行山_耀安>昂平

前幾日去左行山
真係太耐無行, 好快就頂唔順
不過都行咗四個鐘
原本想由耀安行到西貢
但四個人都無乜經驗
西貢當然去唔到...
而且仲行咗好多冤枉路!
好在最後回程時比我地遇到好可愛好乖既唐狗BB!
好嗲好得意!
狗爸爸見我地接近狗BB
佢都有走唻聞吓我地
可能見我地無敵意，佢就走咗，好放心我地繼續同狗B玩~ 哈!

左邊嗰隻超乖
右邊嗰隻就比較cool~

見我影相, 佢好似即刻擺post咁!

另外仲有3隻BB
似最細隻, 所以比較驚吧~
全程都無出唻呢~

好唔捨得佢地囉...

攰到傻...影到我打大呵欠...

扮精神影相!

最後去到昂平咋...

勁樣衰...哈! 真係超攰...!!!

呢日行完山
仲要去街巿買BBQ d 野食...
再B到兩點幾.............
我一點己經頂唔順行埋一邊瞓覺了...

 

(己被領養) 可憐CHOW CHOW要逃出死亡邊緣 Poor chow chow almost euthanasia.

有件唔開心的事,同事妹妹的同事,養了三隻chowchow(一家三口),事緣隻chowchow爸爸(養了八年), 有曰咬傷了主人的小女兒,是紅了少少個隻,係個細佬女攪親chowchow在先, (約了vet幫chowchow人道毀滅),八年情都唔念,好可惡的主人.

經義工拯救, 暫時幸免一死,不過只得一個月時間尋家.

以下是仔仔的資料﹕
 
年齡﹕ 7歲 (2002年9月16日出生)
 
已絕育，打齊防疫針、瘋狗針，健康良好
 
性格﹕TYPICAL CHOW CHOW，很COOL，不喜歡人太熱情
 
經歷﹕可能在2歲時曾經入住狗場6個月，自始有牛脾氣
 
相處﹕不可惡，要溫柔對待，不喜歡清潔耳朵，千萬不可硬性趕佢入籠，但可以用繩拖佢入籠，
         喜歡梳毛，細聲與牠說話，與狗合群，饞食
 
希望牠能夠找到新家，牠很怕孤獨呢！
 
若有問題，請打給:  保怡 6200 3755
 
A 7 years old "CHOW CHOW" got abandoned from a family cause he bit the master's daugouther's hand. (Just little bit injure not serious), and his owner arrange to euthansaia him...A Volunteer safe this dog but only got ONE MONTH to rehome. Pls help to safe this doggie.

Pls contact Bo Yee 62003755 for adoption.

你會否欣賞這份固執?

鄧錦婆婆自言年輕當千金小姐時是胖美人，但被丈夫拋棄後，揹6個月大的小兒，拖2歲幾的長子當街乞食，來港後又捱了大半世，如今皮黃骨瘦，原本的大碼衣服早已改成細碼。她躺在醫院病上說：「（我跟兒子）不知誰先死，但至少還可以幫他推輪椅。」（林振東攝）

推著兒子 走過60年坎坷
2009年10月18日 星期日

【明報專訊】元朗洪水橋田心村經常出現一幅平凡但動人的畫面：皮包骨的82歲婆婆吃力地推著輪椅，椅上坐著一名氣若游絲的老人，他不是婆婆的丈夫，而是病重需要洗腎的六旬兒子。15分鐘的路，蹣跚碎步，一推就是1個小時。路上兒子說：「阿媽，你不要推了，我自己爬也可以爬回來。」但村民說，固執的母親從來沒有被兒子或好心人打動過，堅持要自己推著兒子一步一步的走。

帶著兩幼子 逐戶乞食來港

在5日前，輪椅失控，兩代白頭人一起跌落曾經出過人命的水渠。如果兩老不是大難不死，輪椅背後60年的艱苦故事，可能永遠沒人知道：千金小姐愛上窮家小子，在硝煙中拜堂成親，但貪新忘舊的愛郎卻拋棄糟糠，婆婆帶著未戒奶的孩子逐戶乞食，來港在社會底層打滾捱大兩口……

