小琳數星星 - 李司棋

前陣子在一個很緊急的情況下
訪問了大契李司棋
佢真係超級好人~
大家上去睇下啦!

http://blog.tvb.com/shootingstars/

仲有之前訪問過的二汶呀~
我邀請了她出席我的書展活動
希望可以成事啦~

這個星期我也訪問了兩位藝人
先保持神秘感吧~ hehee...

皮膚好痕...>.<

皮膚痕癢的副作用...
令我昨晚睡得奇差...

星期一遊船河曬傷了的皮膚加上痕癢
抓了會痛...不抓又不行...
整晚都睡不好...

結果，不知是發惡夢還是真實
半夢半醒時聽到耳旁有很多人跟我說話...
右手更被人拉著...像是要把我拉進牆內...
很恐怖...只記得自己不停在祈禱
不久一切也消失了...連痕癢也沒有了...

躺在床上的時間很多
但怎也睡不夠...

今晚又會過得怎麼樣呢...

可譽小學

很抱歉很抱歉
今早原本要去可譽小學演講
但不舒服失約了...
對不起對不起
對不起Miss Wei...

希望下次待我精神點
可以再來和你們見面啦~

今天要待在家休息喇...
很想念朋友們呢~

第二針

今朝唔知醒
比姑娘打唻吹我...
結果我兩點先去到... ><

唔記得買定啲野食同野飲...
吊左三個鐘...都唔知點算...又餓又渴...

大將打唻問候我，知道我咁陰公
就上左唻買野比我食
同行仲有Kit神 ~ Wow好surprise! haha

落完藥頭暈暈
但都跟左佢地落機鋪
睇佢地玩，成班人一齊食飯

Cloud送左隻mario公仔比我做生日禮物
阿成女朋友就送左隻自己夾既小雞公仔 ~ 因為聽到我話鐘意佢個隻...
我唔舒服走先，你地又會關心我返到屋企未...

從來無諗過打機都可以識到朋友
而且仲要係心地好 ~ 真難得

呢幾日應該會攰爆...休息下先...

八號風球

今日打風，唔洗去打針，改左聽日~
同爸爸媽媽飲完茶
我又去左打機~

Emily幫我偷偷影左打機情況，哈哈~
不過part住Dennis叔叔同Lory...
攞得最少分... ><
(LamMan is ME)

仲偷偷影埋食飯情況
又係花園餐廳....

戰友: Hans, 大將, Fish2, 阿炮, DennisY...還有3位忘了名字的...

和Emily去吃飯了~
金百利8樓的泰菜
裝潢很好，但味道麻麻...

有架泰國周街都係既的士
好靚靚~

今晚打機比人無視，可惡!!!

貪心

人是有貪性的

今天某人請你到大家樂飲咖啡
明天請你到COVA食tea
後天帶你到Starbucks飲Mocha

"怎麼會是Starbucks? 不是COVA (或更高檔) 嗎?"

即使你最後也是感激某人的請客
但心中始終會出現這個念頭
那管只有半秒
然後每一次也會暗自期待下一次更高檔的請客

久不久出現這些起跌我受得了
但每天...甚至一天幾次
我會變瘋的

我對某人...變貪心了...
當然不是說請客
那只是比喻

現在，我選擇離開
不讓自己繼續貪心
不讓自己有受傷的機會

應該沒有太多人明白我說什麼
算了...

總之，就是心情不太好
沒有解決方法，唯有時間

*****

希望星期五晚拉大隊睇戲食飯可以開開心心
全部新朋友仔 ~ 期待期待

想在這裡謝謝 Hans 和 小氣大將Shana
你們的說話都很真很直接
很喜歡跟你們談...
當然還有Cloud...我們的事煩到你了真不好意思...
能認識你們我很高興呢...

游船河~

兩個月前約定既遊船河舉行左喇 ~
我哂到成舊炭咁lu~~~~~~~ 好開心! 不過好痛...連咀唇都哂傷埋...

我地 (某啲人) 自己游哂上岸 (超攰...)
係個小瀑布度玩左陣
好舒服呢~ 啲水好清涼哦!
我自己一個人係啲石度周圍爬...遠處聽到波子鬧我
"呢條友真係乜都夠膽死...又自己周圍走!"

水好清，好似去左外國咁 ~

 驚嚇....

我玩左兩次wakeboard
唔鐘意玩亦玩唔到...放棄...
都係做返我最鐘意既 "靜靜地哂下太陽" 同游水算了~

好黑好黑~
不過我膊頭有上次釣魚時哂既背心印...好肉酸!

