為你們...找工作!

 <<  大家都好冷好冷哦...

前兩日在狗場留到六點幾
天己經黑了
原本狗場無乜風
但一入夜, 就開始大風
我企係狗場入面, 好凍, 凍到手指都無哂知覺
眼前的狗也開始打噴嚏...
我抱著牠說 "ling ling...對不起...要你地捱凍了..."
我覺得自己好無用好無用
好希望可以再為佢地做更多

呢幾年, 錢對我唔重要, 因為我唔大洗
(雖然大家見我好似好多活動, 但其實睇真啲, 一啲都唔多加...
而且好多活動都唔洗錢, 踩單車, 釣魚, 行山, 影相呢啲都不用錢的...
用得最多都係食野, 但都只係一百幾十蚊...一星期都係一兩次
去旅行一年一至兩次, 都係平玩)

同埋我間唔中都會有啲收入
慢慢搣慢慢搣都可以用好耐
當然有時屋企人都會比少少我 (一個月一千蚊左右啦)
(我知道好多人都想問, 我啲錢點唻...)

但我決定左
要搵錢...為貓狗們提供好既質素
甚至想租間屋 (要平要大, 例如凶宅都OK!)
領養返幾隻唔靚仔或者有殘缺既動物 (因為被領養機會低)
幫到幾多得幾多!

聽晚七點我同另一位義工要搬啲地氈同板落狗場...
因為時間問題所以要咁夜...
還好...我的好朋友burn放假...願意幫助...
這樣便有三個人了...
知道burn肯幫我...我真係好感動...
希望快啲釘好啲板, 幫狗狗擋風...

過完年, 找工作...
為我的快樂來源努力!
(當然不會忘了家人啦~)

 <<媽

我想領養牠...
牠被狗咬掉了右眼...
然後再被另一隻狗經常恰牠咬牠...
在狗場又被老鼠咬...
因為牠老了...又肥...行動不便
所以成日被其他動物恰...
好慘...但佢好乖的...

加油努力!!