年逾八十，阿婆仍無法放下照顧兒子的母職，但她沒埋怨社會，沒埋怨命運，只希望悄悄與兒子在鄉郊相依終老。就像余華談他的小說《活著》：「生命中其實是沒有幸福或者不幸的，生命只是活著，靜靜地活著，有一絲孤零零的意味。」

「我年輕很漂亮 很多人追」

82歲的鄧錦，在醫院輪椅上自稱來自廣東新會，她說：「父親以前有錢，在香港開三間舖頭，還炒賣鈔票。」但後來政治動盪，軍閥倒台，大疊鈔票成為廢紙，「阿爸說他激到吐血，有個台山來的搭檔更接受不了，瘋了。」鄧婆婆於是隨父親回鄉下，「那時還有些錢，我年輕時生活很好，讀過縣立初中，識字多過很多男人。」老人家笑瞇瞇自誇說：「我年輕很漂亮，學校很多人追，但不想太早結婚，沒理他們。」直至22歲後，崇尚自由戀愛的她看上出身農戶的男孩，國共內戰末期終於嫁人。

在那個吊詭的年代，女子愈識字可能愈惹禍。「老公家窮，靠耕田食飯，我們生了兩個男孩後，他和家人說我嬌生慣養，嫌我光吃不懂耕田，說家裏不需要我，把我趕了出門，他就連自己親兒子也不要。他其實是想娶另一個女人，後來他們還生了幾個孩子。」

被趕出門 夫沒給一分錢

五十年代初，鄧錦被趕出門時才25歲，共產黨剛解放大陸不久，但她父親已死，沒了依靠。「就算阿爸不死，後來也是會被當成地主批鬥的，可能更慘。但他（丈夫）一分錢也沒給我們母子三人，好絕，大兒子2歲多，小兒子才出世6個月。我後面揹一個，手上拉一個，到新會墟市當街乞食，好凄涼。」麵檔、餐館、米舖，昔日的千金小姐為了保住兒子，逐家逐戶問人討吃。

大兒子譚超勤對當時的印象模糊，但他前天坐在元朗鐵皮屋家中，回想起被父親拋棄的事情，雖過了60年，仍忍不住流下眼淚，哽咽說：「當時村裏窮，很難討到吃的。等天熱魚塘曬得很熱，有魚熱到反肚，阿媽就撈上來煮給我們吃。」幸好，有個校長可憐三母子身世，找地方收留了他們，後來鄧錦又改嫁給菲律賓愛國華僑，但新丈夫結婚不久又出洋去了。

在那個反覆無常的年代，身世愈凄涼反而可能愈幸福。鄧錦說，因為自己悲慘的遭遇，階級成分比較「正面」，加上識字，被人推舉做縣裏的婦女會主席。但她不肯，「當時糧食已經不夠，村裏有人從路上走過，餓到無力跌落田。我心想一定要走，帶兒子去香港，當了主席就走不了，我才沒那麼笨！」譚超勤記得母親說，「農民收成時，明明三擔卻說成四擔，誇大虛報，這樣下去很快就會饑荒。到香港不久，大陸果然大躍進餓死人了」。

61歲的譚伯坐在鐵皮屋訴說小時被父親拋棄，長大後想報答母親，但自己又得了重病，反要八旬母親照顧，感嘆說：「我能怎麼辦？」（葉漢華攝）

不停打工消瘦 穿衣大碼變細碼

五十年代，鄧錦帶著兩個兒子從澳門坐船去香港，譚超勤說：「當時我8歲，在中環落船，那天是英女王生日，第一眼最記得是電車。」被嫌棄不懂耕田的鄧錦，開始靠自己養活兒子，紗廠、穿膠花、當家傭，身上的衣服由大碼逐漸捱到變細碼，直到如今剩下皮包骨。「阿媽住在有錢人家，照顧他們的孩子，一去就是幾天，人工一塊錢一天。」她的孩子譚超勤和弟弟卻迫不得已無人照顧，「我們10歲已經自己煮飯吃。繼父後來到香港跟我們一起住，對我們不錯，但幾十年前病死了。」

