2010年5月29日星期六

MayDay!

看了第一場五月天
好..............好好好睇!

其實當日突然唔想去，周圍問人要唔要飛
最後因為無人頂，所以都係去咗
好彩.........無人頂咋~ XD

現場無跳舞、嘉賓、誇張服飾
卻令我由頭跳到尾
全場接近九成觀眾都手持清一色藍色螢光棒
跟著音樂一上一落的
比起多款多色的螢光棒更美呀~

當然還有阿信的浪漫話語

"如果我會跳舞，我一定會跳給你們看。可惜我只會唱歌，那就慢慢唱給你們聽。"

"給你全部自由，是我最後的溫柔。"

冧死人咩! >w<

2010年5月26日星期三

第一日, 收工釋放節目 :

大浪灣哂太陽，游水，遇見王喜...林一峰...張柏芝...個細佬~ XD
暢遊石澳道豪華大宅~ XDrz
石澳後灘山仔，眺望南太平洋...日落...

第二日, 收工釋放節目 :

回家換運動服，出車!
深井日落(開超快車追太陽)
上山影汀九夜景(清!)
落貨櫃碼頭, 昂船洲大橋橋底 (非常震撼)
青衣環島公路遊
大帽山飛車(好~~~爽!), 山頂瞓地睇星(地球好美)
長青dinner>大埔 >回家

劑出時間和力氣
珍惜每個好天氣!!!!!!!!!!!!!!

後補相

扮噴光失敗
改為用眼

追日落失敗, 唯有等橋著燈

朋友話啲車書成日唻呢度影車
佢又要過吓手癮

被迫和架車合照

落貨櫃碼頭亂蕩時唻到橋底

有月亮相伴 ~

己經好靚好靚...但估唔到橋底仲靚...

現場超震撼
原來香港仲可以靚成咁!

我真係好開心好興奮
意料之外的收獲

環青衣公路, 昂船洲大橋遠景

及, 南灣隨道頂

飛車上左大帽山山頂
鏡頭以外的左邊是荃灣
相中是錦田, 河對面是深圳

左高樓右平房, 奇景~

我話呢度係函館有無人信??

(照片來源: 朋友的G11)

2010年5月23日星期日

鐵男苦行記八十後遊歷世界 (星島)

(綜合報道)畢業於香港中文大學，修讀不愁出路的經濟學系，高薪厚職指日可待。然而，謝啟鵬卻放棄畢業後的「搵錢」大計，獨自離鄉別井，在他鄉尋覓比錢更重要的生活體驗。這浪漫的舉動似乎不是新鮮話題，可是今時今日，在一片「盡快搵錢買樓」的現實大氣候之下，真正能拿出勇氣踏上征途的，卻是寥寥無幾。

「我來自中產家庭，從沒擔憂過柴米油鹽！」眼前這位「八十後」謝啟鵬，皮膚有點黝黑，眼神很單純，想像不到剛回港不久的他，靠自己賺來的錢遊歷了三十二個國家。「我本來只打算花兩個月在歐洲畢業旅遊，後來發現了愛爾蘭的一年工作假期計畫，於是轉了念頭，打算在那兒一邊打工一邊遊歷。有些事現在不做，以後就沒機會！如果我一畢業就立刻工作，然後就會一輩子在職海裏掙扎求存。」

2008年的8月，謝啟鵬給自己人生設下了一道考題：不再靠父母、沒有朋友的扶持、在一個陌生國家、說不熟悉的語言，一個人怎麼生活下去呢？人生路不熟，出外能靠甚麼朋友都不知，他便匆匆地起步了。他憶道：「一到愛爾蘭，須盡快找工作安頓下來，當時很徬徨，非常想念父母。」然而，信念令他堅持下去，「我就是為了磨練自己，練好英文才去，怎能中途放棄呢？我還希望出書記載心路歷程。」在國外有誰知道他是誰？他必須放下身嬌肉貴的大學生身分，外賣仔、倉務員、侍應，所有低下階層的崗位他都有殺錯無放過，逐家逐戶寄了二百多封求職信！「當地人大多不清楚工作假期計畫，又沒有特區護照的概念，我被誤為中國留學生，更誇張的以為是非法入境，得花大半天去解釋我是可以合法工作的。」要在異鄉找工作，沒有身分認可的確不是易事。「幸好，我得到中國同胞的接濟，在餐館當打雜；後來為了想多點接觸外國人，我又轉去洋人快餐店，前後打了四份餐館工作。」他也沒想到，一別家鄉，不止一年，而是四百七十日。這昂貴的機會成本，沒有帶來蝕本生意，他像上了太空再回地球，基因突變為吃得苦中苦的「鐵男」！

