舉家和婆婆到 cwb 間 Outback 食飯慶祝聖誕節
二家姐和ray買了件冷背心送給婆婆呢
婆婆超開心
(注意，大姊前的枱上有舊屎，成晚放在婆婆的碟邊...=.=)
迫婆婆做出 V 字手勢
不然禮物沒收! 哈哈~
大著肚的大姊特別美~ 呵呵
kakew也有禮物耶~
完全不懂卡通潮流的二姐和ray
在當眼的貨架上挑了這份
竟剛好是kakew喜愛的 "魔神合體"
哈哈!
(第二晚己玩壞了...)
婆婆的冷背心...扣不到扭...太肥了~ =____=
回店挑別的~
很驚喜, 婆婆竟然挑得很認真!
左照右照，很高要求!
結果換了這件杏色的~
覺得婆婆很可愛 (還不遲吧?)
找的士送婆婆回家
三代同堂，媽媽拖著婆婆的一刻被拍下了!
100% 溫馨
婆婆走得很前，趕時間麼??
Sweet ~
平安夜晚到了阿鋒家玩
曱甴煮意粉, salad, tiramisu, hot chocolate, 焗雞翼和西蘭花~~~~
辛苦你哦~~~
屋外則有 BBQ
不過我一啲都無燒到~
食曱甴啲野都夠哂飽~
阿黑抽到我的禮物
我抽到Chris的禮物
想知道點解我個頭有三個樣嗎?
其實很無聊的
原本戴了冷帽
但感到很熱, 便除了, 再借了阿鋒洗臉時用的hairband
之後再搶了波子的銀色高帽...
便變成這樣了~
他們說在hairband前加一粒玉
我便成了太上老君~ 哈哈!
今晚有最好和最差禮物選舉
有電影
有boardgames
有麻將
有西餐有甜品有bbq
玩至五點
乜都飽哂
唯獨欠了大合照...
攪到啲相好似好少人咁 : (
我不喜歡聖誕節，因為代表著冬天和年尾!
但也跟大家說聲
*Merry Christmas*
小琳推薦歌手/大碟/歌曲 - 方大同 Orange Moon <<Singalongsong>>
愛斃了!!
今天當義工...是我有史以來最累的一次...
不用待到明天...己即時有種跑完四百米的酸痛
帶了阿鋒和Wilson一起去體驗
離開時我問 "點呀~ 下次仲敢唔敢唻?"
" 得閒咪會唻..." and " 都會既..."
(類似回答啦~ 我己忘了~)
我沒有期望他們短期內會再來
所以沒有對他們的回答感到失望 (意料之內?)
只要他們不感到反感我已經很滿足~
有了上次的經驗，今次手腳快了
但也許是因為快...所以工作量變多...
還照顧了貓貓的部份
累累累...餓餓餓...
但看到貓貓狗狗們的活潑和熱情
值得的~ 值得的~
小白和威威認得我嗎? (超乖的大狗)
上次我特地走進籠裡和牠們抱抱
小白還不停企在我心口上
但今天是否太高興? 一腳踩到我臉上去了...
原本以為貓貓愛整潔，一定不難處理
其實工功不算多，但...久未更換的貓沙實在臭得...攻眼!
在我蹲下洗屎兜期間，八卦的狗兒們一隻接一隻的走過來
有的貼著我身傍八卦...有的在lick貓屎...
妖! 己經有夠忙的! 還要趕狗! ( 好嬲又好笑 
最後我們三人幫助提著極重的垃圾下山，來回兩次 (我猜有兩三包米的重量?)
但我只掉了一次己不行了... x____x"
看到他們的疲態...我也感到不好意思...
我和鋒搭的士回他家樓下晚飯，快餓昏了
雙腿軟軟，看到曱甴也逃不掉那種...
****
我的日誌很久沒有提及 "病" 了呢
一月中才要覆診
是時期要安排照CT Scan了...
