杭州餘杭有電子公司的食堂於一個月前購入一公一母兩隻雞準備於中秋宰殺，據指由於兩隻雞青梅竹馬，公雞早前熱死後，母雞竟絕飲絕食兩天，再從4樓高處跳樓，成為在當地流傳的恩愛故事。由於母雞跳樓後未有即時死去，仍被食堂員工撿回，但員工見痴情母雞正在活受罪，決定遂其意願將之宰殺。
動物專家確認上述母雞的行為是殉情，指除魚類、冷血動物之外的動物都存在殉情現象，而且更比人類忠誠。
***
睇完呢段新聞, 雞檔啲雞真係超慘...
是一種無法想像既處境...
遲啲睇埋<<小豬的教室>>
我諗我真係要食素...
2009年8月31日 星期一
2009年8月27日 星期四
家人反應記錄
想把家人聽到消息後的反應作記錄
大家姐
"哎吔..我好開心呀...真係好開心...終於都有好消息..."
因為家姐個同事都有cancer...情況好唔樂觀...所以對我家姐唻講, 佢真係好擔心, 而家總算有一件事令佢暫時放心...希望佢同事都可以大步檻過!
二家姐
聲音由平淡轉為高八度 "真加?! 太好喇! ..." 內容大同小異, 不作記錄了~
(其實係我唔係好記得...哈!)
媽媽
聲音由頭到尾都極為平淡 "哦...係咩..咁咪幾好囉.................你睇完醫生幾點呀? 過唻睇下架車..."
what...我有好消息既話題咁快就講完...=_=
爸爸
我對爸爸抱期望的!
點知我一邊講, 佢只係一邊 "唔...唔....唔................."
到我講完 "........................(大家靜了兩秒, 爸爸話) 咁點呀?..................(再靜兩秒, 佢又話)咁今晚返唔返唻食飯?"
what the.........................
當時我喺二家姐公司，真係笑死左
***
昨晚去了看黃子華 - 嘩眾取寵
雖然，無幾年前既作品咁有深度和內容
(唔係無, 係無以前咁多啫)
今次係"講笑話"多, 但真係好好好笑!
可惜我唔鐘意佢有唱歌及請觀眾上台
我唔希望佢變得似 Jan
Jan嗰啲係Show, 一啲都唔好睇
我明白而家觀眾鐘意睇多元化
但talk show就係talk show
攪太多花臣都係唔係咁適合...
期待佢下一次
*現場還優先售賣 "愈大獲愈快樂" 年曆包裝, HKD 120 , 送poster
2009年8月26日 星期三
體驗到何謂苦盡甘來
今天覆診，我又如常遲到
一路行到巴士站，睡魔一直在拖我的後腿...
所以我打了電話到醫院，問姑娘
"報告出左未呢?如果未出我想唔唻覆診...(我好眼瞓...)"
"但你聽日有化療期喎!你都要返唻抽血!"
我答 "唔係...如果報告唔好，咁我就唔打嘛，因為好貴"
"哦.........喂我岩岩見到李醫生!你等我一陣我幫你問下!" 電話便掛了
我其實己在等巴士，心想巴士不要來不要來...(車費很貴，能省便省!)
不久巴士在我眼眶邊進入，電話响了~
"醫生叫你快啲返唻呀! 仲要抽血tim呀!"
這句說話，己經暗示結果了
我剛好趕上那架巴士
在車上，眼濕濕
只告訴了姐姐
還未敢告訴父母，怕一場歡喜嘛...
因為連我也怕只是自己一廂情願
覆診遲到，又比姑娘炳
到見醫生，佢話我"沙pot"，覆診都唔唻
(唉...唻左差唔多6年...避得都想避啦...等你咁耐，如果聽到你一句"未有報告"，咁又有咩意義...)
開始宣判
拿了我的file比較
"先開你上次 (4月) 的看看...(逐頁看逐粒數) 嗱...計埋大概有7,8粒係肉眼見到，最大一粒有 2.5 x 2.2 cm...報告話呢粒己經縮到得返 2.5 x 1.5cm...再比較新那張..."
我當入面有40張肺部橫切面的掃瞄，至少有7成圖片是可看到大小不一的腫瘤
...看了很多張也未有發現...直到最後一張也沒有...但要找最大那粒呀~ 回頭再找便看到了，它己變得很淡和很小，而其他的相信己細得肉眼看不見!
6年了，真真正正第一次聽到如此美好的報告!
苦盡甘來，三衰六旺，有起有跌...什麼跟什麼
一下子完全體驗得到!
"我地會想你繼續打埋餘下兩支，再照一次，到時再睇下點~" 醫生說
"好~無問題!"
終於可以打比爸爸媽媽了!
最近都對很多事抱了期望
例如看戲，吃飯，到景點
結果都失望而回
今天，我了解不抱期望的好處
就是獲得了驚喜與喜悅
希望我這個"甘"是"大獲甘"啦! 哈!!
