常在心__第三者?

唔好意思
呢排劇情太緊張
每次睇完都會有一大堆說話想吐出
所以又來這兒宣洩了...

今日第一次走左去溏心個blog度睇
嘩...原來大契差唔多日日都有金句...
今日又來了一個寓言故事
相信好多人都聽過但遺忘了

有一隻蠍子河邊遇到一隻青蛙，青蛙驚比蠍子咬，於是對蠍子講，我揹你過河，你唔好傷害我。蠍子應承左。但當佢地游到河中心既時候，蠍子突然咬左青蛙一口，大家都跌左落河底，佢地浸死之前，青蛙問蠍子，你咬我，你都會浸死，點解要咁樣做？

蠍子答：我唔係想咬你，只因本性如斯！

人人都話 "江山易改  本性難移"
但大家都好像誤會了
常說 : 性格是不能變
但看清楚,  是 "難移" 而不是 "不能移"
所以我一直都唔相信性格是不能變
我自己本身都變了很多
所以我只會說 : 性格的確很難改變, 但只要有心就一定可以!

****

今集的故事 (有睇電視的可以不看)

今集講常在心一直百分百相信Alfred
但卻發現他出面有另一個女人
Alfred當然不知道
結果他們在這段時間相處時
常在心變得心不在焉, 不想說話, 目無表情, 什至無故大哭
看在Alfred眼裡, 只有千萬個問號
Alfred問常在心發生什麼事
常在心當然不會說
因為她正在觀察, 正在找尋證據 (當然...寧可找不到...)
當常在心一個人在傷心時
Alfred卻覺得她給他很大壓力
然後又繼續跟第三者見面
(請想像常在心現在的心情及處境)

她找到證據了
卻又在心中不停幫Alfred找借口
是因為愛的表現吧...她不希望自己心愛的人是這種人

她終於拿著證據去問清楚
Alfred當時很怕
怕失去常在心
同時又用工作做借口/大話去解釋一切證據

可是紙包不住火
常在心在Alfred與第三者相處時候撞個正著!
(其實他們當時已決定分手, Alfred要回到常在心身邊)
Alfred跟常在心說這次是跟那女人的最後一次見面
今次...Alfred真的說真心話了
但大家都知道常在心根本不會再相信

****

當初她這般信任你, 你卻利用她的信任去傷害她
現在她對你失去信心了, 你為了挽留她才說真心話

早知今日  何必當初?
(常在心其實是我的影子呢...只是我本身, 與十六無關~)

曾經有個人同我講叫我唔好再信某人
因為性格係唔會改變
唔好再嘥時間去改變佢
但一段時間後
這個人卻講大話騙了我 或者 做了傷害我的事
然後跟我說 : 你會唔會比機會我改?

當時...佢之前講個句說話立即閃過
我都好想問返佢
我應唔應該再相信你?
我應該聽你邊句先岩?
不過當然
機會我係會比
因為我既原則就係 "世上無難事  只怕有心人"

****

時代女生

其實女人同男人都一樣, 都很愛面子, 要尊嚴, 怕輸
可惜我是一個女生...如果換上是男生說這些話
一切都會變得很合乎天理
亦正正這個原因, 在兩性關係上
心理這方面女生變得 "必須" 要多點忍讓
但時代變了, 女生的說話行動變得大膽主動
也變得更懂為自己爭取
而男生卻沒法接受這事實

****

為什麼會有第三者??

知道為什麼會有第三者出現嗎?
- 因為第三者只會為你帶來開心
- 又會在你不開心時開解你
- 你不用照顧他的家事, 心事, 工作, 朋友, 金錢
- 他們會為了爭取你, 而從不把煩惱帶給你
- 怕給你壓力, 什麼都依你的
- 亦因為見面時間少, 磨擦也少
- 而最大原因是, 你不用對這段關係負上責任而感到輕鬆

可是女朋友卻剛好相反
- 她一切的事你都需要知道, 關心
- 你跟她的家人朋友相處時可能會有點壓力
- 她有心事會跟你說
- 她生病時你要照顧她
- 她出事了會希望你來幫他一把
- 講長遠點, 如果要結婚的話, 在金錢及意見上又會有磨擦
- 見面多了, 磨擦多了
- 而最大原因是, 無論發生什麼事, 你都不能隨便放棄這段關係, 因為當中存在著 "責任"

所以男人係出面有女人
唔係女人既錯
而係男人膚淺、自私