昨晚睡前在想這個
然後便夢到得知壞消息的情景
mm...又開始覺得我的快樂時間變得珍貴了
一直想買個斜咩袋
雖然知道自己咩得唔好睇
但我覺得方便又舒服
終於都買了一個波點斜咩袋
前兩日同某人出街
我牛記笠記加斜咩再加眼鏡
對方說 "你今日好男仔..."
之後一小時
對方忍不住再說 "你可唔可以唔好咁咩呢? 好肉酸呀...我頂唔順"
我跟此人的距離實在愈來愈遠...
佢永遠都唔會明白
我是如此樂於 "不在乎別人眼光" 的那份 "爽 ~~~ "
我當然試過打扮得漂漂亮亮上街，但心裡卻感到很空洞
我打扮給誰看? 我為何要如此? 我想得到什麼?
是因為我不夠自信，要在陌生人的欣賞目光中填補嗎?
這些都是不實在，不長久的
但我沒有跟此人說這番話
只簡單回答 "哎吔無拍拖既人係咁上下啦~ 而且見你啫，有乜所謂!"
他回答 "咁你一陣比人認出, 見到你咁都唔好啦~"
我話 "怕咩啫?! 我又唔係明星! 我覺得咁著舒服吖嘛!"
但我見佢介意同我呢個咁既樣既人出街
我就遷就吓佢，改為側咩
佢話 "咁好好多~"
雖然我只跟他作一些較表面的回答
但也是事實，我真的比較喜歡這樣穿
而且自信是由心而發，不需要衣飾
亦跟 "不拍拖" 有關係
媽媽也說 "好心你似返個女仔"
我答 "到我想拍拖就會似加喇~ 我而家唔想拍嘛，所以要嚇走啲男仔!"
哈哈~ 氣死我媽了!
Please donate dog food to Old woman Mrs. Yeung's dogs in her dog shelter.
The old woman Mrs. Yeung is looking after her dogs everyday. She lives in Kowloon , but her dog shelter stays in Yeung Long Suburb. She care her dogs has 50-60 dogs in her shelter. So, could you donate dog food to give her poor dog?
If you can donate dog food to Mrs. Yeung for her 50-60 dogs.
Please contact us. concernanimalheart@gmail.com
Thanks for your great support!
楊婆婆狗糧已經剩餘無幾，希望大家支持繼續捐助狗糧給楊婆婆狗場內的狗狗。
而楊婆婆外圍亦有流浪狗也是她餵飼給牠們的。
星期六我們亦有入去楊婆婆狗場幫忙將一些捐出來的banner圍在楊婆婆狗場外圍，不過內圍的籠仍然未曾可以圍起，希望大家幫忙繼續支持!謝謝!
註: 原來楊婆婆的狗糧夜晚有人偷入去她處偷取狗糧，那人是住在附近熟悉狗狗和場內的環境(因她熟悉狗狗關係而且狗狗純良所以那人不怕狗狗，而我們知道她是誰不便講出因沒證據)，所以希望大家幫忙幫楊婆婆修葺她場內設施。
如你能捐助狗糧給楊婆婆請聯絡我們: concernanimalheart@gmail.com
謝謝!
用banner圍在外圍，那些風不會直接吹入。Below place is Old woman Mrs. Yeung's dog shelter.
楊婆婆狗場內很多地方已經破爛。
希望大家幫助楊婆婆。謝謝!
--
關注動物心協會 【慈善機構】
Concern Animal Heart Ltd "charitable organization"
網站 Website: http://www.cah.org.hk (HK)
http://www.myspace.com/concernanimalheart (USA)
網誌 Blog: http://hk.myblog.yahoo.com/concernanimalheart
Facebook: http://www.facebook.com/people/Cah_Charity/618992629
小妹在facebook收到以下msg
如有人走失了小狗, 留言告訴我啦~
但我不附照片了, 以免有人 "亂認"
Msg :
有冇住係官塘區既朋友唔見左隻史立莎男仔, 未絕育
執既時候係冇狗帶同衫既
小狗應該年紀細的
*****
以下有一堆芝士蕃薯照片~
蕃薯谷起塊面準備打呵欠...
嗚呀~~~~~~~~~~~~~~
唔唔...
