不怎麼樣的一天

平日上完yoga也會去買章魚小丸子 + 珍珠奶茶
然後坐在洗衣街公園慢慢吃
我喜歡這個公園，因為不複雜之餘
竟然都頗乾淨和寧靜

我只會坐有棋盤的石椅
背著優才書院而坐
面向高樓大廈和慢步進出的途人

因為秋天的關係吧?
涼快天氣底下，坐在旺角公園才會如此舒適
涼風都從我左邊的大廈縫隙中吹過來
加上微溫的太陽
我忍不住閣上雙眼去感受...

一位看來有80歲的公公站在公園正中心
相信他每天也會來做運動
看上去, 應該是氣功或太極
他不是隨便做哦! 平衡力都很好!
而且角度標準! 日子有功呢!
我邊吃東西邊看他表演

突然很想知道他這人生中有多少個故事
他住在哪呢?為什麼會有這個功夫底子?
他有家人嗎?為什麼每天也花這麼多時間在這個公園?
他在眾目睽睽下做運動，是想和人分享
還是想引人注意去關心他呢?
他寂寞嗎?

我離開時剛好碰上他離去
從他眼神我知道他有發現我曾對他的注視
因為我也看了差不多一小時
他看著我, 好像有話想說
其實我也是呢, 但最後大家都止住了
然後向著各自的方向離開
如果換上我是老太婆
可能我們會聊起上來

下了車，走路回家的路上
剛好黃昏
我愛看這裡的風景和吸這裡的空氣
每次走路回家，都會抬起頭周圍看
不誇張，有時候我甚至會微笑呢

這一天
就是我坐在一個不怎樣的公園吃著不怎樣的小吃卻有不一樣的美好感覺
突然覺得可以擁有生命真的很幸運
也覺得生命很美好

廣州白雲賓館比鬼宅之夜 (有鬼古成份)

第一次上廣州
同家姐同埋佢男朋友上去
今次有家姐喺廣州既同事帶住我地
仲安排左白雲賓館 (5 星) 比我地住

雖然叫賓館, 但都真係幾靚
樓下仲要係賣LV Fendi呢啲大牌...
我地住15/F

由於我岩岩星期四先打完針
喺上面同佢啲同事食完lunch三點幾
行到五點幾我己經頂唔順
但唔想掃興, 所以keep住行
肉體己經變成受指令動作...無哂感覺
食埋dinner,九點幾返到去第一個沖涼即瞓

我地三個人屈蛇雙人房
我當然係一個人瞓一張床啦~

比少少背景大家
我25年唻都無見過同接觸過嗰味野的

我記得我瞓得好冧
仲發梗夢
突然間我就醒左, 瞪大眼望住天花, 我知道家姐同佢男友仲喺我隔離
聽到佢地細細聲講野仲未瞓
但我無拎個頭過去望
因為我feel到另一樣野
就係有第4個人"入住"我地間房....

由入門口, 放低行李, 執野, 掛衫等動作都係快鏡
但我全部都係睇唔到, 只係feel到有個人好快咁行唻行去
"佢"執好哂之後就跑過唻跳上我張床度
即係宅住我...整個入住至宅住我過程唔到十幾秒

我郁唔到, 但第一時間大叫
因為人人都話比鬼宅要大叫
叫得出就即係無事
我記得我叫左3~4聲, 真係出盡飲奶力
我對眼只係望到天花, 望唔到左右
全身更加係郁唔到
叫到第4聲既中段, 出到聲
亦同時郁到喇
我自己都聽到個叫聲好奇怪
我呆左兩秒

家姐男友問我 "阿妹你做咩呀"
(家姐之後同我講返, 佢兩個當時都呆左陣, 先叫佢男友問下我做乜, 佢地話我既叫聲好恐怖)
我拎過去望住佢兩個, 透左幾啖大聲, 定左定神, 諗下係咪發梗夢, 答
"我比野宅"

當時只係12點幾咋
佢2個都未瞓...我都可以比野宅....

即刻喺銀包攞左啲一直袋住既觀音呀濟公呀等等既"閃咭"
好似playing card咁排哂喺床頭櫃
仲有啲用利是封包住既銀仔 (都唔記得幾時邊個比...) 放喺pillow底

家姐原本都唔敢瞓
聽完我咁樣就仲唔敢瞓
但我話 "快啲瞓啦...聽朝我地好早起身, 今晚唔夠瞓聽朝仲恐怖呀..."

