2006年12月31日 星期日

出左院/...終於上到網喇...= ="

一出院就上唔到網..真係想悶死我呀

星期三下午出院,一返到屋企即刻開電腦
當知道上唔到網呢個消息
我第一時間就諗下自己仲有咩可以比我kill time...
因為個肚皮既傷口太大
又未埋哂口,又未拆釘....傷口仲流梗小小血...
真係唔可以出街...因為好驚比人撞親...
加上自己又行得慢
所以都預左好似之前幾次咁
留係屋企一段時間先可以出街加喇...
(除左日本手術個次...那次我覺得簡直是奇蹟!七日就拆線,當日即出院搭火車,第二朝搭飛機返香港...好堅!

)

日日玩住陪NDS...睇"天地男兒"...等睇"賭場風雲"...等人探我...同埋係咁食野...呢個就係病人休養既生活...羡慕嗎??

不過我要非常

多謝我既屋企人,親戚同朋友
係醫院期間,又正值聖誕節
大家都前前後後咁無間斷唻探我
等我唔駛咁悶
真係好開心呀!!
最開心但又最奇怪既係...
我收到好多禮物...比我生日多好多!!
haha~我係全個病房擺放左最多野既病人!!!

最難忘同最多謝應該係大家姐先啦~手術前日日唻屋企陪住我,元朗唻藍田...真係山長水遠...

跟住係大表姐啦~一放大假就朝朝都唻醫院,仲係日日都有野送比我~最尾個日仲帶埋我男朋友...即係佢個仔唻探我呀!!haha~好開心呀!!!佢得6歲咋!都用左自己錢買左兩隻tamama and dororo gei keychain比我~好感動哦!

跟住係ar jim la~咁唻冇見,你都唻探我,而且發覺大家同幾年前都唔同哂,但唔同之餘又岩傾左好多,我地傾左三個幾鐘,傾到連賭場風雲都唔睇! haha~而你亦活生生咁證明左,思想係會隨年紀長大,只要你係有心的話。

其他唔特別提喇~因為其他人係一直一直都咁關心我,成日見面,所以唔洗啦~哈哈!

============================================================

呢件事一定要說呀...就是手術後第一晚
我見自己唔痛 (因為painkiller吧...)
我坐左起身(on bed)睇賭場風雲
睇到差唔多做完時
feel到傷口痛...好奇怪既feeling
我就望下個傷口
嚇死我!!!!!!!!!!!!!!!!!!!
係咁流血!!成床都係!!!
我好驚好唔冷靜
姑娘就跑過唻
我個時以為傷口爆開左
好在姑娘話係因為血水未清
所以會係傷口度流出唻...(心諗:我之前咁多次都冇咁樣..今次真係嚇死..就算係都唔駛流咁多啩...

眼前呢一幕,呢世都記住...

=============================================================

今日呀波同呀兔上左唻探我,仲送左手錶同拖鞋比我~^^好有心呀!!
(見到朋友時,就唔會覺得自己係一個病人...所以你們很重要!!)

 

 

*我瘦了很多...


2006年12月20日 星期三

特急聖誕禮物!!!!!

多謝Erwin!!!!

家姐返到屋企, 話買左份禮物比我入院
但要我估
最後我都估中小小
係一部portable dvd player!!!
比我入院解悶!!!

之後先再知道原來係Erwin送加!!!
今日Erwin比左兩個驚喜我喎~
真係始料不及!!!

(註:Erwin是我舊工作地之同事, 人超好的~!)


關心~

Email from Erwin

Hi, Siu Lam ~

 

This is Erwin. Do you feel surprised for this e-mail ?

I just back to working (Office) today. Because I also discharged

fm hospital last week. In my case, it's just very very small problem.

I read your blog in lunch time. This is sent fm Lo Yeah (Kitman).

In fact, I always talking about your condition with yr sister.

In my opinion, Siu Lam is a very tough girl. Yes..this is turth !

In your blog, I can felt yr strong & optimistic character.

I believe that your strong & optimistic character has influenced to my mind.

Siu Lam is not alone due to very very nice family members & best friends

surrounding with you. This is fortunate in yr life.

