哈佬喂 2009

星期日去哈佬喂
中午去香港仔富臨飲茶
今日仲係阿鋒0既生日tim~

大家都未食飯
等到三點先唻飲茶...
啲點心未落枱己經被人蒸發
有籠蝦餃仲比人搶到爛哂~ (我都有份!)
真係餓狗搶點心~

岩岩入去時都只係毛毛雨
但愈落愈大囉..
啲鬼都唔出唻嚇人...
又無show睇...

好在九點幾
雖然都有啲雨但啲鬼都慢慢出返唻
仲睇到個show tim!
真係好好睇呀!!!!

唔記得排乜
但當時大家個人都仲好乾爽....

而啲鬼屋都唔洗排太耐
可能又落雨啩...

最驚係"xx實驗室"
我全程無望screen...

最鐘意係東瀛xx, 吊頸嶺站, 同埋大樹灣嗰2間大鬼屋~
整得好仔細, 我有行慢啲欣賞架~

海洋列車, 我地超嘈...

我覺得呢張相幾得意, 好想知阿兔頭上面隻手係邊個~

啲便利雨衣賣 $25 囉!
我無買到! 唔想比人搶錢!

呢張見到我個頭己經濕哂塌哂...又凍...
仲走去玩衝落水嗰隻木船...
鞋都濕埋...真係自找...............

吊頸嶺站真係幾得意~
disney站個名變左做.............毒死里! XD

OP啲雞肶真係幾好食~

設計對白
chris : 我呢隻好難食呀...
siulam : 係咩? 我呢隻好好食喎!

影得我個樣幾後生~ XDDDDDDDDDD

阿龍同shirman真係有啲兄妹相喎~haha

搭888返正門
又係好嘈好好笑
好似學校旅行搭大巴咁
做埋啲低能野, haha

三車出動!
全體殺出九龍城食飯!
第二日有啲人都病咗...
我都有啲虛...

第二晚就去左大頭新屋玩 board games
無諗過會玩到三點....=_=
而家仲虛啲.............

派傳單

呢幾日有無人喺港九地區見到有人著住件 渣x 銀行 T-shirt 周街派傳單呢?
係sell 新出0既 "150蚊紀念鈔票"

星期一至四, 我都喺荃灣荃豐中心同尖咀海防道/廣東道派!
膊頭同腳趾好痛哦! 不過時薪超高! 高都有啲信唔過!
haha~係真好多謝朋友介紹份咁正既part time比我!

雖然好攰
但同一班自己友一齊派傳單真係幾好玩!
短短四日, 見到好多唔同0既人

著得粗獷0既人幾好笑容，就算拒絕你都會微笑搖下頭
反而OL 同 西裝男就擰轉面/黑面/怒bear
自由行質素高咗! 十個有九個都好有禮貌!
好多都會唻問路，問完會微笑講謝謝
同1,2年前差好遠，問完路會即走...哈~

有人攞完傳單, 過咗陣就己經買左鈔票, 仲會走唻同我講返
有啲人一聽到仲有得買, 就會帶點怒氣話 "攪錯呀仲有得賣!我嗰日排隊買呀!"

habourcity個食蕉走出唻問左好多呢張鈔票既問題
我以為佢想買, 但最後佢話 "...其實我都要做野既~ 你可唔可以企返喺條線出面呢? 入面係屬於九倉..."
XDDDDDDDDDDDDDDD 真係唔知好嬲定好笑...

喺門口掃地個阿叔走埋唻十幾次
每次都叫我 "唔洗派啦~掉落唻(垃圾摌)咪即刻收工囉! 你收工我又收得工!(佢指一指垃圾摌入面張渣x傳單)" 哈哈哈!

又有個西裝男行入habour前, 唔要我張傳單
隔咗陣佢出唻嗰時又唔要, 佢等過馬路時回望我
跟住行返過唻笑住話 "我都係要一張啦~"
佢真係好人喇...哈哈~

喺海防道時，RBS個sales又走埋唻問我想唔想去佢地銀行做full time...

香港地真係機會處處...=w=

中秋佳節BBQ

20091003 中秋 BBQ

好耐無同大家燒野食
今年中秋就唻左Burn間新屋攪BBQ
呢間屋係Burn同屋企人一齊起架 ~ 位於坪輋
我覺得有個咁既朋友真係好特別!

好多年無玩蠟燭喇!
仲買左燈籠tim!
令我地啲相多咗好多氣氛 ~

嗰度好大風
我地點完火佢又熄
曱甴來來回回點咗好多次
佢話 "呢個動作我做左一萬~~~~次，真係唔想再點!"
XDDDDDDDDDDD

呢個"角落頭"位就係我地個 "中秋studio"!!!

