跟教練踩單車, 強身健體!

認識了一位在體院當單車教練的 Alan
他說在外國很流行運動醫病
雖然踩單車的好處對心臟病比較顯著
但也會對肺部好吧~
而且正在吃荷爾蒙藥的我, 患有心臟病的機會也會較大
所以 "踩定無壞" !!!

跟朋友說了我今天的活動
他說 "嘩佢啲單車一定皮皮聲!"
果然...我踩個架己經要兩皮幾三皮...
我唔小心整跌左落地 "噢大獲! 又跌左百幾蚊!"

因為是跟教練...所以要戴單車帽...
頭髮都被壓得扁扁...扁扁...

* 這單車帽值千多元...瘋的...

是的...Chris BB也在此
因為他被朋友放了飛機
突然沒有約會的他嚷著也要來踩...
好啦...既然 Alan 說不介意...你就來吧~ 哈!

他就是 Alan 教練
沿途都踫到不少他的學生呢~

每十五分鐘便會休息一次
希望我能慢慢適應
也不讓我踩得太急
說太激烈的運動不適合我呢~

踩到剛剛到達大埔的地方便掉頭了~
很累呢..因為昨晚跑過步的關係吧...腿超酸.. > ~ <

看我右手手臂! 有舊 Muscle哦!!! 很強嘛!! 嘻嘻...

Alan 一邊踩一邊用 "雙手" 幫我們拍照
我一直都想學這種技倆喇...
太酷了!

停下來才懂得出汗...全身也熱熱的
也餓得要拖著腳步...

我提議到田心村吃泰國菜
可惜我們的位子有太多小東西飛來飛去...
所以轉戰到隆亨花園餐廳
(嘻嘻~ 又是我最愛到的地方呢!)

我們好像相依為命的孤兒仔
一碟飯兩份吃...但大家又不會搶著要吃多點
總會我讓你吃多點, 我又讓你吃多一點, 哈~

最後的幾啖飯他讓我去"完成"|
我便左手匙羹, 右手揸叉, 不停爬飯入個咀度...
他說我這個食相很恐怖...(想死呀!!! 肚餓吖嘛!!!)

以下是 Chris 自創的混醬西多...
勁多的牛油溝勁多的糖漿
OMG...很肥...

行左去對面的大排檔
應該都有廿幾年了...
它散發出的氣味跟我小時候閒到的仍然一樣
那些殘破的大閘很有歲月味道呢...

今天真的非常謝謝 Alan!!!

運動過後成個人開心哂~
加上經過昨晚的事後
我己經把那個人放下了
是真的!!!

對方只需要讓我感到有一點點反感
我便可以放下, 這個是我的方法, 萬試萬靈!
這種"速度"沒有把大家嚇著吧...哈哈~

情場輸家~

今晚去左由一位病友介紹的按腳醫師
他說醫癌症可以分為三份

開朗心情佔 50%
按腳佔 40%
中藥針灸等佔 10%

10% ?! 咁少??

可能我第一次聽
所以覺得按腳有 40% ... 很多呢..真的假的?
有無人話到比我知??

佢話我病左幾年
己經睇得好開
所以情緒方面己經合格~

原來他是我之前看那位張大釗中醫的學生
我說我想繼續看張醫師
意即只在他醫館按腳而已, 不食他的中藥
他聽後好像不太高興呢...
其實只要病人好, 也不要緊吧... >_<

按了脾臟, 腎, 肺和小腦都很痛
脾臟 = 免疫系統 ( 十個痛 )
腎 = 被化療藥傷害了不少...還好我平時飲得水多, 幫手清清佢...( 九個痛 )
肺 = 佢有事, 痛都正常既~ ( 八個痛 )
小腦 = 主情緒, 潛意識既情緒最傷人, 佢話我平時幾開心都無用, 話我收埋太多唔開心喎~ ( 十個痛 )

其他地方都唔痛, 醫師話我身體其實真係幾好, 哈~

***

在你們的鼓勵下
我今晚好任性咁...去左搵佢

結果, 我衰左 lu ~
不過, 總算叫踏出左一步...將來唔會後悔~

可惜的是, 答案仍然很含糊...
點解唔清清楚楚一句 "得" 埋唻等我死心呢?

既然係咁
我就唯有比多啲野自己做啦!!!
聽日去哂太陽! 夜晚踩單車!
今次係跟一位在體院當教練的先生一起踩呢~
佢話踩單車對身體好, 有些病人的病都有好轉!
佢話想幫我, 所以聽日就開始 "特訓"!!!! 哈~

今晚也有在家樓下跑步
希望星期四的 CT Scan會好好睇睇~
下星期四問醫生攞醫生紙批准潛水會成功!!!
咁我就會即刻起程去宿霧!!
跟型仔教練學潛水!!!

xyz你! 今次一定要攞到!!!
我真係好想好想考左牌先去沙巴呀!! (熱烈渴望!!!)

I am still falling...!!

<<20世紀少年>>  上畫當天己經和Chris去看了呢
唔...也許因為漫畫實在太出色
電影版總是有很多不足...
但每次朋友出場時, 電影氣氛都做得不錯~
那種邪惡感比漫畫更重
另外超讚的是選角
阿文阿政簡直一模一樣!!
每一次出場, 場內都會有笑聲~
當然其他角色也選得很出色呀!

