訓唔到覺...牙好痛.../ 肺科覆診

幾日都唔精神
上網都少了...
其實副作用同之前個啲差唔多
只不過係因為習慣了那種 "痛"
所以無之前咁辛苦...
但偏偏牙肉又腫 (發炎)...胃又痛...
啲牙好似比人用鎚仔每秒鐘dup你一下咁...
口都擘唔大...
個胃就食極都好似仲係好餓...淨係覺餓唔緊要...
但係餓到胃痛個隻...好難頂...
味覺又變哂...食咩都好似唔好味咁...
唉...

第五針果然 "名不虛傳"

******

星期六
十六陪我返葛量洪覆診
我差唔多係最尾一個...= =
唔知有冇人記得我講過, 幫我開刀個楊醫生好型仔
十六都話佢好有型呢~hehe....

佢話我呢段時間好易發炎
如果有發冷打冷震個啲咁既野就要入急症
因為怕發炎喎
應該係特別怕有肺炎吧...
肺炎打唔到化療針的
我前排成日無啦啦打冷震
超唔正常
好在而家無咋...

就咁睇xray slide個肺無惡化
不過我真係覺得 病 係好複雜...
今日先知自己個病

唔係叫肺癌...
well...咁點解之前又有人同我講我係肺癌??
不過是但啦...都係癌啫...= =

因為我情緒不穩
發了十六皮氣
然後十六要親手煮飯比我食tum返我
哎喲...好慘慘哦......XDDD

不過我都唔好得去邊吖...
因為好想親身分享十六對我既 "第一次"
所以我都忍痛陪佢一齊逛超巿~
(hehee...有人炒菜好緊張...XDDDD)

食飽飽終於都陪我睇 "催眠" 喇~~~
我睇完戲多數都唔會記得...所以唔會有咩 '陰影"
除左當年既 "負子" 我就驚左七日七夜
呢套戲我睇完都驚左兩日...