SiuLam.T : 化療日/出院

又要入院喇...又要做病人...嗚嗚...

化療過程

昨日九點入院, 等到四點幾先開始
首先會在左手上打個豆豆
由於打化療針同打鹽水針要求不同
化療針要小心處理，唔可以周身郁
因為啲藥流左出血管以外係會爛肉的
很麻煩，很危險

噢...打左豆豆...最唔鐘意keep住豆豆係手上...

然後在豆豆上打三支針
止嘔,止胃痛同防敏感
姑娘怕我對啲藥敏感/痛
所以用左二十分鐘左右先打哂
頭兩針冇咩問題
但第三針就慘了...

啲藥一入到血管, 我隻手就痛
由針口痛到上手臂
我不停用另一隻手拍痛既地方
跟住好快啲藥"公"到上喉嚨
感覺好"那", 我估係因為隻藥"那"所以手痛...
然後好快就令我好頭暈...睇既野全部都天旋地轉...好辛苦
隻手都冇力去拍另一隻手了...痛...就由得佢痛...
全身都冇哂力

戲玉唻喇!!! 最辛苦既事情發生
就係啲藥落到腳...
我整整兩條腿都感到非常不自在
就好似有成千上萬既蟻係我雙腳入面跑
我點打佢,用咩姿勢,都唔可以減少到呢種感覺
...開始眼濕濕了...
接著很快, 醫生來巡房
譚醫生係一個好有笑容既醫生
佢見到我就擺出一個很親切既笑容
我一看見...就大哭了...
因為終於都有人唻聽我講我既痛苦
不過最後係林醫生埋唻問我係咪好辛苦
可能因為林醫生係女,譚醫生係男吧

我一邊喊一邊慢慢講比醫生聽
不過佢都幫我唔到...
跟住我就訓著了...

（呢段時間已經開始吊第一隻化療藥了...無錯...令我有以上痛苦既竟然唔係化療藥...）

媽咪唻探我，我都冇理佢，因為太攰，只懂得訓...
除了我訓到成身汗(副作用)，我叫媽咪幫我抹之外
都冇醒過了...

開始精神!!!

八點半，我醒了，都幾精神
第一隻藥差唔多落哂
我起身食野...打下機，好似咩事都冇咁
痛苦時刻終於都過渡了!!!

醒醒地喇...影下自己個"暈樣"先...

換藥喇~第二隻藥個副作用唔會即刻出現
要返到屋企，第二日左右啦，先會發生
會嘔，骨痛，全身都好熱好滾，心會跳得很快

(*每次化療都要用上五至六小時)

*********************************************************************

有感

落藥前，我有諗過去求神，或者其他野去減輕痛苦
但最後我都冇咁做到，我只係同自己講，我會冇事的
副作用係我身上唔會起很大作用
就算真係有，都只會係一段時間
我冇去求神，我只求自己，用自己意志力去抵抗副作用
我深信會更work
然而事實話比我知，副作用的確對我只產生很少影響
醫生都話我算好了，冇咩事，起碼冇作嘔作悶 ^^