譚超勤長大後當電工，「30幾歲回鄉下，阿爸託人說想見我，想認我這個兒子，但我不想見他，他當年這樣對我和阿媽，我怎可能原諒他？他做過父親該做的事嗎？我細細個他已經不要我……」

兒50歲患重病 靠綜援過活

譚說，他最想回報母親，「後來我要她退休，不讓她工作，由我來養她，生了兒子阿傑給她照顧」。但命運安排譚超勤重複母親的遭遇。「老婆丟下我和兒子走了，現在也不知道在哪裏。」譚不肯說原因，但從他對兒子的寄望聽得出端倪。「阿傑今年29歲，跟我弟弟一樣要到內地工作，很少能見面，我很想他快點結婚，不生孫給我抱不要緊，不能照顧我也不要緊，但一定要娶個『扯衫尾』的，即使你窮，她也照樣喜歡你的那種，不要學我。」

譚超勤回報母親的日子不長，50歲就患了痛風、糖尿、高血壓，近幾年更有嚴重腎衰竭，完全失去工作能力，母子靠綜援過活，窩居鐵皮屋裏，後來侄兒帶兒子搬過來隔鄰照應，但聲稱為搵食經常沒空不在家。「阿媽老了，但身體比我還好，我站都站不穩，花2000多元買了張輪椅。」這對朽殘的母子相依為命，「我精神好時推阿媽，我不舒服時阿媽推我」。

近月，譚伯病情轉差，常不能走路，家裏的洗腎機已不管用，隔日要到醫院洗腎，82歲的鄧錦又要重拾母職。村民經常見到她推著輪椅上的兒子，腳步細碎，搖搖晃晃，頭顱歪歪地沿小路走出村口搭車到醫院。村民說，阿婆不肯人幫，堅持要親手推兒子，常人15分鐘走完的路，兩母子要折騰1小時。譚超勤說：「她歪著頭推我，是要看路。」村長陳植良說﹕「那條小路旁有條近2米深的水渠，幾個月前有老伯踩單車掉下去死了。阿婆好固執，母愛真是很偉大。」

有心人願送贈電動輪椅

82歲的鄧錦，上周二用輪椅推病重的六旬兒子往醫院洗腎回家途中，兩人雙雙墮水渠受傷。村長說，鄧婆婆跌在一塊大石旁邊，「跌歪一點就沒命了！」（資料圖片）

上周二，譚超勤的輪椅輾到路中雜草，婆婆推著他避開時卻無力控制，輪椅直衝入水渠。「阿媽放手就只是我跌下去，但她不肯放手，就一起跌了下去。」陳村長說，兩人幸好沒有撞中旁邊大石。事件經報道後，感動不少市民，村長也立刻向政府部門申請在水渠旁加建欄杆，譚伯的侄兒說希望有心人捐一張電動輪椅，有讀者翌日就致電本報表示願意幫忙。

田心村長陳植良到鄧婆婆母子墮渠的現場，說：「早前有個阿伯踩單車跌落去，撞死了。」為防再生意外，村長已要求政府部門盡快沿渠修葺欄杆。（覃純健攝）

母子出院後，阿婆腰傷未癒，前日又堅持推兒子去洗腎，兒

子不肯，如以往般說：「阿媽，你不要推了，我自己爬也可以爬回來。」但母親卻已傷得不能站起來了。譚超勤艱難地覆診回來後，發現婆婆原來已被再次送院留醫。譚伯說：「阿媽近年經常無端不見了，我就知道她應該是回家途中體力不繼頭暈，自己報警，我去醫院就能找到她。」

勞碌半生的鄧錦躺在病床上聽到有人願捐贈電動輪椅，笑瞇瞇說：「我好中意呀，多謝呀！」但她沒有提什麼金錢要求，年輕時追求自由戀愛的她，老了也喜歡自由生活，希望繼續跟兒子在鄉郊生活，「不想住老人院，我不知道誰先死，無所謂的。但現在我起碼可以照顧自己，也可以照顧兒子。我好了還可以推他。」但老人家又笑瞇瞇說：「現在有人買電動輪椅，又好像不用我了呵？」

明報記者 覃純健

哈佬喂 2009

星期日去哈佬喂
中午去香港仔富臨飲茶
今日仲係阿鋒0既生日tim~

大家都未食飯
等到三點先唻飲茶...
啲點心未落枱己經被人蒸發
有籠蝦餃仲比人搶到爛哂~ (我都有份!)
真係餓狗搶點心~

岩岩入去時都只係毛毛雨
但愈落愈大囉..
啲鬼都唔出唻嚇人...
又無show睇...