Pls take care & I wish your health become good day by day.  ^.^

 

B.rgds

Erwin

 

Erwin~yr email just like a christmas gift ^^ thank you so much
(我都知你前排入左院哦...小心身體呀!!!)

 

and thx for everyone who has sending me msg from fdster, blog, msn and sms

 

========================================================

 

今日去左QM入院,同照左xray
跟住就由十二點坐到六點...醫生先唻巡房...
悶死我
又唔好訓...
不過個肚真係好爆
好辛苦
行多步都唔掂...><

2006年12月19日 星期二

SAA

 肚很大哦!!!!!!!!!!!!

今朝一早去左SAA睇狗狗
兩年前去,仲有好多狗仔
不過今日去全部都大哂
加上佢地冇位收留新狗
所以冇哂細size狗了
雖然佢地九成九都係唐狗
但全部都好可愛好乖
不過都有唔少狗係盲,殘缺同好怕人...
想像佢地以前既遭遇
唉...佢地真係好堅強

今日其實係想收留一隻細size狗
幾多歲都冇所謂
不過...隻隻都好大隻
唯有...下次去SPCA睇啦...

職員同我地講
好多人都唔鐘意唐狗
因為拖佢地出街會比人歧視
同埋好多人都覺得唐狗會亂咬人
真係荒謬!!!

==========================

Ming同David上左唻我屋企探我
坐到八點先走呀~真係好^^
笑到我個肚好痛呀...
晏晝同波波講左好耐電話...
好開心呀~好耐冇同朋友傾計
因為...我發覺我一病就會收埋自己
唔多願同人講野
亦唔多願提起自己個病
除了一兩個人之外
不過而家唔同左加喇~
我會願意話比人知我有咩事
唔會再自己一個人撐!

==========================

*我的肚皮快要被扯開了.......><  原來大肚婆係咁辛苦加!!!


2006年12月18日 星期一

呀兔回港了

一個好好心地的舊朋友今晚回港了
雖然好耐無見
但知道他回來了
多了一份安全感
可能係我唔開心時
佢都有份靜靜地聽我講心事又開解我吧
多一個人關心,我就更覺得自己需要堅持落去

波子都去完旅行回來
有很多說話想對她說
不過自己成日同屋企人一齊
未有機會...

今日好好太陽!
心情好返哂~仲哂左兩個幾鐘太陽

=========================

就訓前...個肚同胃好漲...
可能食太多了
肚皮扯住,很痛
想爆咁...
今晚應該都唔會訓得好

最新數字:
腰圍是30.5
肚圍是32.5

未試過咁大哦...
終於明白大肚婆點解會腰痛!


2006年12月17日 星期日

令人感動的晚飯

做節
同嫲嫲個邊啲親友食buffet
今日好鬼凍...
好唔開心咁凍囉...又天陰陰...

老實講吖...
而家我真係郁啲就喊
睇唻我係真係由心底發出既唔開心囉...
由細到大
都未試過日日喊...

自從冇食中藥
胃口又細返
食左好小野咋...真係唔抵!

===============================

今餐飯點感人法呢...
我唔想係度講lu~^^
不過我會一世記著的

聽日auntie會攞好多野唻比我
全部都係用唻減低我既背痛
佢話未必因為手術所以令我痛
應該係啲唔乖既cell係度攪事...
聽到我鬼咁胆心....
希望佢啲野有用啦~


2006年12月16日 星期六

還我健康

我的背真的很痛很痛
沒有一晚是睡得好

昨晚五時多才睡得著
看了本書
癌症病患者的...自傳吧
形容化療的副作用時...
我很怕呀...怕死了...

"四肢無力,口腔潰爛,噁心,肚瀉,頭得仿似被斧頭砍進頭顱內的感覺,以及神經痺痛導致手腳麻痺,手術傷患處有時如被獅子撕開你皮肉般的疼痛,再加上在外貌上沒有了頭髮,眉毛和汗毛等,一望而知是個癌症病人"

....
我相信到了那時
我也不會有好覺訓...

聖誕快到了
我一點氣氛也感受不到
也不能和喜歡的人和朋友過
冷清清的留在醫院...

