日本東北 - Day4 輕井澤

一早去左輕井澤
無乜人，好正~ 而且撞岩呢日終於好天~
一出車站見到有得租單車
心急之下便比左 1050Yen租到六點
點知踩多兩個街口
租 500Yen一日..............................

只怪自己太心急之過....
好在架車好好踩...算啦~

同埋佢地都會喺map度畫埋你可以踩咩路線

去左睇立體畫既美術館
因為得一個人, 所以只搵人幫手影左兩張咋
佢係嗰度既staff, 佢好主動問我要唔要幫手
當時我話唔洗, 但後尾見佢無咩野做喺度抹樹葉...
咁我就請求佢幫我影相喇~ 同埋傾下計大家都唔洗咁悶XD

輕井澤大街
有小瑞士之稱
咁有啲屋都真係幾靚
但叫唔上小瑞士吧~
都係似返日本

好野~我最愛逛既地方!

貓巴士要出來喇!!!!!!!!!!1

踩單上周圍去

踩左上舊三笠酒店睇...上山...全身都係汗!
最激氣係入面無野好睇!
原本掛喺酒店既畫呀吊燈呀裝飾呀乜都拆哂!
悶到死仲要好似有鬼咁!haha
建議大家唔好去!

但再上多少少山
就會到雲場池
可惜我真係踩唔到上去...放棄左
同埋我唔岩季節
秋天去吧~ 會好靚加!!!

超肚餓...返左大街食野
叫了最平的set lunch
但都要 1450yen...
好在都幾好食...

還單車時，路過一個公園
我見到啲鴨鴨跟住啲人行
先吸引到我入去~

好悠閒呢...

 

之後我就搭返車出台場睇高達了! ^ ^