2009年8月24日 星期一
2009年8月21日 星期五
請容我當一天粉絲 - Janice Man
I.T 21拍 - Janice Man
http://www.it21.hk/video_details.php?v=149
樣貌始終如一
由細到大都係咁靚
我唔知佢為人如何
但呢段片真係拍得佢好靚好sweet好自然 ~
把聲又好聽
我好無聊地翻睇好多次...XD
其實佢未做model我己經有留意佢
佢以前靚啲...因為淡妝最襯佢!
而家都靚, 不過太成熟喇
打後幾十年佢都可以成熟
點解唔襯後生打扮得青春啲呢?
而家啲女仔咁鐘意做 " 女人 " ?!
我鐘意扮0靚妹喎~ XD
***
我好幾日無update
因為契細佬送左隻Sims3比我玩
好好玩呀~ 不過大得咁快既...
我用三分鐘追到個男仔, 一拍拖
我就變左發福阿婆...............
第二日約佢出唻佢甩底...=_=
連game都咁現實加...
而且都唔夠時間比我做咁多野
佢己經變左阿婆, 但間屋都仲未夠錢裝修...
定係我唔識玩呢...
2009年8月16日 星期日
義務社工、教師大召集！南台灣災後兒童義助行動
好想去! 最衰 25, 26/8要返醫院! 激死!
http://www.facebook.com/group.php?gid=118196022047#/group.php?gid=118196022047&ref=nf
1. 計劃背景：
颱風莫拉克重創的台灣高雄縣，洪水及石流淹沒多個鄉村，救援工作還在繼續，死亡人數同時不斷增加。在關注搜挖行動同時，數萬名兒童流離失所，由於學校因災難而不能上學，而災難對他們造成的心理影響及陰霾亦揮之不去。
有見及此，香港慈善團體Roundtable Community與國立高雄大學社區總體營造文教基金會攜手，安排香港的義工到南台灣地區作義務工作，為受影響的兒童伸出援手，進行輔導以及教學工作，並將本港籌集所得的玩具、文具、書本等物資送給他們。讓他們能在臨時避難所中忘憂，繼續學習，走出恐懼。
2. 目的：
* 協助災難兒童，走出陰霾
安排本港的社工、教育人士以及適合的人士到台南進行義務工作，輔導當地受災難影響的兒童，透過學習與遊戲，讓他們能繼續學習，並走出陰霾。
* 籌集物資
包括文具、玩具與書本，將物資帶到高雄，捐贈予當地兒童。
3. 計劃安排
* 義工行動：
對象：從事社工、教育等專業之學生及在職人士、能操流利普通話
日期：第一階段-21/8 出發
第二階段- 8月下旬
逗留：至少十天
名額：不限
費用：需自行負責全部／部份機票費用，食宿由當地團體贊助。
查詢：fredlam@roundtablecommunity.org.hk
報名：請填妥以下表格（ roundtablecommunity.org.hk/taiwan_application.doc ）並電郵至 elfawong@roundtablecommunity.org.hk
4. 主辦及支持團體：
香港統籌：Roundtable Community
台灣統籌：國立高雄大學社區總體營造文教基金會
2009年8月12日 星期三
2009年8月9日 星期日
亞洲星光大道 - 羅力威
今晚第一次睇亞洲星光大道
評判們的說話都講得很實在
主持也很出色 !
當然也喜歡無線的 Eric Kwok和王老師
(請盡快把劉美君換掉! 唔識講野又唔理人感受!好難睇!)
一直在看也未受感動
直至羅力威的出場
不是外表，而是他聲線太似周杰倫!
雖然似，但有些音他改動了，變得更高音!
而且比原唱/原曲更出色!
好奇之下，去翻查他過往比賽紀錄
和另一參賽者合唱
反而沒有了周杰倫的影子
而是一個出色歌手!
聽他唱後，那歌整晚在我腦中轉哦!
希望下次他會選周生以外的歌來參賽吧!
期待你當歌手!!!
周杰倫聲線 + 言承旭外表 (瘦版) + 懂創作 = 羅力威
(第一次出場沒形象指導吧...但第二次和今晚的樣子好好多了!)
第三次比賽 (9 aug 2009)2009年8月7日 星期五
旅行之後...
岩岩今晚睇到 "櫻紅醉了" 介紹山寺!
我好開心佢令我睇到山寺另一面
不過原來禮儀師係喺山形拍!!!
早知我又去參觀啦!!!
好想去嗰個澡堂沖涼呀!!!
好想去廣末涼子去過既地方呀!!!
嗚.................
btw, 周麗淇把聲我聽得好辛苦...
之後又播 "日本東北咁過祭"....
好多日本旅遊節目呢~
佢地播左我去唔到既大內宿同喜多方哦...