每逢公餘時間，謝啟鵬把血汗錢花在遊歷上。工作一年後，他還繼續浪蕩，德國、意大利、法國……遊遍三十二個國家中，他最難忘的是冰島和摩洛哥：「我呆在芬蘭幾天，一直等北極光出現，結果卻失望而回。後來在冰島朋友家裏，我從窗口望出，夜空上竟然掠過一片片淡綠色的垂直光芒。那時北極光出現的機會很微，忽然失而復得的感覺，令我興奮得想哭起來。我一直在嚷着，誰知身邊朋友都見怪不怪！」另一次，他騎着駱駝步入撒哈拉沙漠，晚上躺在黃沙上過夜，漆黑的天幕綴滿了星光，他興奮地說：「我真的驚呆了，沒有高樓大廈，沒有污染的燈光，只有在頭頂上廣闊的星空，跟我是那麼近。我使勁地仰望天空，內心按捺不住，興奮得不得了，舉起相機卻照不到滿天星星，那一刻我憂心起來，我好想跟我最愛的家人分享快樂，孤獨感湧上心頭。」這是每位在異鄉的流浪者，要學習面對的心靈功課，孤寂本是與生俱來，只是我們習慣逃避而遺忘了。流浪，讓他更聽清楚心靈的細訴，更了解內心的需要，更懂得珍惜身邊人。

問及下一站想去哪？謝啟鵬想也不想就答：「我想去中國！我在國外時，充當了文化大使。很多朋友問起中國與香港的事，有時我卻啞口無言，需要上網找資料，真感到羞愧。以前在香港同輩間都沒有這些反思，自覺對中國的認識很少，自身的身分問題令我迷惑。」在國際朋友的圈子裏，他開啟了民族身分的深層次反省，也許一張白紙的他，到國外闖世界後，被塗上了更多的問號。

謝啟鵬又說，挨過了辛酸的打工日子，生活雖辛苦，但他找到快樂之道。「原來快樂可以很簡單！在香港，好像不為樓為車而博命賺錢，就等於沒前途、沒志氣。不為『錢』途，只做自己想做的事情也是一種生活呀。每個人都有自己的生活，不能主觀判定誰好誰壞。」謝啟鵬也許從小的生活風平浪靜，二十多年來在教育制度的鋪排下扶搖直上，忽然停一停，抽一抽身，讓他知道：「世界那麼大，是誰說人人都得跟同樣的時間表？生活可有不同的方程式，要找到心靈的快樂可以很便宜和容易。我現在不會要求高薪工作，只要有關旅遊的就行了。」

後記：旅行新趨勢

今日愈來愈多青年如謝啟鵬一樣，不再一味主張消費玩樂，而是以體驗生活為由浪迹天涯。謝啟鵬某程度上代表了「八十後」的另一個象徵符號，標誌著香港青年文化在全球化下的新趨勢。

　　■《我有的是Guts——470天改造新丁鐵男日誌》，青藍出版社出版，售$68。

　　另類紀念品

　　阿鵬在外並沒有亂買紀念品，他帶回來的東西也許不值錢，但都滿載故事。

　　1. 阿鵬在洋人餐館辛苦工作的見證物。

　　2. 在克羅地亞的小朋友親自簽名送給阿鵬的網球。

　　3. 阿鵬在撒哈拉沙漠撿來的黑色石頭，而白色的是來自希臘聖托里尼島。

重要

成就重要
還是理想重要?

我家的堅強蝴蝶蘭

(非常粗生，haha~ )

2010年5月21日星期五

閃電

20100519 雷電交加日

收工去左西九睇天
個天好大

九龍黑雲閃電
中環天空有藍天白雲
西邊有日落
我企既位置就落梗雨
差在無彩虹
情感複雜的一天~

IFC左邊己開始有少少黑
右邊太陽照埋去, 個境好似清晨時分~
好靚好吸引

但嗰日無相機, 影到好差!!!

仲有個海面, 有層霧~

夜晚去咗朋友屋企天台睇閃電
我地個頭追住啲光周圍"拎"
條頸超攰, 但好好睇!

