去左嘉年華喇!!!

今朝本來去換id card, 因為改左名嘛
咁我一早起身, 今日想化妝, 所以用左好多時間去化
但一路化我就一路唔開心
唔知做咩事...
其實懷疑梗...自己可能因為化妝而諗返起之前成日化妝既日子
個時健健康康, 又可以接job, 又可以影相
令我諗起自己有一大段時間會冇左"呢個樣"...
我估啫...實質原因我都唔知...

咁之後故事係點呢...
就係坐左係房度好耐
諗梗出唔出去, 心裡做左好大掙扎
理性唻講,我用左咁多時間打扮, 共係差出門口呢步,我應該要去,可能出左去會冇事
但感性唻講, 我真係非常之唔想出呢個房門,亦唔想見到人,包括係出面等梗既爸爸
最後,我係房寫左張紙,係比爸爸的
我話"我而家心情好差, 唔知咩事, 總之你唔好煩我唔好同我講野住,我希望一陣出左街會冇事。"
但當我一比左佢, 我就大喊了...喊左好耐, 爸爸真係冇出過聲
跟住我去左洗面...換返衫...訓覺...
直到夠鐘去嘉年華...

(我要好有勇氣咁係度講, 我其實已經到左更年期, 事原我諗聰明既人都知道點解, 正因為咁, 所以我情緒開始唔受控, 呢個徵狀係由昨日出現第一次, 就係媽咪不停煩我叫我著多件衫, 跟住我就忍唔住大叫...我好想叫多幾次...覺得心裡面有啖氣谷住...但我又覺得咁做會嚇親佢地...所以冇再叫...)

講返嘉年華
家姐中午打唻話不如今日去, 因為想我chemo前去。等家姐收工, 叫左Fred落唻陪我等, 好快家姐男友ray唻到, 同埋Fred d fds都唻左, 所以各自各走, 但...我地竟然係同一間RBT 飲野...隔左幾張枱...haha~

好開心呀!!有得玩喇!!
之前有測驗過自己傷口可以受到幾多力!!
今晚都唔失望, 都玩左幾個刺激的!
不過G Force排到一半冇玩到, 因為眼見個安全夾會夾到好實...個傷口實會好痛...所以都係下次先...= =
（我係乜野game都敢玩之人，除鬼屋）

　鬼屋，我更大胆都好．．．始終最驚鬼屋，全程齋叫冇開過眼haha

 摩天輪, 超無奈，要同四位陌生人坐．．．你眼望我眼咁．．．

 掉到隻公仔返唻呀!!! 係家姐加~ ^^

　休息．．．（我要影多啲相呀!!!） 走lu~好靚靚