八小時的單車之旅...馬鞍山到大美篤...

而家己經凌晨三點幾...
今晚係阿燕屋企訓
因為我地岩岩踩完單車!!!

七點鐘開始, 由馬鞍山踩到去富安...
(出車無幾耐我就炒車...傷了手錚, 下爬, 肚皮同菠蘿蓋...)
join埋黑仔同阿鋒
就踩入大埔食飯...
踩埋入比華利山 (無人住既...) 同魚排...
再入埋大美篤水霸...(途經有兩個地方既風凍到好似吹冷氣咁! 好神奇的自然現象!!)
己經十點半了
望住馬鞍山個夜景傾計
計劃我地下一個活動! 哈~

回到大埔食甜品
回程途中經過科學園又停低係度hea...(好多小強...)
我地己經攰到唔想再踩...(凌晨兩點...)
拖著不受控制的雙腳和沒有知覺的屁股踩回馬鞍山...

明天回家再放相吧~
很充實的一晚!