上星期,三世書個伯伯話我唻梗兩年都不好過
難道我要化療兩年以上嗎 ?!
我不要呀......我不要呀.............
還我健康好嗎...


2006年12月15日 星期五

拆線日

上兩星期做個微創手術
今日拆線喇
其實我都唔係好明
點解要等兩個星期先可以拆
以前開肚個十幾廿針
個幾星期都可以拆了
但今次兩針之嘛...
最怕留條線咁耐...
好驚佢會痴住啲肉...= =

好鬼痛呀...
有小小膿...
姑娘用夾子夾起條線頭
扯住個傷口勁痛!!
跟住用另一支夾子伸入去條線下面
剪開佢
最痛的時刻來了!!!
扯條線出唻時流左好多血呀!!!
條線自己都痴住左好多!!!
好核突!!!!!

我叫左出唻呀...
姑娘都係咁問我係咪痛...
睇都知啦仲問...

落左淘大行左陣
唉...冇鬼用啦...行唔夠半個鐘又頭暈又頭痛又無力...
要坐低休息下
成個呀婆咁呀!
跟住返左屋企睇"救命"
成日都唔記得睇今日終於都睇左~

====================================

好唔開心呀...
真係好想安安樂樂咁訓覺
而家每晚五點幾就急尿醒左
跟住七點左右就會訓到腰骨痛醒...
出飯枱訓半個鐘就頸痛醒...
再返入房訓一陣
跟住又痛醒
日日都唔夠訓咁起身
勁慘!


2006年12月14日 星期四

頸痛...= =

唉...衰開有條路
由於長期訓個張"椅"既關係
我背脊超級痛!
個肺好似比我壓扁左
痛到唔屬於自己!
咁我就慢慢轉身...
但好快右邊痛又麻痺
咁試下慢慢"滑"落去張床度平訓啦
但都仲係好痛...

唔掂...真係唔掂...
就坐起身,諗住坐係度訓
但一向後挨又痛
唉!!!!!!!!

把鬼火就出左去飯枱
同cushion放係枱度爬係度訓
即係好似上堂訓覺咁...
咁我就唔洗壓住個肺
可惜...
訓左半個鐘條頸痛醒左
雙腳又痺哂
唉...被迫返入房訓
最後...都訓到三個鐘
不過起身後,全日條頸都超痛
轉唔到去右邊...

成日冇哂心機
咩都唔想講唔想理
笑都笑唔出

喊...就差唔多日日都有...
今日都幾次喇...
有病時,開心啲係好
一直都以為好容易做
但原來到發生在自己身上
要做得到係咁鬼難


很奇怪

我本來想訓覺
因為好眼訓
但當我想熄電腦時
又好想打下字發洩下
我唔知想打咩
唔知想講咩
但總是有一大堆野係心入面
好滿...要溢出來了.........

我的世界一直都幾好
冇乜污點
除左有時會識到一啲比較人品差的人之外
其他發生在我身上既事我都唔覺得是什麼
例如讀書唔叻,屋企鬧交,同男朋友分手,同朋友鬧翻
呢啲我都唔覺得係污點
我一直...每次識到人品差的人
好快就會遠離佢地
因為我唔想有人破壞我既世界

當我正正常常一個人時
男/朋友去邊都可以一齊去
大家感情可以去得很好
可是到我病左
發覺
我有點厭倦去見到一些人
我到底在怕什麼?
我非常清楚

你們的活動我出席不了
即使見到面也一面哀傷
因為我行動不便
心情亦悶悶的
要你們陪著我
就好像是一件苦差事
令到你們感到這麼的悶
我又有歷力
就好似"一公升眼淚"咁
同學們一開頭有多幫忙
日子久了,都會覺得煩擾
我好明白的...