嗚....................................
*****
我由日本返唻落機即刻趕去醫院覆診呢
感激爸爸在港鐵站幫我拿行李...
因為飛機無位哦...所以我未能早一日回港...
隔天便打完第四針了
啲藥落到一半，我己經開始有好強既睡意
仲要等車...轉車回家...超辛苦的
眼皮都無力打開...
但瞓倒總好比瞓唔著好呀
可是現實實在難過
今天又重新拿起一些書
希望尋找一個合適通道把我帶離現實
靠....我竟然拿起了 <<手術刀與靈魂>>...=_=
看了一會覺得很不對勁
所以又要繼續尋找
旅行也是一種通道
回來後我每天都在翻看相片和短片呢
回家第一晚，我的睡衣還留著youth hostel房間的味道
我嗅了好久...嘻嘻....
很想念日本，也想念台灣
我喜歡她們的熱情和幫忙
喜歡那安靜而又準時的列車 (我每次也睡得好飽...)
不插隊、不偷東西的自律
街道很少垃圾筒但卻沒有垃圾和小強
那台灣男生跟我說
日本人很討厭中國人
因為他們說話大聲又沒規拒等等
所以每次日本人問他 "Chinese?"
他都會否認，只說自己是 "Taiwan!!"
有次我們去吃sushi
旁邊的日本人聽到我們說國語
皺起眉頭問 "Chinese?"
我說 "yes"
然後再介紹對方來自台灣，我來自香港
她的笑容慢慢把眉頭鬆開
也跟我們聊起來
原來台灣男生說的話是真的...
不親身經歷也不知道
中國人呀 ~ 你們要努力呀......
2009年8月5日 星期三
日本東北 - Day7 - 鎌倉/江之電/秋葉原/東京鐵塔
去完埃及展
去了鎌倉和秋葉原
先看秋葉原吧
才兩張照片~
好可愛呀.......超可愛!!!
(鎌倉買那忍者打扮的domo sen己在我包包上! haha~)
喺秋葉原搵下有咩公仔買
但好多香港都有，雖然呢度都有啲叫平既
但都係買唔過!
之後比我見到個Q版creamy mami!
好想要! 但11月下旬先出!!!
鎌倉
又見到龍貓店!
旁邊仲有domo sen!!!!!!!
我買左隻小公仔~(忍者打扮小Domo~)
去左搭江之電
車站, 你睇路軋盡有啲花花好靚靚~
唻喇~我係搭去藤沢
中途有段路係喺海邊行, 超靚!
可惜落雨! 所以我無影相
海邊啲屋仲靚! 係我喺日本見過最靚既屋!
江之島都好靚!好多人衝浪!
但時間關係，我無落車~下次再去啦~ haha
秋葉原後趕去東京鐵搭
遠到呢...又落大雨....我唔會再去!!!!!!!!!!!!!!!
睇過森小既節目有講過呢個 "趙在地上的東京鐵塔", 特地拍下來看看~
回家後拍的手信~
有太空食物~HAHAA
日本東北 - Day7 - 橫濱 Pacifico Hall 埃及 (亞歷山大) 展
全部都係喺深海唔知幾多百幾多千米打撈上唻!
現場仲會有好多電視播出打撈過程!
見到深海中既展品就在眼前
很新奇呀!!
現場展出超過490件展品
呢個係一件抱住BB既像
看得出來嗎? 己經被海水侵蝕成這樣...
呢舊我好鐘意!
因為佢分開既石碑全部都係分別左百幾年、幾十年咁搵返，好厲害呀!!!
有啲好清楚, 有啲好矇
因為清楚嗰啲係喺陸地搵到
其他都比海水侵蝕
頂呢塊就係1777年喺沙漠度搵到
仲好清楚好平滑, 反光加~haha
另一面，佢其實係一個廟唻加~
現場仲有好多個不同大小
但呢個表面上既碑文係最多最靚
內裡
碑頂另一面~
解說
下面有講邊一part係咩年份搵到~
解碑文, 日文唔知佢up乜!
我好想知囉!!!!
啲人像都係左腳向前
可惜日文, 唔知佢講乜...
打撈情況公仔化~
石上塊格仔網係用唻mark低每件物件既位置
超大塊石碑!!!
又有解碑文!
今次好啲, 有圖有字...
日本人好自律
無人迫佢地排隊, 佢地會自己排!
好欣賞!
全場最震撼的展品看到了!
三位大人物!
可惜我又係唔明係乜水...
雖然有啲有英文
但啲名我真係睇唔明...
淨係知最右係皇后之類...
(場外有扭蛋機! 好靚加! 300 Yen一次, 我扭左三次都係我想要既! 我扭中最左邊呢個人像呢! 好開心!!!)
影完呢張先比人話我唔准影相...我真係唔知囉...