 

型男?

都是暴力的...
(可憐的肥雞...)

之後成班去左白沙灣食海鮮
好味但老闆勁sale貴野，真火滾!

我當上了活動大使!

第一次當上 "活動大使" !
活動名為 "留住快樂一刻 - 攝影比賽"
由香港女青年商會和明愛合辦
八月尾還會有個Closing Ceremony，我也會出席 ~

(大家都唻參加啦! 將你認為最快樂的拍下來，加些caption，便可以參賽喇 ~)

今日就出席左佢地既Press Con
再一次分享我既故事和宣揚樂觀人生

同場還有三位超年輕的嘉賓
同佢地傾計, 我覺得自己回到17歲...哇卡卡卡!

佢地都好乖，係好學生好孩子
還積極當義工，現在當年青人真不容易

班相!? 我好似Miss !!! XDDDDDDDDDDDDD

好開心可以當上Ambassador
從來都無諗過會有呢個機會，很難得~
因為我唔覺得自己有咁既資格
第一次接觸呢一類事物
又令我思想改變了

*****

比賽主題

「留住快樂一刻」──

何謂快樂? 究竟在青年人心目中最快樂的是甚麼? 有人認為擁有幸福家庭、漂亮外表、自由、甜蜜愛情、健康身體、豐富知識，甚至事業有成或富有便是快樂的人生。你同意嗎?

 

對象

- 少年組:12-17歲     - 青年組:18-25歲

 

比賽須知

1.     參加者需要以「留住快樂一刻」為題，用數碼拍攝照片，並寫上標題及相片所要表達的意思。

2.     解說文字不多於一百字。

3.     相片解像度必須為300萬像素或以上，相片可調較亮度、對比度及裁放，但不可為電腦合成影像。

4.     作品要以jpg格式電郵到: happines.net@gmail.com每位參加者只限提交一份作品參賽。

5.     參賽作品可為黑白或彩色。

6.     評審準則: 主題(50%) ，創作意念(25%)及構圖(25%)。

 

比賽規則

1.     參賽作品拍攝日期不限，但必須從未參加過其他比賽或曾公開發表。

2.     所有參賽作品必須為原創，不得有抄襲成份，並且無侵犯他人的權益(包括版權)。若提交非自行拍攝及擁有之作品將被取消資格。若有關作品引起責任問題，參賽者須自行負責及賠償，主辦單位將循民事訴訟索償一切引致的損失。

3.     所有參賽作品無論獲獎與否，均不獲發還。

4.     得獎作品將於2008年8月份閉幕禮暨作品展上展出。

5.     主辦單位擁有比賽的最終決定權及所有參賽作品的使用權，參賽者不得異議。

 

獎勵

每組作品將由大會評判選出冠、亞、季軍各一名及優異獎各三名。各得獎座及禮品乙份。

 

參加辦法

參加者可於本計劃之網頁: http://www.hkjtt.org下載或於明愛各社區中心索取參加表格，填妥參加表格連同參賽相片電郵到: happines.net@gmail.com。

 

截止日期及結果公佈

截止遞交作品日期為2008年07月18日(星期五)。得獎名單將於2008年8月份於活動閉幕禮暨作品展上公佈。得獎者將由專人另行通知。

心情...被打挎了...

咭找不到了
開了新的
但一絲興奮感也沒有
還有丁點兒厭惡
是的...我實在很捨不得Siulam和SiuHerm
新不如舊...

今晚在機鋪的心情超差
因為本身今日心情就唔好

今朝還因溝通上的誤會
令原本今天要打的化療針
改成下星期三及 7月2日
7月2日是我的生日...

晚上還發生了一些不愉快事

以上種種...
令我心情跌到谷底
我被打挎了...

但我相信明天睡醒後又會振作起來!
晚安喇! 衰運!!!

唔見左Siulam + SiuHerm...

我今晚好唔開心
因為我唔見左張 Siulam (聯邦咭) 同 SiuHerm (自護咭) ...
SiuHerm己經係第二次唔見了...

我仲岩岩打左輕吉同肥蟹出唻...
點解我會咁白痴整跌加...
我知我應該係搭小巴時跌左...
當我發現唔見左之後對手軟哂...無哂力...仲有少少手震...
維持左好耐...

我知好多人都會覺得我傻
為左兩張咭咁唔開心...
但我真係放左好多心機落去...仲有好多回憶...