(無相機, 一張相都無...)

全個天都係閃電劃過
而且同一時間有三架飛機喺天空
好擔心佢地呀!

之後去左觀塘海邊睇夜景
落完大雨個景超清!
第二朝返工個景都一樣咁正~
能見度極高! ^^

2010年5月18日星期二

JCI - 來做義工啦~~~

20100515 JCI"Change Maker"

with 傑青 - 鄭家豪 (南棍南拳於世界賽中奪取冠軍)

當晚最重要的講者是馬時亨
大人物講野氣勢真係唔同啲~ XD

我呢啲平凡小蟻民
有機會出席真係好奇怪呀~
雖然我無佢地咁有成就
不過如果可以幫到忙就幫吧~
唔知當晚影響到幾多人去做義工呢???

星期六收工回家恰咗陣...但恰過龍!
乜都無攪過(個樣)...飛的去現場...
勁casual! 好樣衰呀我!
真係要多謝咁多位既包容!

現場, 450+人~ 好多呀...
原來佢地有做宣傳!
整咗張好大既print ad喺尖東站!
話我個樣大過我自己! XD
不過我無時間去睇!!! 我估己經拆咗lu! ><

poly個場好靚~ =w=

是次活動目的主要係希望可以影響多啲人去投身義工活動服務社會
聽落好似好沉悶?

其實做義工一啲都唔老套
而且做完好事心情係會好好好好!
仲可以減壓!
好過去 "圍威喂" 咁空洞啦 ~ ^^

JCI - 香港青年商會
http://www.jcihk.org/

呢個會入面有好多專業人士
佢地有正職之餘, 仲會抽空為香港青年商會出錢出力!
唔好以為佢地好難接近或者難溝通
其實大部份都好幽默, 好好人架~
香港有一班咁有心既人為地球環保、為社會付出真係好感動!!!

2010年5月12日星期三

Bethanie Chapel

每日收工, 都要尋拾返放假時的心情和活動!

今日去咗bethanie Chapel! 伯大尼小教堂!

真係好鬼靚!但入內參觀前要join tour! 所以今日無得入!

呢條路封左, 但佢無復修, 所以勁想去入!

左下望落去, 就係不准進入地帶! ><

下面係咁架...再落仲有...=(

入唔到去參觀, 要偷望

教堂落少少有個叫 "wellcome theatre"

佢前身係牛奶公司牛柵唻架!

上面係山頂住宅, 超大霧

又去左舂坎角, 今次放失敗的Kite...原本想睇日落但去到就成天黑雲!

落咗東大街搵食, 呢架叮同個車站好配合~

仲用梗呢啲bulb做車頭燈, 好cute~~~

職業

找一件事
無論怎樣做你也不會對它生厭

便把它成為你的職業吧!

攝影，我想從事攝影...!

2010年5月4日星期二

蚯蚓

今日過得比想像中好
應該係我今朝同個乞兒握手既好報!
其實我當時唔知架...佢喺我右邊出現, 笑容有禮地問我而家係咪08:40
我話你等一陣, 我睇吓...咁我就摷吓個袋睇時間
解答咗之後佢個樣好感激好感激...跟住就伸手話非常唔該我...
咁我當然都伸手過去輕輕握一握啦... 雖然覺得有啲怪
到佢轉身離開時
我先望清楚佢全身的破爛和粟米油頭
同埋咩住個黑色大背囊但係爛到連zip都無, 打開哂
不過佢無臭味又後生
似流浪到香港無哂"水腳"先變成咁~ XD

*****

btw, 上星期落大雨, 我家樓下每5步1蚯蚓
看到不少都被踩死...包括蚯蚓BB...
佢地唔係害蟲, 我唔希望大家係有心踩吧...

外表核突, 但請了解吓佢地既另一面~

(from wiki : 黃䘆 (蚯蚓) 郁動同排泄物可以改良土質，保持泥土嘅透氣性，令泥土保持健康，對農業好重要。)
(生物學家達爾文話黃䘆 (蚯蚓) 係地球上最有價值嘅動物。)

生命有價, 渺小既佢地對植物健康成長有好大功勞架~

http://zh-yue.wikipedia.org/wiki/%E9%BB%83%E4%98%86

我當晚打救咗5條...你地又放過咗幾多條呢?