除夕。二姐生日

好耐無update lu
我部相機好幾個月無影過相
連有活動都無影...
所以要等人地比相我我先可以打blog

先來除夕的，相不多
仲有啲未收到... -__-

同 "自己人" 唱k 唱天光
好.........耐未試過...
把聲變哂

12點正，原本唱梗歌
花了半分鐘轉台到無記倒數後
...又繼續唱~
2008年就咁就過左...

走剩一半人之後
先醒起黑仔生日但CEO無offer bday cake
凌晨四點幾先唻唱生日歌 (配"勁舞") + 香檳 + 生日蛋糕

唱K前，去左AIA個manager屋企，同一班AIA的朋友玩board games
(就係上次幫佢地講分享會認識的，很友善 ^ ^ )
Bernard係board game王...好多好多board games
我見到都覺得好開心~ hahaa!
好想快啲玩哂佢

Amethyst將贏左既小雲送左比我
(我無贏過...=_=)
隻公仔好得意, 做得好靚
爸爸都話掂~ 因為爸爸以前鐘意 IQ博士的...哈哈~

二家姐生日晚
又去左海逸食buffet
飽到個個都大肚腩...
但我今日中午先踩完單車...
好眼訓...都食唔到好多野...

今晚我媽的趣事 :

難得一家人搭的士返屋企
媽媽提起今朝大圍單車禍...
我便順便叫大家即刻扣好安全帶
家姐坐中間，找不到安全帶，便說 "阿妹你撓住我咪得囉~"
坐右邊的媽咪一邊搵野一邊自言自語 "哎吔咁邊得加~"
我同家姐見媽咪咁落力為家姐搵安全帶，感到很心甜
而正當心甜之際，突聽到 "咔" 一聲，安全帶扣好的聲音
" 扣到喇~ 呀~ 頭先講到單新聞..." 媽媽接著說...

我同家姐呆半秒後立即大笑 "唉呀笑得好辛苦呀..." (流哂眼水)
我地一直以為媽咪咁落力係幫家姐搵安全帶
但原來一直都只係搵梗自己個安全帶扣...同家姐完全無關...
媽媽...我們都心痛了...哇哈哈哈!!!

回到家，媽看到楊千嬅攞左女歌手，說
"嘩點會係佢攞加? 不過佢有首歌好似幾好聽，我返工搭小巴個司機由開車播到落車都係同一首歌...真係火滾..."
最後媽媽仲去左同另一個司機老細講 (complain)，之後個司機就無再播了...真可憐...=_=