開始脫髮/ "勇闖癌關,活出生命"

今天突然多了很多很多人來看我的日記
特別是"同病相憐"的人呢~
真的很謝謝你們的留言!!!
看你們的日記, 令我得到更多資訊
以後我有什麼資訊也會放上來
大家一起參考吧!!!

**************************************************

脫髮

2007年1月25日凌晨00:02
我用手抓了一下頭髮
掉了三四條頭髮
跟平常不一樣喇...平常不會那麼輕易掉落的
所以我已經知道,我開始慢慢地脫髮了...

雖然一早有心理準備
但那一刻, 真的嚇著了
可是不用胆心...只是一秒的錯愕
然後又再跟自己說"哎喲~一早都知加啦~有哂準備仲驚乜啫~"
所以...我就好好奇地...用手抓多幾抓
...老實說...愈抓愈過癮呢!!!!!!!
"反自然"嘛!!!! 好好奇哦!!!!哈哈~

但我立刻決心要明天開始飲返oral impact!!!
希望可以甩得更少~哈哈!!

***********************************************************
Family

今日大家姐唻左探我
本想去看戲,但apm冇野岩睇..我又去得不遠
所以最後又係去左就近地方行下
買左一堆碟回家解悶
姐姐唻到我地好開心呢~
我真係好好好鐘意一家人一齊食飯!!!

唉...不過我最怕媽媽了...
她每次下班回來都會好開心咁叫"妹妹 (音：大話妹個妹) ～今日精神好好bor~"
我覺得肉麻之餘又覺得有點...唉都唔知點講...總之覺得媽咪真係好鍚我!!!
但由於我怕肉麻, 所以我都會即刻變到好似冇野咁,哈哈～費事繼續肉麻落去...

仲有其他呀...就係有時佢見我痛，就會埋唻又講"妹妹...係咪好辛苦呀...媽咪幫你按下啦..."
嘩更加肉麻呢!!! 真係想一手推開佢!!! wakakkak!!!　講笑講笑...
所以我會話 "會比雷x 加!! 唔要唔要!!!"而婉拒佢好意
因為媽媽工作操勞過度手痛, 叫我點忍心要佢幫我按腳呢...不孝不孝...

佢有時又會輕輕捉住我隻手傾計...
咁多年都未曾做過以上動作...中國人也實在太含蓄了...

**************************************************************

訓覺篇

而家每日加埋都只係訓到六小時左右
每次都係四點幾先訓到
成晚眼光光呢...又要攞住舊都幾重下既osim ipamper去按腳...
按完後真係幾好加～唔痛既感覺都可以keep到一陣, (同路人都可以一試!!!)
我即刻跑入房訓!!!
絕對要係佢痛之前訓著呀!!! haha~!!!

"勇闖癌關,活出生命"

有人看過7仔買個本"勇闖癌關,活出生命" 嗎?
今日家姐比左個電話我, 佢send email比個作者
個作者覆佢呢~仲叫我今日打比佢,佢叫做connie
佢人超好呀! 我問左好多問題, 佢都答到我, 仲好詳細
因為佢病後接觸同幫左好多病人
佢話我知原來係因為化療藥破壞神經線，所以腳痛
遲些打多幾支針，就會唔止腳，其他地方什至全身都會痛呢...
心諗:　到時都唔知點死呀．．．haha~
仲話第三,四支針會係最辛苦最難捱的...
唉...死定了.............

auntie connie話我

好樂觀, 好多笑聲, 同好勇敢!!
以前有人讚我咩都好, 我都會好謙咁否認, 唔係話我寸
只係我相信自大既人係冇好結果同埋好討厭! 我絕不要當上這類人!!!
所以我同佢講 " 係呀! 因為我知道呢啲係我必需要經歷既事, 我冇得避, 就好似返工, 老細叫你做既事, 你都要去做, 又唔係要你去死係咪先?! "

冇野係冇可能! 只係睇你敢唔敢!!! "Nothing is Impossible" 吖嘛!!!

所以同路人們!!!!!!! 你地要積極呀!!!
身體健康係你地既目標!!! 抗癌係你地既使命!!!