我唔想大家陪我唔開心
所以我要堅強站著

但又發覺...
明明我是有十分的痛
但不想你們擔心
我只讓你們感受到兩分痛
而得出來的結果是
你們沒有再關心我

 

知道嗎...最近收到一些小禮物
送件人都不是有太多錢的
什至是平時非常節儉加大忙人
但當知道我出事後
第二天我已經收到禮物了...
我不是貪心他們的禮物
而是那份意想不到的心意

平時會儲起舊雜誌拿去賣加上忙得連覺都睡不好的人
竟走到基督教會買書及禮物來祝福我

我大姐的同事s,只和我見過一次面
收工後立即去買禮物給我
第二天已由家姐手上接到了

姐夫到英國後第一天已經買了東面給我...

姐姐每天一早都由元朗來到觀塘照顧我,陪我,怕我一個人悶

這些看似小小的事
真的令我很感動
我每天看到家姐來都想哭
收到禮物時想哭
但都吞了下去

為什麼...

 

 

我講左一大堆我到底想說什麼
我相信是因為
發覺自己身邊太很多一直我都好關心同緊張既朋友
原來都不關心同緊張我
我一直相信"將心比心"
我對你地好你地都會對我好

現在我的心很灰


我唔知道你地認為點先叫好
因為人人唔同
有人會覺得你成日送野比佢叫好
有人會覺得你成日打比佢叫好
有人會覺得你成日請佢食飯叫好
有人會覺得你叫佢出玩叫好
有人會覺得你次次都和應佢認同佢叫好

而我是
只要你真係攞個心出唻關心我
我有事會陪下我
唔介意陪我悶
我痛苦時可以比我捉住
我想傾計時可以陪我講下............

我唔需要物質來令我開心
因為病左之後
物質對我來說根本是零價值

還有
我明白到
世界上真係有人可以好自私,好賤格,好唔理人感受
聽到家姐講佢係醫院所看到的真人真事
冷血的人實在太多太多
真相的確令人可怕
我決定把愛留給自己,屋企人同真正關心我既人
(我很清楚是誰,但你們不會知道的)


2006年12月13日 星期三

科學館/Charlie Brown


 好美的Charlie Brown ar! d野都幾好味但太慢了...= =

================================================================

去左科學館睇什麼人體探索
hmhm...冇乜野睇,有啲悶...
但行一陣都已經好攰了...
坐左係cafe好耐先再行過...

再去Charlie Brown dinner
back home lu

呢兩日傷口痛死了!!!

================================================

王菀之啲歌令我好感動呀...嗚嗚..................><


看得我哭不停...

小琳琳只活九天 見證父母永恒愛

(高琳琳日記: http://www.speech.com.hk/kolamlam/index.htm)

        生命短暫,愛是永恒﹗不幸患有先天橫膈膜疝奇疾的女嬰高琳琳,出生僅九天離世,父母近月建立一個網誌,悼念女兒短暫但充滿愛的生命歷程,引起社會極大迴響,瀏覽人次至今已逾一萬三千。小琳琳在世上留下淺淺足印,生命的印記卻深刻烙在大家心中。兩夫婦哽咽的說﹕「我們不後悔與她相聚的九天﹗」

  九日大的女嬰小琳琳,因患上先天性奇疾逝世,父母將她的事上網,令社會上不同階層的人均感動落淚。琳琳的父親高展鵬,母親文琪,近日在網誌的後記寫下一段心底話﹕「如果有一天,天父問我們﹕『你們寧願琳琳未曾出現,還是只與她相聚九天﹖』我們必定同心回答﹕『是九天。』」

  經過兩個月錐心泣血的喪女之痛,高氏夫婦仍堅定對本報記者說,琳琳是上天帶來的最豐厚禮物,不後悔與她相聚九天。

  今年十月七日,小琳琳來到人間,即送入冰冷的深切治療部氧氣罩內,遍體插滿喉管,皆因文琪懷孕時,已驗出囡囡患有先天橫膈膜疝奇疾,致橫膈膜穿了小洞。

  「暑假時我做產前檢查,醫生說琳琳有此病,問我們會否考慮墮胎。」文琪與丈夫信仰基督,均認為腹中塊肉是上天恩賜,所以要讓囡囡親眼看看這個世界。

  到了中秋節,因琳琳有肺積水及心衰竭,懷孕八月的高太要立刻開刀產子,但琳琳反常地沒有哭聲,沒有動作,一切都是靜悄悄的。小琳琳很虛弱,一出世即被護士抱進深切治療部的氧氣罩,定時注射強心針,「每次看到儀器嘟嘟聲,我們都好緊張﹗」展鵬說。