最後斷斷續續大家都瞓著了

其實有接觸嗰下都真係幾驚
但諗返都幾刺激
因為我相信件事點worst都唔會死
haha 咁又有咩好驚呢
當係一個經驗!

狗的真情 - 成都的狗狗愛情結局...

這是今天報紙有提及的新聞
發生在成都
我不多介紹了, 因為片內有文字描述
相信此片令不少人哭翻了

動物都是有感情，有人性，有知覺的
一直以為牠們因為是動物、昆蟲、家禽...便等於沒有以上情感嗎?
這根本都是人類自私的借口!!!

前陣子己報導了蟹是有知覺，人類卻一直說是沒有，硬把牠用水慢慢煲熟!
甚至用筷子插死牠們打開蟹蓋!
我也有轉載一單新聞是一隻雞為了青梅竹馬的同伴死去而絕食繼而跳樓自殺
但雞檔每天都把無數的"關係"破壞! 母親看著兒女被強行放血、放入熱水脫毛、肢解!
是每天! 比大屠殺便殘酷!!!
還有街頭的流浪貓呢? 牠們又遭到什麼殘忍的對待?!

我希望恐龍復活，把人類吃光!
不對...恐龍也會吃其他動物...
應該要有一種病毒
可以把壞人全都毒死!!!

請大家愛護動物! 任何有生命的個體
牠們沒有得罰我們，牠們應該得到尊重!
傷害沒有抵抗能力的人和物
你還稱得上是人類嗎?

屋漏兼逢夜雨...

巨爵的來臨
風聲 "free free" 嚮，瞓不著
個風吹正我屋企...大雨不停淋落啲窗度
就好似消防員來我屋企救火咁...

最慘係窗邊入水!
廚房個窗好似開水喉咁，個地水浸，我間唔中就去拖下啲水
個廳都有入水，要放毛巾
爸爸媽媽直頭瞓瞓下醒咗，因為枕頭同個頭都濕哂! haha!!!

棟大樓仲吹到有啲搖
有趣...

今日不停落大雨
突然窗前出現好大條彩虹!
我住28樓，條彩虹就喺我前面!
好開心! 即刻攞相機影低佢!
可惜陽光只出現左2分鐘
我影相時條彩虹己經開始淡色...:(

 

*****

以後呢度都唔會再比人留言
因為太多垃圾留言同廣告
好鬼煩
真係有野想講想問可以去留言板或者email比我

siulamtang@yaxxo.com.hk

(沒留意email公開了，會收到很多垃圾信件..T^T 所以改了"xx", 大家都會明白吧~)

 

真光同學聚會

好耐無見真光商科既同學仔
今日難得約食飯
大家都在做關於 account 既工作
也有在找account工作的
我聽到覺得好可怕哦
唔敢相信自己讀過account
因為我好似唔識 account 呢個"人"咁...
5 年無掂過 account 喇!
當年讀得咁辛苦真係嘥哂!
如果當年立即找工作，現在應該還過得去~

這張set 了 2秒
趕唔切...
大家樣子好尷尬 haha

大家都是窮鬼
躲在照紙相機內用相機自拍
haha (說笑喇)

和emily很老定
一早到了旺角卻不先去訂位寧願逛街
結果心目中的餐廳 full booking...
還好走遍整個新世紀
找到川菜吃
還有六折!
窮鬼的喜訊

等了半小時
其他人還沒有來...
超無聊地自拍拍

怎麼拍來拍去我們也不搭調...=u=

有人來嚕~
菜也上了
可惜主角還未到
大家又再眼光光看著美食半小時...

主角到了!
kaka的bday
我和emily要等主角先夾菜我們才敢哦
kaka夾了四季豆後我們兩個像餓狗吼叫著伸手夾 "嗚呀!四季豆!"

吃飯前和emily走餓了
又吃章魚小丸子和喝珍珠奶茶
為什麼是 "又"?
因為我昨天才把這配搭吃了一次
哈~ 我最愛這個組合 =w=

旺角球場旁那公園遇到這個叔叔
是否一種新興運動? haha

屋企有車用喇~

媽咪個朋友要換車
呢架車原本攞去掉 (真係掉...)
因為個鎖壞左, 佢費事整
媽咪話咁嘥, 不如比我地
所以我地屋企就有車用喇!
爸爸亦都搵人整返個鎖~

Renault Megane
2001車, 外表7成新淨哦!

