化療第一針第二次

我的化療針每一針需要分開兩次打
上星期五第一針第一次
今日第二次

又再比多二千七百幾...
加埋上次個二千六百幾...
合共每次要五千幾...
乘六即係三萬幾蚊...

係日間化療部呆等等到訓著
落左一小時藥
隻手好鬼痛...又頭暈...

頂...愈來愈唔想打
貼錢買難受咁...?
不過我又係 "申" 下啫
我又點會唔打喎~

離開醫院之後嘭嘭聲去返 "凡間"
分別同幾位好朋友食下飯吹下水打下機飲下野
雖然係好想訓覺好攰
不過返到屋企感覺自己仲病得辛苦

好想返工
i mean朝九晚五 or 一份正職
唔係唔鐘意part time, 我都好鐘意, 因為可以隨時去旅行
只不過part time好無安全感
快啲好返啦...

 

P.S. 今晚過得非常開心 ~ 竟然有人話我屈機?! 係咪即係讚梗我呢? 哈哈!!