  翌日,夫婦獲准進入深切治療部,撫摸小琳琳,在耳邊輕喚她,琳琳則張開眼睛,好奇的目光在父母微笑臉上轉了又轉,兩夫婦在網誌上形容﹕「這是我們一家三口的聚會啊﹗」

  第三天,小琳琳精神好轉,變得稍為活潑,頑皮地伸出舌頭,似要逗樂連日愁眉不展的父母。第四天,小琳琳小手在擺動,微微張眼窺看父母,醫生更准他們帶琳琳到樓下檢查,這是琳琳首次離開深切治療部。

  正當兩人相信明天會更好時,「醫生提及動手術的時機到了,他們講解手術最壞的情況,我們擔心得要命,淚如泉湧,連紙巾也用光了」。

  醫生希望將上移的胃部拉下修補,接駁腸道至肛門,高氏夫婦在手術室門外焦急地等待,垂頭祈禱,可是醫生帶來的只是噩秏,因琳琳食道太短難以分割,建議拔喉讓她解脫。

  「我們的心情由天堂跌落地獄……。」最難受的是,兩夫婦充當生死判官,決定小生命終結的時日,看愛女堅強捱過手術,實也忍不下心。他們為她安排浸禮,祈求奇降臨,大批親友聚在琳琳身旁,送上祝福。

  第七天,醫生追問拔喉決定,兩夫婦再陷入苦惱。第八天,琳琳病情急轉直下,手腳繃緊,偶然抽搐,面部腫脹,他們忍淚告訴女兒﹕「如果你想見多爸爸媽媽一會,就頂多一會,如果頂唔順,就走先,不必擔心爸爸媽媽。」愛與痛的煎熬,兩人猛然醒悟﹕「琳琳肉體雖死,卻可精神長存。」

  翌日,即十月十五日,兩夫婦買來一些玩具放在琳琳頭,又為她穿上新衣,打了手印以作紀念。「這天晚上,琳琳是世上最靚的BB,她也看似平靜,準備上路。」家人的祝福、禱告及詩歌中送別琳琳。

  醫生緩緩拔掉琳琳身上的喉管,父母終可手抱愛女﹕「這一刻,是琳琳最享受到做BB的樂趣,也是爸爸媽媽圓夢的一刻。」一小時後,小琳琳在母親懷中逐漸冰冷,安詳地永別人間,美麗的新衣上沾滿父母淚水。


2006年12月12日 星期二

最近的事


 散步的好地方 好有野餐feel
 用來坐著訓的東東...
 在家看的書...


 探病收的禮物 ^^

============================================================

終於都有機會唻德褔睇 princess na!!! 邊個話唔靚加?!靚到唔捨得走呀!!!








============================================================

前兩日去左黃大仙求籤...求自身...得了下下籤
沒法子...><

再去問三世書
得到的答案也不好
算了...既然注定了
就開心接受吧...

下星期五動手術了
希望是最後一次...
大傷元氣!!!


2006年12月11日 星期一

我自己的&quot;快樂要訣&quot;

不要跟自己說"我應該擁有什麼"
要跟自己說"我竟然得到什麼"

這樣做人會更快樂

因為

當你認為自己應該擁有什麼但郤失去時
你會感到非常失望

相反當你抱著一個"我竟然得到什麼"的心態
感覺就像收到意外禮物或中獎一樣

你會更珍惜!


2006年12月6日 星期三

阿信的故事

自星期日出院到今日,我都冇去過街,日日只係係屋企同埋落街散步哂太陽
咁後生就"退休",我真係受唔起


前兩日買左個野返唻坐住訓
但昨晚訓得好差,因為張野開始訓到扁左了...= =
入面個d支架頂住我,訓得好唔舒服...
唉...慘...><


成日係屋企,冇野做,就陪下baba mama 睇肥姐訪問 (友緣相聚)
幾好睇喎~而且大家一齊睇,感覺好溫馨


睇翁倩玉個集,真真正正聽返一次"阿信的故事"
原來歌詞係寫得咁好,我聽到眼濕濕
...................代入左嘛...


