Face的報導

其實我一早己經睇左face篇報導
我想再上唻發表下, 不過想寫埋沙巴日誌先
篇報導...我只係覺得好好笑, 點解咁都可以上雜誌

全家都覺得好出奇
做乜叫我原諒baby???
我同佢互不相識
無必要嬲佢
我相信佢亦都唔需要我既原諒
記者咁寫, 讀者就會以為我鄧小琳自認了不起
唔好意思, 我從來都話自己係普通人, 小人物
我亦唔係公眾人物

同埋有啲斷章取義囉
我無話係因為佢唔望我、唔同我講野，而話佢無禮貌噃
亦無話baby "點" 經理人問路
唔望我唔同我講野好正常呀
佢唔識我吖嘛~
呢下真係冤枉

講返 "想嘔" 呢個問題
咁我個一刻真係好討厭佢封咀臉嘛
不過都係only 嗰 "一刻" 啫
你睇戲見到如花個刻都會笑啦
但戲後見到李健仁你又唔笑加喎~
我己經講左, 將來再遇到佢
見到佢好既一面, 我都會照直講

見到有人話我 "做得咁唔滿意咪走囉"
如果咁少事我就唔做, 你地咪仲多野講?

我只會睇某一兩本雜誌
其他雜誌寫啲野極盡負面
話baby講 "just eat"
so? 人地全個活動講咁多英文
人地講得好個d 你地又有無報導?

我只見過baby一次
就這麼一次, 是不好的印象
希望下次再遇, 會是好印象
好讓我再上來寫一寫
免得被誤解我為人八婆