部DVD機暖笠笠...芝士睡昏了~
芝士，女仔照相果然斯文啲~
你睇條長腿，擺得幾優雅~
蕃薯好訓得~愛痴人
芝士同阿燕 Give Me Five !
芝士喪咬阿燕
新鮮蕃薯相，尋晚影~
芝士~ (舊相)
貓爸睡覺，啲仔女勁唔生性
係張床度開party，又踩住貓爸係咁跳
但相信貓爸己習慣了，睡得呼呼聲...
***
剛過去的星期六
到火炭當義工
第一次去呢個狗場
估唔到計埋我，只得三位女仕...
我感到有些失望...因為上次去元朗有成十幾人
原來係因為呢邊地點偏遠及狗場環境相當惡劣
好多義工唻一次就無左聲氣...
聽到後，很為住在哪裡的貓狗心痛...
未去到門口，己經聞到好大陣臭味...同埋好多烏蠅...
個度有廿、三十幾隻狗，住得好迫...
而且唔夠物料做cover，大風時就要硬食...好多狗狗都凍到屙爛屎...
再入去一間貓房，比出面更臭...仲有曱甴...
因為貓識自己清潔，所以都算乾淨，但地下有不少貓屎...
見到人就不停叫同撲過唻...我看在眼內，感到很心酸...
就像在電視上看到一班餓瘋了的孤兒...
為爭取時間，立刻把狗狗放出來散步
我們便清洗場地
另外有位男義工中途出現
狗狗都飛出去迎接
未知是否爭寵...有兩隻本來有仇的大狗突然打架!
情況極之恐怖! 擾攘了幾分鐘才平息!
雙方都頭破血流 (誇張了...其實只係臉上多了幾個血洞，但也很傷)
我沒有出去看著整個情況，留在場內看著其他狗
有一兩隻乘乘機機 "贈興" ，依起排牙想打架
我即刻拎起地拖凶佢，成功!
發現有一隻狗的頭骨變型
很懷疑牠得了變型蟲致命病毒 (大概係咁叫)
會傳染的...如果是真的話...其他狗狗己經中招了...
希望不是吧...不會的...
義工傾計時傾到，有個人領養了一隻金毛
但極唔聽話...
其實大家係想帶出一個訊息
啲人睇外表去選擇，而唔係睇佢地性格
你知道嘛...狗場內的唐狗...十隻有九隻半都乖到你估唔到...
我前兩日見到有隻黑色松鼠待領
我知道媽咪鐘意松鼠，咁我今次應該可以獲准!
"媽咪有隻松鼠待領呀!"
"係咩? 點樣加?" (笑住)
"你過唻睇吓" (比張相佢睇)
"哎吔黑文文既?! 咁肉酸! 唔好養喇! 屋企咁多野!"
我最討厭呢類人，點解媽媽你都有份...
(只顧為狗狗付出，沒有拍照)
關注動物心協會 http://hk.myblog.yahoo.com/concernanimalheart
中醫話我有心事...有壓力...
我諗係因為...我開始為我屋企既新年之旅煩緊!
年三十晚至初三...四日三夜...
可以去邊??
呢段時間去中國大陸...啲人會放哂假嗎??
父親母親大人廿年無去過旅行
所以今次很小心選擇...
又話唔想去台灣, 日本, 印尼, 菲律賓...
又唔要去陽光海灘...但又要享受式...
而家連地點都未煩完...
今次有排煩喇...
***
前兩晚去左旺角新星 hotpot
好味! 一定要食肥牛同流沙包!!!
我地仲打包左每人半打返屋企!!!
$78蚊一位, 任飲, 湯底另計, 加一
埋單每人ard $110
其實呢個先係新髮型...第一次出鏡~
我自己動手剪了不少...哈~
超多肥牛!
但羊肉則比較 "un"
昨晚來到一直想吃的灣仔莎巴馬來西亞餐廳
很很很失望......
nasi lemak 不是在malaysia吃到的味道...
肉骨茶很咸...
咖哩牛也很 "老"
連我愛喝的拉茶也...嗚嗚..................
最好味的只有鬆油餅...