<<信>> - 翁倩玉

曲︰林敏怡
詞︰鄭國江
編︰林敏怡

雲與清風可以常擁有
關注共愛不可強求
不強求不強求永遠等候
如必需苦楚 我承受

誰會珍惜當你還擁有
將要逝去總想挽留
想挽留想挽留看似荒謬
求今天所得 永遠守

命運是對手永不低頭
從來沒抱怨半句 不去問理由

仍踏著前路走青春走到白頭
成功只有靠一雙手

命運是對手永不低頭
從來沒抱怨半句 不去問理由
仍踏著前路走青春走到白頭
成功只有靠堅守信心奮鬥


===============================


我身上既傷口一日比一日好了
但仲係令我非常唔方便
有好多野都做唔到,例如
笑,咳,大力吸氣,打克次,大聲講野同唱歌
會痛到入心入肺的!!!!!!!
面色亦都好差...黑黑灰灰面青青...
肚內的水瘤大得令我肚皮扯住...想爆咁.......
好頂...


唉...真係懷念健健康康既我...


2006年12月5日 星期二

他的本性導致結局

在太陽報看到一則散文,上網搵唔到下載,自己打了出來,沒關係,反正有時間。

他的本性導致結局

女人的本性是謙厚的,當一段感情失落時,女人會怪責自己、檢討自己、改進自己。無論情況如何,女人必先自省,然後才再在外面找答案。 (很對!)

但許多情況是,男人的本性才是感情破裂的真相。如果,你的男人愛結識女性朋友、多情、花心,那麼,任由你再賢淑美麗聰敏性感、他都一樣會有外遇。就算你出盡力改善自己到達環球小姐的質素,結果都不會改變。 (有同感)

如果,你的男人野蠻、兇殘、不講道理,那麼,尔是天使化身,你都無法感化,他到頭來他都一定會傷害你。甚至,這種男人,投十次胎都化解不了殘暴的天性。

女人要學識接受某些愛情不是錯在自己,而是,你遇上某類人,就會有某類結局。看,吧若如你上一個溫和、有責任感又真心愛你的男人,你就多數會幸福,姑勿論你靚唔靚、有幾醒目。

當你在第三次約會時,你大概己可以推測得到這個男人的本性,以及你們的結局。無謂逆天意,也不要以為愛情或是你改變他。雞就生雞蛋,鴨才會生鴨蛋,這是最淺易的道理。

甚麼愛情智慧都,假最重要就是揀一個對的人,揀一個你預料能有好結局的人,就已成功了一半。以後每結識一個男人,就想像和他的結局吧! 然後你才發現,你比任何一個算命師傅更準確更獨到!

深雪


2006年12月4日 星期一

散步是我近期常作之活動

經過一晚坐著訓既煎熬
今日成個人都唔舒服
二家姐請左上午假照顧我
九點幾佢陪我落左街散步
行左去一個好寧靜既球場
一邊食早餐一邊哂太陽
非常舒服

好快大家姐亦都唻接力照顧
哂到咁上下就返屋企

Ray(二姐男友)幫我買左個訓覺用既野
可以屈的
咁我就可以訓得平d ^^
唔該哂!

食完飯,又頭暈,周身唔屍服.........
大姐又陪我落去行下
唉...
而家既我係...小小唔清新既空氣都覺得唔掂
咁我咪即係唔可以住係香港?!


坐住訓...痛苦

由於手術會影響到神經線
我只可以坐,訓唔到落床
因為肋骨一用力,入面d根同神經會好痛
唔知係因為傷口關係定點
好怕會以後都係咁
但我一定會克服的!!

昨晚就真係難過
本想坐係sofa訓
但太軟了...唔食力
變相我肋骨用左力
痛到唔敢郁,但hold住又痛...
唯有忍住道氣一野推返自己起身...
痛到係咁透大氣...好慘...
哭喇...