好在九點幾
雖然都有啲雨但啲鬼都慢慢出返唻
仲睇到個show tim!
真係好好睇呀!!!!

唔記得排乜
但當時大家個人都仲好乾爽....

而啲鬼屋都唔洗排太耐
可能又落雨啩...

最驚係"xx實驗室"
我全程無望screen...

最鐘意係東瀛xx, 吊頸嶺站, 同埋大樹灣嗰2間大鬼屋~
整得好仔細, 我有行慢啲欣賞架~

海洋列車, 我地超嘈...

我覺得呢張相幾得意, 好想知阿兔頭上面隻手係邊個~

啲便利雨衣賣 $25 囉!
我無買到! 唔想比人搶錢!

呢張見到我個頭己經濕哂塌哂...又凍...
仲走去玩衝落水嗰隻木船...
鞋都濕埋...真係自找...............

吊頸嶺站真係幾得意~
disney站個名變左做.............毒死里! XD

OP啲雞肶真係幾好食~

設計對白
chris : 我呢隻好難食呀...
siulam : 係咩? 我呢隻好好食喎!

影得我個樣幾後生~ XDDDDDDDDDD

阿龍同shirman真係有啲兄妹相喎~haha

搭888返正門
又係好嘈好好笑
好似學校旅行搭大巴咁
做埋啲低能野, haha

三車出動!
全體殺出九龍城食飯!
第二日有啲人都病咗...
我都有啲虛...

第二晚就去左大頭新屋玩 board games
無諗過會玩到三點....=_=
而家仲虛啲.............

派傳單

呢幾日有無人喺港九地區見到有人著住件 渣x 銀行 T-shirt 周街派傳單呢?
係sell 新出0既 "150蚊紀念鈔票"

星期一至四, 我都喺荃灣荃豐中心同尖咀海防道/廣東道派!
膊頭同腳趾好痛哦! 不過時薪超高! 高都有啲信唔過!
haha~係真好多謝朋友介紹份咁正既part time比我!

雖然好攰
但同一班自己友一齊派傳單真係幾好玩!
短短四日, 見到好多唔同0既人

著得粗獷0既人幾好笑容，就算拒絕你都會微笑搖下頭
反而OL 同 西裝男就擰轉面/黑面/怒bear
自由行質素高咗! 十個有九個都好有禮貌!
好多都會唻問路，問完會微笑講謝謝
同1,2年前差好遠，問完路會即走...哈~

有人攞完傳單, 過咗陣就己經買左鈔票, 仲會走唻同我講返
有啲人一聽到仲有得買, 就會帶點怒氣話 "攪錯呀仲有得賣!我嗰日排隊買呀!"

habourcity個食蕉走出唻問左好多呢張鈔票既問題
我以為佢想買, 但最後佢話 "...其實我都要做野既~ 你可唔可以企返喺條線出面呢? 入面係屬於九倉..."
XDDDDDDDDDDDDDDD 真係唔知好嬲定好笑...

喺門口掃地個阿叔走埋唻十幾次
每次都叫我 "唔洗派啦~掉落唻(垃圾摌)咪即刻收工囉! 你收工我又收得工!(佢指一指垃圾摌入面張渣x傳單)" 哈哈哈!

又有個西裝男行入habour前, 唔要我張傳單
隔咗陣佢出唻嗰時又唔要, 佢等過馬路時回望我
跟住行返過唻笑住話 "我都係要一張啦~"
佢真係好人喇...哈哈~

喺海防道時，RBS個sales又走埋唻問我想唔想去佢地銀行做full time...