我覺得最唔好就係唔比影相...
成日要人地買postcard...=_=
20090801 橫濱煙花大滙演!
1/8 有三個地方有煙花看
原本打算去看煙花比賽
但因為橫濱點都近啲吧...
而且hostel個host推介
所以七點鐘就去到櫻井町 - 即係我住嗰度落車
車上面己經好迫同埋好多男男女女著浴衣喇!
呢日我係岩岩同小宇食完拉面
佢聽到我話有煙花睇
所以佢話陪我去呢~~~~
一個人睇煙花真係會好奇怪加!! haha~
落左車之後，大家都迫迫迫迫去港口...
實在超級多人...
呢度只係冰山一角咋!!!
我地無位坐
要夾硬坐喺路邊...
因為煙花會放一小時多啲...
企喺度恐防會斷腳
差唔多七點三先開始
大家都尖叫起來~
有叮噹圖案!
仲有哈哈笑, 兔仔, 心心, 咀唇, 花花等圖案!
為免走時太得人驚
我地早少少離開
寧願一邊行一邊睇
好好笑，遇到有好靚既煙花
原本行梗既人都立即就地坐
管理員會埋唻趕人
趕完前面嗰批, 就趕後面
我見到前面嗰批人企起身敷衍完
管理員一走佢地又坐返低 XD
大家都係咁做，根本趕極都唔走!!! haha~
呢兩張係落車行去港口時拍的
由於煙花影得唔靚
我拍左好多videos
大家可以去睇哦!
真係放得又高又大!!!
好開心呀!!!
2009年8月4日 星期二
日本東北 - Day5 宮崎駿博物館/川越 Day 6 未來科學館/好味sushi
Day 5
一早四點幾起身去築地食sushi
聽聞好多人排除
但我去到大和, 出面唔夠十個人
好在我一個人, 等左兩分鐘就有位!
好期待...叫左一個set
我無數有幾多舊, 好似十舊左右
另外我再叫多一碟燒牛肉 (因為隔離枱食得好似好好味)
好失望...除左第一舊Toro合格外
其他都唔好食...包括碟牛肉...
埋單仲要四千Yen.........
真揼心!
生長水遠又要早起身仲要收咁貴
之後去左三鷹轉黃巴士入宮崎駿博物館
聽到好多廣東話~haha
多謝一對澳門來既遊客幫我影呢張相!
啲畫真係靚到真既一樣!!!!!!!
入口樓梯
入口大堂
崖上的波兒全部手稿!!!
將上面呢張既長 x 下面呢張既長 + 高
係好多好多!!!
只係一套動畫!!!!!!!
動畫大師真係瘋喇!!!!!!!!!!!!!
好強!!!!!!!!!!!!!!
因為唔影得相，所以只能偷影...相片不多哦... T^T
之後去了川越
有小江戶之稱
離車站勁勁勁遠
我行到腳痛!
無咩睇, 因為啲屋全部變哂鋪頭...
如果有祭典唻會好啲
Day 6
去睇日本未來科學館
(由新橋去台場, 在台場後兩個站落車)
下面呢個係太空艙... 個toilet~
好SAW呀個感覺! haha
房間
水壓對以下物件造成既變化
入面都幾多野睇
普通門票只可睇常設展覽
即 4/F n 5/F
入面有講日蝕, 潛艇, 太空船, 人體結構, 細胞, 水底等等........
走時我仲買左好多太空人既食物...haha!!!
硬屈屈...真係好想知咩味!
之後去左竹下通睇下
因為人地話係女人街, 啲野好平
不過...啲野唔靚又貴...仲要超多人 (我最憎多人)
我食左個pancake就走左...哈哈...
特地去上野嗰間 "一蘭" 食拉面
得兩塊叉燒.......味道普通...
不過喺呢度識左個台灣男生
由名古屋過唻玩四日
同朋友分開玩
所以佢都係自己一個人
好好傾哦~ 因為大家興趣近乎一樣!
仲話我國語好捧!
樣子似細過佢! (佢21歲咋~ wkakkakak!!!)
咁我地接下來就一齊去玩喇~
我話我接下來要去橫濱港口睇煙花
由於佢無planning, 所以都一起去了~
*煙花會在下一篇post
睇完煙花，己經八點半，再迫埋出車站都九點
附近無咩好食，就去左秋葉原食，因為收得夠夜~
行左一輪，見到一間sushi店有人排隊
就去試下~ 大多數都係日本人唻食
由於築地事件，我真係怕怕...
所以叫住幾舊試下先...
結果係...超級好味!!!
九月前有幾舊sushi仲做梗平價!!! 一樣咁好味加!!!!!!!!!!!!!!!
他就是那台灣男生 - 小宇
就係呢間!! - 喜代村
JR秋葉原站中央街出口
超近的~
訂閱：
文章 (Atom)