輸血小板_留院

星期四覆診驗左啲血小板超低之後
星期六又要再驗多次
結果跌到落13...
醫生驚我會突然內出血/腦出血
因為係外面驚我周圍走會唔小心整親嘛...
所以要我留院!

當晚吊左四包血小板之後
唔夠十分鐘我己經出現敏感!
耳仔突然好痕好熱
然後到個頭...頸...膊頭...手...胸...肚...背...腰...
整個過程都無兩分鐘
我好驚呀...因為太快喇...
我衝左出去同姑娘講

講完個時已經痕到落大脾喇...
皮膚仲起左一粒粒
我一邊講野仲一邊feel到個下唇腫緊!

"嘩點解好似比巫婆咀咒咁既?! 好恐怖呀!"

醫生立刻為我打防敏感針
好快就無事lu~ 不過啲藥勁眼訓呢...
而我條頸亦比我抓傷了...

到今日星期日
驗到血小板升返上54
但要等到星期一再驗多次
睇下仲有無升...無就要繼續留院
omg呀真係...好悶呢...我而家仲係醫院
好彩又比我搵到條線上網咋...>.<