書書書有第三版?

台灣返唻之後都開始哩喺屋企 "還債"
去完旅行，係要"還"架喇...haha...
不過辛苦完，又可以再去過!
原本plan梗去norway with一個台灣女生
不過原來norway係一個食錢國家...
plan好路線後發現 飛機 + tour 至少要花費萬幾二萬蚊...
所以唔去了!!!
雖然好想親近北極海同polar bear...
都係再過幾年儲多啲錢錢先啦...嗚..............

呢幾日打完針，又開始唔舒服

今日下午一個人坐係窗口吹風...吹左個幾鐘頭
合埋雙眼...想扮靜坐...希望將啲痛苦排走...
係幾有效，至少嗰個幾鐘無咁辛苦
直到一陣大雨...成面濕哂...無得吹...=_=

再加上返到唻香港，撞正爸爸媽媽嘈交
鬧左幾日...攪到我唔舒服都要幫手煮飯洗碗...
真係搵著我唻攪呀......
仲要聽埋啲嘈E巴閉既鬧交聲...
個頭痛上加痛

攪到我心情鬼咁差
係好唔開心嗰隻!
所以咁快打哂啲墾丁blog...尋求自我獨立空間...

不過今晚終於都好返喇佢地...
好彩家姐幫手咋...唉!

但其實都仲有一個少少既好消息
原來我本書出左第三版!!!
都係我老爸行書局時見到先知
佢見放面頭嗰本有啲塵
就攞左第二本比錢
點知返到屋企一睇...都係第二版...XD
買錯左...笑屎~

但真係好surprise!
我都好想快啲買返本第三版儲! haha~