20/7  有比賽喇...
而家先唻唔見...
邊有咁多時間打返哂啲機出唻...

我個心好痛呀...真係好痛...

事發經過 :

20/6晚凌晨一時半左右
由銅鑼灣開出的觀塘紅van最後坐位
以及由觀塘去廣田總站的綠van

如果有好心人執到呢啲咭
上面個名係Siulam or SiuHerm...
其實無論係咩名都好
麻煩你地交去銅鑼灣世貿六樓既Namco機鋪啦...
唔記左張既人真係好慘加...

升返喇!

昨日驗血後
在病房邊看書邊等報告
半小時後，姑娘又跑又跳的來到我身旁
戴著cap帽的我，抬高頭看
只見她口罩上的雙眼己瞇成兩條彎彎的線

"恭喜妳呀 ~ 份報告同你一樣咁靚呀 ~ "

我再一次感到出自內心的快樂 (前一次是出院那天houseman問我 : e?你仲未執野呀?)
"真加?! 過左100呀?"

"係呀! 104 呀! 恭喜妳呀!" 她跟我握握手

不過血小板可以升得快亦可以跌得快
不能掉以輕心哦!
星期五要再驗多一次血
合格的話當天才能打針

我要加油!!
因為我要報名學潛水!
十月尾我哋去沙巴喇!!
去7日呀! Yeah!!!!!

終於回家了~

 
BB青蛙啲毛毛好滑哦~
仲有貓貓手掌公仔手指套 ~ (諗左陣先諗到呢個名...其實係電話繩哦~)

****

我今朝好早就起左身
希望為 "血小板" 做點事...
就係  練   太   極   ~

唔知對升血小板有無幫助加...
不過好過乜都唔做嘛

結果一抽完血...
我就訓返喇 ~ 哈哈哈哈!!!

十一點半houseman入左唻
" 小琳 ~ e? 你仲未執野呀?"

我聽到佢咁講我即刻開心哂!
" 走得喇? 我合格喇?"

"係呀，頭先幫你打電話落去問左，你由48自己升返上67喇 ~ 雖然都仲係低，但應承左你升到少少都比你返屋企嘛 ~ "

"嗚...你太好人喇!!!"

呢位houseman同我差唔多年紀
間唔中會同我吹下水，好攪笑 ~

但我聽日都仲要返醫院
因為日日都要check住我啲血小板指數...
雖然係要走唻走去
但好過坐係病床呆一日嘛...
今日要狂食有營養野
聽日唔可以再跌!!!

留院第三天...悶悶悶!

今朝又抽左血 (唉日日都要比人拮針...驚驚..)
岩岩出左報告, 昨日升到54, 但今朝又跌到落四十幾...頂...
我唔制呀!! 我要出院呀!!!

昨晚很無聊地在樓下starbucks睇碟...
呀!!!!!!!!!!!!!!!!!! 悶死喇!

要吃什麼血小板才會升呢...

****

說說我前天看到的事吧
有一位以前經常在醫院撞上的女孩 (我叫她高兒吧~)
平常她是非常活潑開朗，但她打化療的日子己經很長了...大概兩年以上
前天再一次碰上她, 但她己經不能下床不能說話, 因為氣"束"
她媽媽說她自從四月做完手術後便不再振作...
一下子的放鬆令她病情惡化了
保持心情開朗原來真的非常要緊呀...

我看到她那痛苦的樣子我的心很酸呢...
然後想到哭了...因為感覺太可怕
也想到了以前別人來探望我時, 看到我辛苦的樣子
一定也同樣難受吧...

輸血小板_留院

星期四覆診驗左啲血小板超低之後
星期六又要再驗多次
結果跌到落13...
醫生驚我會突然內出血/腦出血
因為係外面驚我周圍走會唔小心整親嘛...
所以要我留院!

當晚吊左四包血小板之後
唔夠十分鐘我己經出現敏感!
耳仔突然好痕好熱
然後到個頭...頸...膊頭...手...胸...肚...背...腰...
整個過程都無兩分鐘
我好驚呀...因為太快喇...
我衝左出去同姑娘講

講完個時已經痕到落大脾喇...
皮膚仲起左一粒粒
我一邊講野仲一邊feel到個下唇腫緊!

"嘩點解好似比巫婆咀咒咁既?! 好恐怖呀!"

醫生立刻為我打防敏感針
好快就無事lu~ 不過啲藥勁眼訓呢...
而我條頸亦比我抓傷了...