兩位阿姑喺廁所整野食
因為間屋新到乜都無 ~
只有一個雪櫃!
畫面令人倒胃
好似大陸啲黑心工場 XD

燒得喇~ 第一次食得哂啲野食!

半夜呢度好鬼凍
不停打黑次!

食飽又要搵啲野玩吓
執左幾條木條
放喺一條黑到乜都睇唔到既路上面
點著哂啲蠟燭
就會好靚架喇~
可惜唔夠蠟燭
整得唔夠長呢
而且亦都好大風囉...

呢度有好多四腳蛇同蛤蚧
有一隻仲跳左入袋炭度!
我救返佢出唻嗰陣佢"呱"左一聲!
佢地話佢同我講多謝! =w=
我仲捉左隻四腳蛇BB
So Cute!

揸車出去接人嗰時
突然有隻蛤蚧打橫跳過
好彩無車親佢
嚇屎我...

終於點著哂!
大家爭取時間影相!

遊戲時間
Chorman被排擠
我地寧願關門困自己喺kitchen
都唔同chorman打牌! XDDDDDDDDDDD

一班打牌
一班玩board game
超好玩囉

另一班就傾計

玩到唔捨得走
四點幾先準備走
但大家都好黑仔呢

chris送完fung去火車站返唻途中爆軚
車ling條key唔見咗, 要call廠啲人唻...佢等到天光...
阿兔就車第二批人去火車站再返唻
不過撞定隔離屋個伯伯哮喘call左白車
架車就塞住左個路口...
等左好耐阿兔先走到...
我地就爭取時間玩多鋪board game ! XD

佢返唻後, 就到我車其餘既人返屋企
行吐露港真係好爽 =w=

我返到去到七點lu...
好開心呢今年!

(PS. 收到有網友的email話想我開返留言功能，其實我都掛住大家啲留言，好啦~ 我開返啦~ 啲廣告我唔理喇! ^ ^ )

夏x館 = XP

好耐無打blog
連上唻睇下自己個blog都無...哈~
算是對yahoo blog的不完善作一個無聲抗議吧!
comment中的廣告不斷
delete到我手軟
我一直堅持寧delete廣告都不close留言
因為我喜歡有一種溝通0既感覺
不過，終於都到了容忍的頂點~
因為無左留言，變成我少上來既原因之一

大家認唔認到呢碟係乜?

如果係人地問我, 我一定答唔出
或者答"三絲炒粗面"?!

呢個其實係一個味道、外觀、份量都是零分但賣 $58 的 "河蝦兩面黃"!
吓?! 乜呢個餸係咁架咩!? 咁我食過 "翠x" 勁好味嗰碟係咩唻架?!
呢碟點解係用粗面?! 啲蝦去哂邊?! 佢比咩汁我呀?!

我形容一下呢碟野
炸粗面，但全部都己經淋哂!
個汁係無味! 我懷疑係淨用生粉開既!
蝦只有5毫子咁大隻!仲要得5隻!
切幾粒青椒做伴菜!

"翠x" 都係賣 $68，貴少少
蝦有3個5毫咁大隻，有成5,6隻架janl
用好好味既蕃茄汁
炸幼面, 用鐵板keep住熱, 脆卜卜

呢間德福 "夏麵x" 真係好唔掂
我第一次食呢間野咋
我屋企人嗰啲都唔係太好食
又細份量

勁呃錢

不怎麼樣的一天

平日上完yoga也會去買章魚小丸子 + 珍珠奶茶
然後坐在洗衣街公園慢慢吃
我喜歡這個公園，因為不複雜之餘
竟然都頗乾淨和寧靜

我只會坐有棋盤的石椅
背著優才書院而坐
面向高樓大廈和慢步進出的途人

因為秋天的關係吧?
涼快天氣底下，坐在旺角公園才會如此舒適
涼風都從我左邊的大廈縫隙中吹過來
加上微溫的太陽
我忍不住閣上雙眼去感受...

一位看來有80歲的公公站在公園正中心
相信他每天也會來做運動
看上去, 應該是氣功或太極
他不是隨便做哦! 平衡力都很好!
而且角度標準! 日子有功呢!
我邊吃東西邊看他表演

突然很想知道他這人生中有多少個故事
他住在哪呢?為什麼會有這個功夫底子?
他有家人嗎?為什麼每天也花這麼多時間在這個公園?
他在眾目睽睽下做運動，是想和人分享
還是想引人注意去關心他呢?
他寂寞嗎?