***

 << 我當了她 11 年粉絲 ~

這幾天大多數時間都呆在家呢
看看書打打機
朋友們都很忙...有的又出trip了
活動都被迫取消...

很想畫下畫...出去影下相...
但心情有點郁悶...
很多事都提不起勁

大家不知道呢
我一直都喜歡著一個人哦
我們有過短短六天的甜蜜日子
雖然很短...但只要有 "很愛" 的感覺
即使只有一分鐘也足夠回味一生

現在不會再有可能吧...
他也許己把我忘了...
所以一個月前我才會和某人拍拖

"最愛的人總不是陪你走到盡頭的人"
我很相信這句耳熟能詳而又令人感到絕望無奈的說話...

所以我選擇了穩定而幸福的關係
可惜的是, 性格實在太不合了 >.<
就像給我一架超酷紅色跑車
沒有車牌的我...一世也不會懂得如何駕馭

其實給我一台單車就好...

 

雖然朋友說, 我己經不是少女了
要考慮更實在的因素
不能再只單憑感覺/好感
但我就是做不到...

 

結果, 我又掉進那個無底幽谷...
一路跌一路回想那六天的事
我現在可以學說 <<地心探險記>> 的那句對白

" We ( I ) are still falling!! ARHHHHHHHHHHHHHHH!!!!"

註 : 看了最新一期的 <<讀者文摘>> 談到養生
以佛學的養生之道, 其一 : 把握當下, 日日是好日, 不過分沉湎過去回憶, 讓每天過得充實。

所以我做得不對的哦!!!

單身

今日好攰呀...比Burn Burn捉左出旺角...
陪佢買浴缸!!!
因為佢要為新屋買好多野呢~
雖然行左好多地方...行左幾粒鐘真係好攰...
但又比我學到好多野 ~
起碼知啲浴室野係咩價, 用咩料, 有咩分別...
換個角度睇, 就算又熱又攰都好開心 ~

夜晚同嶺南的Counsellor和兩位大學生食飯
因為他們邀請我出席一個分享會呢
今天先見個面, 了解一下個活動
唔...第一次要到大學演講...
大學耶...感覺好似好有難度咁...哈哈~

***

各位, 我又變返單身了
原本無打算係度公開
不過見到有人問...
為免大家胡亂猜測
我都係正式說清楚啦 ~
不過我無唔開心
因為係性格超不合
同埋好多其他原因...

我希望我真係唔好再遇到啲咁既男朋友了...plz...

* 呢個月我根本過得唔開心...

***

Burn Burn竟然仲開到ICQ...
我即刻搵返自己個a/c (因為我己忘了pw...)
睇返自己當時寫乜 Info!!!
笑左...但有啲句子係我一直都好鐘意...

唔記得roll埋落去影...
下面仲有一句, 大概意思係
" 朋友是我的快樂藥"

呢幾年如果無左呢種藥
我都唔會過得咁開心!!! 哈 ~

最喜歡這段, 是幾米的

- 看得見的傷痕好了, 就不痛了
   看不見的, 一想起就想掉眼淚

- 如果, 走到這世界邊端, 我己無力前力, 跟我一起飛去

- 我們(的)天空何時才能(連)成一片, 我們(的)天空何時(才)能相連

(應該係因為字數限制所以當時夾硬cut左啲字...哈哈~)

*唔知做乜我個職業係電腦...省巿係 BU...

- 似遠亦近的感覺, 很勾心

(自己睇返都打冷震...)

* A女女?? 咩唻??? A Cup?! wakakakakka!!!! 好彩唔係寫 AA 女!!!! 完全唔記得自己點解咁寫!!

可愛的屋企人 (寵物)

唔知咩生物...一路瞓一路食野...

你們看美心打呵欠的樣子...
好似海獅...

瞓到隻豬咁!

西餅唔知做乜, 好唔開心咁...個頭吊左喺個轆出面, 呆左幾分鐘...

阿燕隻傻貓 ~ 好得意呀佢!
我係咁追住佢, 佢驚左我...哩埋係枱底唔出唻...
心諗 "呢個阿姨好Q煩..."

"喵~ 我係肥貓加德里奧~~~"

大家記住要養到佢地終老呀!
仲要比一個開心舒服同溫飽既生活佢地! OK!?
鍚佢地多啲! "你會得福的!!!"

哂太陽踩單車

大埔食粢飯
老闆超好人, 豆漿飲完會幫我地添呢!

持機人阿鋒, 左起: Burn, 黑仔, 燕, 我

唻到大美篤水霸喇~~~

大埔海濱公園

科學園出面休息

阿鋒扮無腳, 哈哈!!

看到有人說我最近很有活力
當然啦! 有精神仲唔去到盡咩? 哈哈~

今朝起身同阿燕去左清水灣哂太陽呀~
不過我有個無記性病嘛, 所以又帶錯路喇...
結果攪到三點先入到去....

七點半約埋昨晚既單車友去九龍城食泰國野
好好味呀~! 仲要好平呢~ 六碟餸都唔洗四百蚊!
(九龍城金蘭花)

我話今個星期要再踩多次單車
阿鋒話 "其實我想話不如今晚踩..."
哈哈!! 結果我又入左馬鞍山!!!
踩到去馬鞍山碼頭就傾下計
再去食糖水...

次次踩單車都要食糖水...肥死...
今晚又去阿燕屋企訓~

最近大家都癲癲地...不停攪活動...
唻梗有好多(玩)計劃呢!累力透支!!!