對生命感無奈

食左藥己經2個月
食埋今個月就可以照CT

雖然呢2個月根據 XRAY
係無進展
不過唔大都叫做有用...

呢啲藥始終都係毒藥
真係好驚佢無用之餘
又令到我啲細胞產生抗藥性
到時想打低佢又難上加難...

真心覺得條路愈行愈短...
唯有盡力拉闊...拉闊~!

 

 

今日屯門醫院醫死13歲小朋友單新聞
當我聽到一些消息後
一個乖巧活潑的小朋友因接受一個無必要既風險手術而過身
我真係覺得好心酸
亦覺得萬般無奈!

醫生, 請你地尊重生命!
活著係不容易! 豈容你地亂咁舞!
今日種因，明天受果!
垃圾!

多謝各善長人翁捐款!

非常感謝蘋果基金!

報導Link

http://hk.apple.nextmedia.com/template/apple/art_main.php?iss_id=20110914&sec_id=4104&art_id=15612083

亦勁度感謝各位捐款及在此為我打氣的朋友!

今日得知善款數字己足夠支付一年藥費
結果令人意外!!!

我自己想在此說少少感想及報導因版位問題而沒有提及的一些事

當決定吃藥的時候我有問過醫生有否什麼資助可以幫到我
他說資助人士要合乎資格, 我不合資格不是因為收入問題
而是我的癌細胞不合乎它們資助的一種基因
因此藥主要是針對此基因研發
成效會最高
意指其他病人吃此藥的成功機會便低
由於醫管局資金有限
所以只能收窄範圍

而政府撥給醫管局的錢大部份都用作人事支出 (記者告訴我)

敢問，整件事的最終目的...成立醫院...培訓醫護人員...撥款...是為救人才產生對吧?
現在卻令很多因病要吃藥的病人, 因沒錢要變賣家當, 節衣縮食來負擔天價藥費
公平嗎?
複雜的政治我不懂
我只知道，有病便要食藥，有份食藥的病人便應該有資格去申請資助
我最近開始留意蘋果暖流
原來大部份case也是因藥費申請不到資助而要求助

*****

另外，第一次知道記者答應了我們的申請
說明天便來採訪時
我和爸媽的感覺都跑出來了...
就是一份尷尬
自問跟其他求助人士的環境相比
我們家好像未去到這麼壞
不知道外界會對我們有什麼看法
所以我拒絕了記者採訪
而這件事令我整晚都感到好難過

第二天
另一位記者打電話比我
她好聰明地用另一個方向去說服了我
說我可以藉此機會帶出資助問題
及作為一份支持來捐款給你

我聽後心結解開了
得到爸媽同意後，便重新答應訪問
而我也說過最主要是要帶出資助message
雖然最後沒有報導這個message...
但卻改變了我和家人的命運 (我以為只會籌得數千元!)
而且接下來仍有機會去讓我反映資助制度
雖然未必成功, 但總要有人發聲

要說的己說了
今天蘋果發的一段感謝大家捐款的報導
非常感謝王先生及王小姐的5.4萬捐款
我想親口多謝不過蘋果日報話他們己經代我多謝了...
所以只好在此再次多謝你們! =D

http://hk.apple.nextmedia.com/template/apple/art_main.php?iss_id=20110916&sec_id=4104&subsec_id=11867&art_id=15618509

我希望大家可以暫停捐款~
或者捐給現在更有需要幫助的人
如果我吃完一年藥後仍要繼續的話...
到時再說吧!
我有信心我吃三個月便康復! 哈!
然後便可以把善款退還給基金, 去幫更多人!

 

祝福大家，身體健康，開開心心。

 

P.S: 今天在旺角跟朋友坐下聊天時有位先生用iphone偷拍我們對話...嚇到我們了...
如果大家在街上看到我想跟我聊是可以的，請大方一點~ 因我戒心好強...=v ="

Osaka June2011_神戶六甲山

亦係因為慳電原因, 架巴士好熱...
呢架上六甲山的巴士有好多大學生搭呢
好迫~

搭左半小時左右就到喇~~~

影埋架巴士先~

搭cable car
無人呀正!