最後,我試下返房訓
同好多野放係背脊後面坐係度訓
但根本唔舒服...訓唔著
諗左好耐,就慢慢"sir"住落
咁就訓到喇...
不過都係痛加喇,但好過坐囉
到左今朝起身
背脊都幾痛下...><


2006年12月3日 星期日

出院回家了

廿八號中午急急入院
廿九號一早九點做手術
很高興
醒返第一個見到既係
B

不過個時我係痛醒
只係記得自己不停係度叫...係度嗌痛
同不停喊

第一日就係係唔清醒既情況下過左

第二日亦係最難捱既一日
又作嘔又頭暈又痛又悶又唔郁得
我左手亦都郁唔到
唉...超難捱地過了...

訓到三號中午出院喇
B接我
去左同嫲嫲佢地飲茶
跟住就要返屋企了

好辛苦好辛苦...
都唔知點講好= =
唔打了...
傷口+左手=忍忍痛中...

*多謝呀波多謝呀鋒^^


2006年11月28日 星期二

玩狗/多謝朋友^^

 Emily~* "況天佑"隻史立沙~有三隻咁多! (況天佑即是尹天照哦...我曾經都是他的小fans ar!!!haha) Emily & 妹豬

好少有機會同狗玩^^難得有朋友+狗住我附近,得閒梗要去玩下~佢地超乖超可愛!不過餵餅比Emily時一啖咬落唻...有小小痛...不過我估佢已經知錯加喇!!!

 多謝呀兔啦~本來以為你"係咁e"影張雪景比我,點知你去左寫埋我個名...由識你開始都已經覺得你個人細心加喇...haha~
仲有我要多謝你陪我傾左成日...令我行出了第一步,不過似乎起不了作用...可惜= ="

多謝ar jeff係上海都會sms我...

喜歡這種單純的友誼
不論你是何種人、那種身份
只要真心
都會與你成為朋友
為你費心思
付出關心、時間
但不求目的

正當我現在處於最低落的時期
得到你們的問候...
就算只是一個小小的短訊
已經很感動...

 

 

但我仲要捱幾耐...


2006年11月26日 星期日

是病嗎?

訓唔著,但好攰
訓著左,但好快醒
起身唔訓覺,但又好想返番上張床度

覺得肚餓,一餓就胃痛
食一件西餅,就即刻飽到想嘔
是病嗎?

全日都好頭暈
企又唔係,坐又唔係,訓又唔係,行又唔係
無里心機,頭暈眼花
講句野都懶
對咩都冇哂興趣

是病嗎?
那裡的醫生可以醫好我??



2006年11月25日 星期六

好Hea...

Lunch with Chris Huen@ Watami
嘩好飽...飽都想嘔...
跟住去左歐陽家姐屋企hea
仲煮通心粉我食^^
得閒咁樣同朋友hea下都幾好~~~
不過今日都仲係唔舒服
不在狀態!!!

原來有人姓"褟"
失敬失敬...


訓唔著...又有感而發...

有好多野諗
應該係話  有好多野要諗
加上發燒...成個人都好攰
訓到十二點,突然醒左...
原來腳痺...@@
覺得對腳好似唔係自己咁
好辛苦!點訓都訓唔到!
我一落床...電話就響...
(點解次次都咁岩既??? )

食面食藥MSN...
三點半先訓返...

唻梗既生活會有好大轉變
我會同自己講

"好快就習慣加喇呀女...雖然開頭係會好難捱...但點難捱都好都唔及之前咁難捱!"

Ming你快d返啦...我好需要你...= =
Jeff你都快d返啦...我地講過你返唻後我地要hotpot!!!希望可以0係我手術前hotpot啦...

突然有個好小朋友既諗法
就係...好唔想好唔想0係醫院過聖誕...
好想拍住拖去過
又或者同朋友發住癲咁過
又或者同屋企人好溫馨咁過

全部都可以得嗎??