香港地真係機會處處...=w=

中秋佳節BBQ

20091003 中秋 BBQ

好耐無同大家燒野食
今年中秋就唻左Burn間新屋攪BBQ
呢間屋係Burn同屋企人一齊起架 ~ 位於坪輋
我覺得有個咁既朋友真係好特別!

好多年無玩蠟燭喇!
仲買左燈籠tim!
令我地啲相多咗好多氣氛 ~

嗰度好大風
我地點完火佢又熄
曱甴來來回回點咗好多次
佢話 "呢個動作我做左一萬~~~~次，真係唔想再點!"
XDDDDDDDDDDD

呢個"角落頭"位就係我地個 "中秋studio"!!!

兩位阿姑喺廁所整野食
因為間屋新到乜都無 ~
只有一個雪櫃!
畫面令人倒胃
好似大陸啲黑心工場 XD

燒得喇~ 第一次食得哂啲野食!

半夜呢度好鬼凍
不停打黑次!

食飽又要搵啲野玩吓
執左幾條木條
放喺一條黑到乜都睇唔到既路上面
點著哂啲蠟燭
就會好靚架喇~
可惜唔夠蠟燭
整得唔夠長呢
而且亦都好大風囉...

呢度有好多四腳蛇同蛤蚧
有一隻仲跳左入袋炭度!
我救返佢出唻嗰陣佢"呱"左一聲!
佢地話佢同我講多謝! =w=
我仲捉左隻四腳蛇BB
So Cute!

揸車出去接人嗰時
突然有隻蛤蚧打橫跳過
好彩無車親佢
嚇屎我...

終於點著哂!
大家爭取時間影相!

遊戲時間
Chorman被排擠
我地寧願關門困自己喺kitchen
都唔同chorman打牌! XDDDDDDDDDDD

一班打牌
一班玩board game
超好玩囉

另一班就傾計

玩到唔捨得走
四點幾先準備走
但大家都好黑仔呢

chris送完fung去火車站返唻途中爆軚
車ling條key唔見咗, 要call廠啲人唻...佢等到天光...
阿兔就車第二批人去火車站再返唻
不過撞定隔離屋個伯伯哮喘call左白車
架車就塞住左個路口...
等左好耐阿兔先走到...
我地就爭取時間玩多鋪board game ! XD

佢返唻後, 就到我車其餘既人返屋企
行吐露港真係好爽 =w=

我返到去到七點lu...
好開心呢今年!

(PS. 收到有網友的email話想我開返留言功能，其實我都掛住大家啲留言，好啦~ 我開返啦~ 啲廣告我唔理喇! ^ ^ )

夏x館 = XP

好耐無打blog
連上唻睇下自己個blog都無...哈~
算是對yahoo blog的不完善作一個無聲抗議吧!
comment中的廣告不斷
delete到我手軟
我一直堅持寧delete廣告都不close留言
因為我喜歡有一種溝通0既感覺
不過，終於都到了容忍的頂點~
因為無左留言，變成我少上來既原因之一

大家認唔認到呢碟係乜?

如果係人地問我, 我一定答唔出
或者答"三絲炒粗面"?!

呢個其實係一個味道、外觀、份量都是零分但賣 $58 的 "河蝦兩面黃"!
吓?! 乜呢個餸係咁架咩!? 咁我食過 "翠x" 勁好味嗰碟係咩唻架?!
呢碟點解係用粗面?! 啲蝦去哂邊?! 佢比咩汁我呀?!

我形容一下呢碟野
炸粗面，但全部都己經淋哂!
個汁係無味! 我懷疑係淨用生粉開既!
蝦只有5毫子咁大隻!仲要得5隻!
切幾粒青椒做伴菜!

"翠x" 都係賣 $68，貴少少
蝦有3個5毫咁大隻，有成5,6隻架janl
用好好味既蕃茄汁
炸幼面, 用鐵板keep住熱, 脆卜卜

呢間德福 "夏麵x" 真係好唔掂
我第一次食呢間野咋
我屋企人嗰啲都唔係太好食
又細份量

勁呃錢