不過我自己唔會花錢喺車度
所以有啲花左凹左我都唔會理
代步啫~
但爸爸就好想整返佢, 但好貴...
男人對車真係有啲要求...哈~

呢一星期爸爸都叫我開下車, 熟習吓
前日第一次車爸爸媽媽去megabox
尋日就車佢地落九龍灣
之後就同阿兔去遊車河!

九龍灣 > 馬鞍山 (接Burn) > 白石 (Hea) > 西貢 > 清水灣 (睇人玩飛機)  > 馬鞍山 > 土瓜灣 (晩飯)  > 觀塘 (入油) > 九龍灣 > 回家

阿兔同Burn話我技術好好~ 唔似新牌仔~ YEAH!
我自己都好滿意自己呢!!!

不過迴旋處係我弱項...

白石真美...

日落更美~~~~

托朋友轉貼: 7 歲比高女尋家

妹妹曾經有個快樂的家庭, 有主人錫,
有得同一大班狗朋狗友去行山玩樂。
但係主人搬家了, 唔能夠帶埋妹妹上公屋....
所以現年 7 歲的 beagle 女要尋家了。

妹妹暫扥親友家, 但親友要出 trip, 把妹妹暫扥朋友家,
妹妹因掛念主人而離家出走, 不知甚樣去了漁記。

而家妹妹已經返回主人親友家, 急找有心人領養。
唔該大家幫手問問朋友或轉貼。

我所認識的妹妹都幾乖, 可以同其他狗狗相處, 不過好痴身,
留佢自己一個响屋企會吠的, 所以比人投訴佢嘈.... 但我覺得可以教的...

如有興趣收養妹妹, 請留言或電郵給我 ewatsang@yahoo.com.hk

或直接打比佢主人的親友 kennis 9866 8931

第一次喺大陸消費咁舒服!

呢張就係K房照~
但只影到漂亮的四成
還有六成沒有拍~ 下次吧!

巴蜀風
餓...

終於有野食，暗笑...=v=

 <<迫...

大家用坐圍來量度"坐圍"
結果邊個最大蘿呢?! kekeee....

好耐無上大陸揼骨喇~
尋晚上左去, 先去巴蜀風食飯
好多spicy野, 我唔食得但都每碟食一舊
好味哦~~~

接住去隔離星期8唱K
上次唻, 好唔掂加
簡直要用恐怖唻形容!
但今次, 佢地裝修左!!!
超級靚呀!
靚過哂CEO!
好多唔同效果既房燈轉換
勁多歌, 多到好多香港都無!
揀歌system好先進!
全touch screen, 最欣賞佢插歌唔洗click咁多野!
用手指按住首歌推上去你想插既位置就攪掂!!
而且從未坐過咁"漲卜卜"既sofa!!! XD 太新喇!

我地今次坐大房
百幾蚊一間房, 無記錯可以唱五小時!
我地7個人, 抵!

之後去左食街邊串燒~ 超好味哦~~~
再買埋生果食~ 好甜哦~~~

接住去揼骨喇~
有超過一年無揼呢!
因為打完針真係好攰, 個頭好痛
所以忍唔住要跟佢地去揼下...

先按腳再按頭, 再推油再按頭
按完都朝早 0620 喇!

瞓醒就去飲茶
再去shopping
第一次發現大陸啲野係靚!
同尖咀差唔多但價錢平好多~

今次大家都玩得好開心好舒服呀!

一. 平日人少
二. 遇到既事又順利
三. shopping 啲野又靚, 買得落手!
四. 野食好味~
五. 大陸啲服務好左好多!

但最攪笑係, 我叫朋友唔洗攞咁多錢, 因為我有七百幾蚊
點知到shopping比錢嗰日先發現我有張五百蚊係台幣!
突然間大家變到無哂錢! 度住度住 XDDDDDDDD

睇唻我會愈來愈少喺香港唱K同買野喇...XD

開心開心Relax Relax ~~~ Yoho~~~~~~~~!!

表妹前幾日送左呢四張相比我
原來係佢畫加!
我同家姐都嘩左一聲!

我另一個表妹會考攞到20分!

怎麼表妹們都這麼強?!
我這表姐真慚愧! T^T