我離開時剛好碰上他離去
從他眼神我知道他有發現我曾對他的注視
因為我也看了差不多一小時
他看著我, 好像有話想說
其實我也是呢, 但最後大家都止住了
然後向著各自的方向離開
如果換上我是老太婆
可能我們會聊起上來

下了車，走路回家的路上
剛好黃昏
我愛看這裡的風景和吸這裡的空氣
每次走路回家，都會抬起頭周圍看
不誇張，有時候我甚至會微笑呢

這一天
就是我坐在一個不怎樣的公園吃著不怎樣的小吃卻有不一樣的美好感覺
突然覺得可以擁有生命真的很幸運
也覺得生命很美好

廣州白雲賓館比鬼宅之夜 (有鬼古成份)

第一次上廣州
同家姐同埋佢男朋友上去
今次有家姐喺廣州既同事帶住我地
仲安排左白雲賓館 (5 星) 比我地住

雖然叫賓館, 但都真係幾靚
樓下仲要係賣LV Fendi呢啲大牌...
我地住15/F

由於我岩岩星期四先打完針
喺上面同佢啲同事食完lunch三點幾
行到五點幾我己經頂唔順
但唔想掃興, 所以keep住行
肉體己經變成受指令動作...無哂感覺
食埋dinner,九點幾返到去第一個沖涼即瞓

我地三個人屈蛇雙人房
我當然係一個人瞓一張床啦~

比少少背景大家
我25年唻都無見過同接觸過嗰味野的

我記得我瞓得好冧
仲發梗夢
突然間我就醒左, 瞪大眼望住天花, 我知道家姐同佢男友仲喺我隔離
聽到佢地細細聲講野仲未瞓
但我無拎個頭過去望
因為我feel到另一樣野
就係有第4個人"入住"我地間房....

由入門口, 放低行李, 執野, 掛衫等動作都係快鏡
但我全部都係睇唔到, 只係feel到有個人好快咁行唻行去
"佢"執好哂之後就跑過唻跳上我張床度
即係宅住我...整個入住至宅住我過程唔到十幾秒

我郁唔到, 但第一時間大叫
因為人人都話比鬼宅要大叫
叫得出就即係無事
我記得我叫左3~4聲, 真係出盡飲奶力
我對眼只係望到天花, 望唔到左右
全身更加係郁唔到
叫到第4聲既中段, 出到聲
亦同時郁到喇
我自己都聽到個叫聲好奇怪
我呆左兩秒

家姐男友問我 "阿妹你做咩呀"
(家姐之後同我講返, 佢兩個當時都呆左陣, 先叫佢男友問下我做乜, 佢地話我既叫聲好恐怖)
我拎過去望住佢兩個, 透左幾啖大聲, 定左定神, 諗下係咪發梗夢, 答
"我比野宅"

當時只係12點幾咋
佢2個都未瞓...我都可以比野宅....

即刻喺銀包攞左啲一直袋住既觀音呀濟公呀等等既"閃咭"
好似playing card咁排哂喺床頭櫃
仲有啲用利是封包住既銀仔 (都唔記得幾時邊個比...) 放喺pillow底

家姐原本都唔敢瞓
聽完我咁樣就仲唔敢瞓
但我話 "快啲瞓啦...聽朝我地好早起身, 今晚唔夠瞓聽朝仲恐怖呀..."

最後斷斷續續大家都瞓著了

其實有接觸嗰下都真係幾驚
但諗返都幾刺激
因為我相信件事點worst都唔會死
haha 咁又有咩好驚呢
當係一個經驗!

狗的真情 - 成都的狗狗愛情結局...

這是今天報紙有提及的新聞
發生在成都
我不多介紹了, 因為片內有文字描述
相信此片令不少人哭翻了

動物都是有感情，有人性，有知覺的
一直以為牠們因為是動物、昆蟲、家禽...便等於沒有以上情感嗎?
這根本都是人類自私的借口!!!

前陣子己報導了蟹是有知覺，人類卻一直說是沒有，硬把牠用水慢慢煲熟!
甚至用筷子插死牠們打開蟹蓋!
我也有轉載一單新聞是一隻雞為了青梅竹馬的同伴死去而絕食繼而跳樓自殺
但雞檔每天都把無數的"關係"破壞! 母親看著兒女被強行放血、放入熱水脫毛、肢解!
是每天! 比大屠殺便殘酷!!!
還有街頭的流浪貓呢? 牠們又遭到什麼殘忍的對待?!

我希望恐龍復活，把人類吃光!
不對...恐龍也會吃其他動物...
應該要有一種病毒
可以把壞人全都毒死!!!

請大家愛護動物! 任何有生命的個體
牠們沒有得罰我們，牠們應該得到尊重!
傷害沒有抵抗能力的人和物
你還稱得上是人類嗎?