=============================================================

朋友們都話我好堅強...聽到呢句說話真係好感動 (即刻變到唔堅強...haha)
咁唔係點喎...唔病都病左,生活仍然要過
好老套 - 開唔開心都係要過加啦~我當然會選擇開心!
幾唔想做手術都係要做,咁驚唻做乜?擔心唻做乜?又唔係第一次
最慘都係手術後個傷口痛啫...忍下囉...
我心情好d,傷口都會好得快d啦~^^

我成日都好想教好某某
希望佢諗野個方面可以正面同正常d...
但我發現要影響一個人真係好難!!!
我真係唔想放棄
但迫住要放棄了
到有一日,你識諗,你就會明白我講乜


2006年11月24日 星期五

發燒/有感.../滄海遺珠

起身好頭暈,諗住沖個涼會好d
但唔得,再訓過...但醒返又係咁暈..
探熱,燒到102
去睇醫生...

又打比中醫,要停藥...
今日好辛苦...好病...

==========================

又講大話,襯我病攞我命!

==================================

唔係人人都識得珍惜自己
我對一個人好,係自願
講衰d,係自己攞唻
我對人好人地冇必要要對返我好
其實我一直都好明白呢點
只係
真係估唔到我對一個人好成咁
佢都可以當狗肺
fine
個d人成世人都會好失敗
會因為佢既"不懂珍惜"而失去好多野
如果到左有一日佢識得諗
一定會好後悔

========================================

劉浩龍+謝安琪-滄海遺珠




劉:大眾也喜歡珠光寶氣
  沒有空完全明白你的美
謝:只得我 望見你 關起了心扉
  猶如合上 貝殼的傳奇
  若世間疏忽 從未細味

劉:讓那些蠢人 庸人嫌棄你
合:切莫讓人 影響了你 信仰你的真理

*謝:如滄海深處 埋藏著遺珠(劉:埋藏著遺珠)
   其實你好處 個個也不知
 劉:唯獨我先可以 明白上帝構思
 合:於沙礫裡 找到 璀璨珍珠

 劉:人家冤枉你 平凡悶孩子(謝:如像孩子)
   但是你心事 我不信 
 合:無聊沒意思
 謝:沒有人識得欣賞 
 合:但天知 誰可以*

 劉:大概這種 非一般的美
 謝:慧眼太少 旁人未賞識你
 劉:因再 極客氣 差點算謙卑
 謝:從來沒對 愛 有所預期

 謝:若世界疏忽 從未細味
 劉:讓那些蠢人 庸人忘記你
 合:要是別人 都不愛你 有我這邊等你

REPEAT*

 謝:你是誰你是誰 
 劉:可有地方發亮
 合:旁人忙著誇獎色相
 劉:沒有空管你的修養 
 合:唯獨我 留下拍掌

 劉:如滄海深處 埋藏著遺珠
 謝:其實你好處 個個也不知
   唯獨我先可以 明白上帝構思
 劉:於沙礫裡   合:找到 璀璨珍珠

 劉:人家冤枉你 平凡悶孩子
   但是你心事 我不信 
 合:無聊沒意思
 劉:就算誰都不欣賞 
 謝:但偏偏  合:我可以

2006年11月23日 星期四

Haircut!

 剪到一半...in toilet...我覺得剪得襯我哦! ^^ 等...仲未剪得...呆 Ritz唻喇!!
 hehe...

六點起身...仆到去葛量洪,上氣唔接下氣...好在趕到醫生大巡房...
講左手術詳情喇...要係腰間開三個洞 @@"
O 哂咀...一直都以為開一個嘛...
仲會cut豬潤咁大舊既肺出唻...><
希望對我日後生活影響不大啦................

跟住返屋企,到夠鐘就去poly睇中醫...
係個度訓著左...醫生叫左我好多次我都miss左...
四點幾先去到hairculture...
搵左我老朋友Ritz操刀!!
即係前排幫B剪個位
事隔三年...佢終於都等到我一句"嘩剪得好好睇呀!!!"
wakakka!!事關好耐之前佢仲未係大師父
所以剪到我好肉酸呀...haha~

次次同佢傾計都會令我記返起好多好多我唔記得既事
就好似,佢竟然記得我第一本睇既係咩書
睇完之後個人變成點...
我聽返, 仍然覺得好有趣!!!

B今日唔舒服,睇醫生...冇見呀
我就返左屋企,同買左本書~殺悶思維
想買好耐好耐...但...冇錢哦!!!