到今日星期日
驗到血小板升返上54
但要等到星期一再驗多次
睇下仲有無升...無就要繼續留院
omg呀真係...好悶呢...我而家仲係醫院
好彩又比我搵到條線上網咋...>.<

超白痴的我們

這篇日誌是Herman迫我寫的...
以下是我們的MSN對話內容

Herman : 喂我諗到你本書叫咩名喇!
Siulam : 點咩法呀?
Herman : 叫 "地獄復仇者!"
Siulam : 呢個係笑話吧...(我一邊幻想一邊勁笑)
Herman : 我忍唔字笑左出唻 (他在Office)
Siulam : 咁個封面要有造型了! 我就著到成個關羽咁，但揸住支高達雷射槍! 地獄景做Background! (我 "bu!"一聲笑左出唻...我的腦袋明顯受到三國無雙和戰場之絆病毒感染)

立即收到Herman電話，他說 : wakkakkaka!! 我忍唔住哩左入廁所笑!
我笑翻了

 

超白痴的我們

My Black Day!

多謝大家既書名意見呀!
我同出版社會好好挑選的~

剛剛收到醫生電話
話我血小板很低呢...只要28粒
佢話正常人應該有150 (我應該無聽錯)

****

尋日整親條腰...嚇屎我了...
我烏低身攞重野，腰就閃左一下!
嗚...痛到好似啲阿婆咁一邊叫一邊慢慢拉直身子 "哎吔陰公囉痛死人咩..."
提起隻腳行每一步都痛哦...
去完廁所仲要著唔返條褲...彎唔到身嘛...

尋日係我Black Day喇
十一點幾彈起身再衝去覆診
我唔知醒呀陰公!
去到醫院出lift時正正撞到成班醫生收工!

譚醫生 "哎吔乜你而家先唻呀?"
我 "嗚~你唔係要走吖嘛...唔好啦...睇埋我先...." (哀求樣)
譚醫生 "你跟我過唻啦~哈哈! 好夜訓呀?" (一個發緊光既天使)
我 "..............係呀...hehe..." (唉成班醫生望住我，好尷尬)

一路行入房佢一路問我最近情況
"你最近覺得點點點呀?"
"我覺得咁咁咁呀"
成個覆診過程我地都無坐低過...
真係好好笑...

講返條腰
叫左Chris陪我去法國醫院呢
醫生話只係拉親啲肌肉，食消炎止痛藥可以了~
還好我今日起身後真係好左好多...

不過，今日最黑仔的不是這些
而是分別被兩個人的說話傷透了...
雖然我將佢當成笑話
但我其實頗在意的...

急急急!! 書BB叫咩名好?!

小妹的書BB快要出世喇!!
會在七月尾的書展上分娩!!

但叫什麼名字好?!
我跟出版社也認為在Blog上收集大家意見就最好!!!

我的書是寫我自己的經歷
當中又如何樂觀面對和接受
不止文字喇~還有相片和插畫

我把書簡單地形容了~
快點展示你們的創意啦~
感謝感謝!!

犬隻訓練員

如果小妹想成為職業犬隻訓練員有什麼方法?
其實我上網找過，得到以下資料

張松照犬隻訓練學院
http://www.cccheung.com/index.php

K-9 Training Centre
http://www.k-9.com.hk/

WOWOCLUB
http://wowoclub.com/home.htm

未知到哪裡學才能得到最佳的認可呢...
當然我最希望可以跟張師父拜師呀...
真的很想以此為職業!!!

有沒有己經是訓練員的Blog友? 可否比下意見?

新朋友

阿豪，Ben，Alex (Cloud)，Yan ，我，阿鼠，小成

Alex 和小成都是我和Herman在戰場上的戰友
很明顯，我們是打機認識的，哈哈~
Alex在戰場上叫做Cloud，我努力在現實中叫回他做Alex
但暫時還是不行...haha...

另一個晚上和Cloud & Ben上Cafe坐到兩點...
我係度玩Cloud新買既 超合金 六神合體
我無睇過呢套野，但鐘意玩機械人...

還有他新買的Gundam公仔，好可愛哦...
我們拍這張照時都幻想著自己是駕駛員...(OMG 好電車男呀!)

你們都是很風趣幽默的朋友，笑不停的...

****

打完藥，啲皮膚好痕，特別心口位置，我R到傷哂...
抵抗力真係差左...生飛之、牙肉腫同埋流牙血...刷牙超痛...