溏心風暴

岩岩睇完昨晚個集
我...喊屎左...

一唻故事真係好慘
二唻又好驚自己會有咁既一日...

哭有時、笑有時、歡樂有時、悲傷有時。

人非草木，誰能無情，面對生離死別，悲傷係難免既
但要比自己一個期限，悲傷完左就要樂觀面對自己既人生路。

呢段野係copy from 溏心-大契個blog
呢段野令我好感動
當然仲有好多金句都好正
聽大契聽既說話真係學到好多野

不過有個矛盾位

"耳聽三分假，眼看未為真"
"我講既說話就係事實，我對眼就係證據"

唔...呢度就似乎唔係好講得通
anyway "耳聽三分假，眼看未為真"
呢句都令我對某啲事情睇開左既

另外佢既劇情真係睇盡人性醜惡
就好似主題曲咁 "我只不過偶而瞎了睛  於是  才遺忘本性"
金錢, 物質, 名利, 自尊, 自私...
都令人睇唔清楚事實既根本
個個都為左自己開心，就去做出好多傷害人既事
佢用上 "偶而" ， 係因為到左人生盡頭時，先真正睇清楚自己...

*****

好想講下劇情...不吐不快!!
細契呀歡呢單野唔洗講啦...
但好似alfred呢位 自私固執自我中心大男人 咁
一腳搭兩船之餘
仲要挑剔常在心
叫佢同得得地保持距離
嘩! 佢話人個時唔會諗下自己加喎!
衰到貼地!
呢個世界實在有太多呢啲男人
自己身邊都唔少...
借工作為由出左去滾
但女人問多句都唔比
乜都企哂係男人工作個邊
女人真係好唔抵!!!
所以有時真係唔可以怪哂啲女人疑心咁重...
佢地都係保護自己啫

其實當一個人唔相信自己時
有冇諗過係因為自己誠信有問題?
唔好再咩都怪責係人地有問題
試下掉返轉, 諗下自己有冇唔岩啦...

兩個人會鬧交
都係因為當中欠左個 "誠" 字啫...