褲鬆左呢!!! XD
