Day 5 _ 激流

呢日係我旅程中第二次喊喇
其實rafting係好好玩好刺激加
不過我地架艇太少人, 太輕
比個浪反左我地呀!!!

我比架艇cover住係水底
當時水流好急好大浪
我好驚...我出哂力離開架艇
以為自己可以透氣
點知又比啲浪撞返我個頭落水
好彩好快我就流出左個大浪位置
終於都透到氣
但個心仲好驚!
周圍望, 希望有人救返我上艇...

上返艇後, 佢地話我面都青哂...
我己經好唔想玩, 但其實只係岩岩開始...
唯有頂硬上

我愈諗就愈驚...跟住就驚到喊...(好渣!)
佢地都 bi li ba la講返頭先反艇諗起邊個
我諗起屋企, 第二個就係獨木舟champion...
因為佢係一個人划住獨木舟負責救我地加!! 哈哈!!!

我真係以為自己死梗...再一次接近死亡...
死...原來真係一秒間既事! 好可怕!

之後佢地話我好似"公主"咁
坐左係艇尾
兩個教練一左一右保護我
其他人唻襲擊, 想反我地艇
佢地即刻嗌停 XD
我都唔想咁加...

全程都有人幫我地錄DV
然後燒成DVD賣比我地
我地睇返...大頭笑我 "你睇小琳一開始幾落力! 不停嗌 1 ! 2 ! 1 ! 2 ! 哈哈!!!"

( > . < )

睇到反艇個part
Johnson話好記得反個時, 見到Scaba係佢頭頂飛過呢!!!
(當時Scaba坐係Johnson右邊)

玩完上午, 食完lunch
心情好返好多, 識笑喇~
教練叫我試下坐船頭呢~
我當然有試呀~ 哈哈!

遇到大浪, 船頭拋到兩米高, 再直插入水
wow!!! 好正呀!!!

個度啲教練會成日掉我地落水
其他船啲人仲會襲擊人! 好癲!!
我亦都重新投入
唔再似"公主"喇! haha!!

坐快艇返碼頭lu~ 個個都玩到散哂

就係呢位教練喇~
佢好好人好細心呢~

返到酒店都八點幾九點...
唯有留係酒店食
以為唔好味tim...
原來勁好食呢! 仲好多款!!

啲忌廉湯係用薯蓉煲加!!
同香港用生粉開, 或者罐頭, 味道差好遠!
我飲左兩大碗!!

補返兩張搭火車情況

我地面前呢條河就係玩rafting個條喇~
相中既當然唔係最大流時候啦~~