朝早太太太大霧喇!
乜都睇唔到~ 所以搭山上的觀光巴士去左音樂盒博物館先~
有好多好大型的古董音樂盒~大開眼界

睇完出返唻天晴lu~~~~~~~~~~~~~~~
接著旁邊有個花園, 我地就去行下, 收費架~
可惜月份唔岩, 好少花咋

呢2種葉/花好得意好靚呀!

100yen搭左呢個好短既吊腳cable上最頂

呢度就係頂點喇~ 睇哂成個神戶, 京都, 大阪, 最遠仲有和歌山!

對住個景食拉面, 唔想走~

呢度有好幾間紀念品店, 買左好多野呀! ><

啲風好舒服! 六甲山真係好值得去呀! 可惜無睇夜景~

之後出返大阪, 因為家姐要買玩具比小朋友~
shopping night~

第二日中午機回港lu~

好驚險呀!我買左舊keychain既iphone太陽能叉電器
愛不惜手~ 我放左佢喺火車窗哂太陽 (我地坐車尾)
但班火車通訊器有問題, 停左站好耐都唔行
我地又要趕飛機, 眼見有部份乘客聽完廣播後落車搭左對面嗰架
我地就即刻跟埋去轉車~
到車開左先發現...個叉電器唔記得攞呀!!!

即係下個站落車, 但個站又鬼咁遠, 心諗架車走左啦~
我又撞邪咁記錯落車個站名
攪到問人路問極都唔明...

唔知點算之際, 見有班火車唻緊
家姐就話算啦, 快啲上車去機場好過啦~

一上到車, 家姐話呢架可能係我地落車嗰架
不如試下去車尾睇睇
架車又真係好熟口面...
但個叉電器己經唔見左
我試下問個車長, 原來佢執起左呀!!!!!!!!
佢比返我! 超開心呀!

點解我次次喺日本搭車都留低野架?! 但又搵得返喎 ! =)

最好笑係, 我抬高頭望到個車架有人留低左本書!
我估啲日本人係成日都留低野的! haha!

Osaka June2011_三段壁/ 神戶

繼續白濱~

上一篇話, 望到三段壁個洞有個露台
當我地離開回到酒店先知原來係可以落去架!!!
wow好興奮呀!

原打算第二朝起身買埋手信就搭早車走
結果緊係要去睇埋個洞先啦!!!

三段壁嗰度原來有間野
好似information centre咁
嗰日行過仲以為無野睇
原來就係要搭佢入面部lift落去架!
落去36米下的岩洞~

呢個涌泉洞啲水係飲得
咸咸地, 暖水~

呢個洞叫"潮吹洞"!
啲浪就係上圖個位湧入唻
去到下圖個gap位, 就會打起哂啲浪!
d浪真係好誇張!

洞入面有個廟

企喺潮吹洞盡頭 (呢度就係洞入面個"露台"喇~)
就係湧哂入去, 你睇成個環境都濕立立~
因為有時啲浪係會打到埋身!

湧入唻嗰刻成個環境黑哂, 大自然威力!

房間最後一影, 好似第一次著浴袍呢~

中午搭車去神戶
今晚住hostel, 好彩家姐都接受到~ =)

好想去睇當年神戶大地震遺址
咁大個女都未見過或感受過地震, 好好奇~
不過係得下圖咁多咋...

海洋館呢日無開...=_=

情侶喺度拍拖真開心呀~

我地住三宮駅, 所以喺返弣近搵野食
咁多日都未食過定食, 決定試下
睇落散收收好似唔飽咁
結果飽到爆~

第二日會去六甲山~ 睇定啲巴士點搭先...

(續)

Osaka June2011_和歌山白濱

原本天文台話和歌山呢邊超大雨
甚至連新聞都有播出大雨既情況
但去到又勁好天喎!wakkakaka!!!

check in後, 首先搭巴士到三段壁~
大風到癲! 我見到有隻雀死都要逆風飛!
不停比風吹返轉頭都仲要飛!
結果大敗睇住佢吹到唔知去左邊! LOL

好鬼靚呀呢度!

見到呢個洞入面有個"露台"
點入去呢?!?!?!

我覺得呢啲街道好有感覺呀~
好漫畫!

第二名勝, 千疊敷!
原本唔打算唻架喇~見咁近三段壁
我地就步行過去
嘩好彩有唻咋! 靚到唔捨得走!
足足留左兩粒鐘!!!

