拆線日

上兩星期做個微創手術
今日拆線喇
其實我都唔係好明
點解要等兩個星期先可以拆
以前開肚個十幾廿針
個幾星期都可以拆了
但今次兩針之嘛...
最怕留條線咁耐...
好驚佢會痴住啲肉...= =

好鬼痛呀...
有小小膿...
姑娘用夾子夾起條線頭
扯住個傷口勁痛!!
跟住用另一支夾子伸入去條線下面
剪開佢
最痛的時刻來了!!!
扯條線出唻時流左好多血呀!!!
條線自己都痴住左好多!!!
好核突!!!!!

我叫左出唻呀...
姑娘都係咁問我係咪痛...
睇都知啦仲問...

落左淘大行左陣
唉...冇鬼用啦...行唔夠半個鐘又頭暈又頭痛又無力...
要坐低休息下
成個呀婆咁呀!
跟住返左屋企睇"救命"
成日都唔記得睇今日終於都睇左~

====================================

好唔開心呀...
真係好想安安樂樂咁訓覺
而家每晚五點幾就急尿醒左
跟住七點左右就會訓到腰骨痛醒...
出飯枱訓半個鐘就頸痛醒...
再返入房訓一陣
跟住又痛醒
日日都唔夠訓咁起身
勁慘!