首先去茶屋食cone 300yen ice cream! 好貴呀!!!

就咁睇, 都唔覺有乜咁好睇
但點都要落一落去~

家姐攰到瞓左
日本又慳電, 出面仲涼過室內~

落到去喇~ 不過無乜相, 因為要拍片先可以攝入嗰種震撼!!!
等我cap低啲圖先...kekeee...

返hotel喇~
我千挑萬選先揀左呢間又平又有露天風呂+露天足浴既和式海景酒店!
間房超大足足有800呎!
可惜明明book時話有晚餐
去到竟然話無! 只包午餐!但我地3點先check in
過左時間所以無得食!!!
真係嬲嬲地~
不過佢會車我地去佢介紹既餐館食~

去酒店都困難重重
要行上山呢!
去到老闆先話我地可以打比佢叫佢車!
但我地都無電話! 又無人肯借電話比我地! ><

房景~

露天風呂~~~

超大房間~啲門開極都有好興奮!haha

浸腳~haha

dinner, 好貴呀但都幾好食

呢3舊豬肉超.............貴!
但超好味!!!!!!!!!!!!!!!!!!!!!!!!!!!!!

不過如唔係老闆介紹, 我地未必會食呢間, 因為選擇多的是呀~ 而且太貴了!

酒店老闆叫我地食完打比佢佢唻車我地
但我地又想去family mart買野食
就叫老闆娘唔好打比酒店老闆住
但溝通問題...老闆娘根本唔明, 只係見我地埋單佢就即刻去打比老闆...

我地唯有同另一個staff講, 咁結果老闆娘再打比老闆
叫佢車埋我地去family mart...
但我地知老闆係好忙, 真係非常唔好意思!!!

呢晚我地喪浸個風呂~ haha
行得太攰, 要舒緩下疲勞!

(續)

Osaka June2011_梅田

機票難得咁平, 今年點都要去一次日本! 至少一次!
選擇咗大阪~ 因為未去過~ 當然仲有佢周邊地區啦~ =D
呢次唔係一個人, 係同大家姐一齊去咗5日~

呢排香港天氣勁好
好難得可以喺飛機望落香港可以睇得咁清楚!
對上一次睇得咁清我諗有十年前喇!
不過我掛住睇, 無影相~
好彩去到日本都一樣咁清~~~

上圖係飛向大阪機場前的淡路島
其實唔知邊度黎, 我上GOOGLE MAP搵返咋~

第一餐求其喺難波搵左間算多人的sushi店, 唔貴呀~仲幾好味!

好辛苦先行到去梅田360...點解要離梅田站咁遠...
條路又難搵...好彩上到去趕得切magic hour~
不過成棟buliding得個天台有野睇, 其他乜野都無...無野食無街行...

dinner去左梅田站對面個 Yodobashi Umeda 上面食拉面
由於日本實在太熱, 熱過香港...所以忍唔住飲sapporo beer~
拉面好好味, 但味精太重...根本我地餐餐啲野食都好重味精

我地住嗰間hotel房景 (動物園前站 - Hotel Chuo Oasis)
上網book都唔知間野攞過獎~
雖然酒店出面好普通
但入到去就好唔錯~ 房間超簡潔~
staff超nice~ 對面街就係超大24hrs的室內hot spring~正!
入住仲送左張coupon, 係去附近一間小型超巿買野用
幾廿蚊港紙左右, 又唔洗話要消費滿幾多先用得~
結果我地買左啲水同野食, 1蚊都唔洗比~ 收銀哥哥仲好靚仔~ =D

第2日起身就出發去和歌山喇~
我地未瞓醒好白痴咁用左張3days pass 搭左一個站...(去天王寺)
但我地入和歌山呢程長途個pass係唔包
意思即係我地蝕左1日pass!!!!!!!!!
張3 days pass 要 5000 yen, 一個人即係蝕左千幾yen...= n =
之前一晚己經提左自己唔好用...唉!

我地為左可以早啲入去
所以寧願比多倍價錢搭JR (2hrs)
都唔搭巴士 (over 3hrs)

一見到海就尖叫喇~
好多人滑浪!!!

(續)