阿鋒生日_BBQ_打牌

20081010

今日去左黃醫師度按腳
呢個星期我訓醒個肺好痛, 唔知做乜
深深吸一啖氣都勁痛, 要企直個人
慢慢吸, 習慣返先好啲, 不過而家愈來愈痛得多...
有同譚醫生講, 但佢覺得無乜野
問我有無撞親我話無
佢話可能係運動多左
不過真係好鬼痛...
醫師叫我聽佢吩咐, 會好快好返
OK 無問題!

另外黃醫師話我身體好左
應該係因為停左藥都一段時間...及有做運動的關係吧~

之後就入沙田, 去阿鋒屋企了~

我同波子講 "燒野食致癌喎, 我唔食喇, 我唻玩啦~"
波子 "怕咩啫~ 致癌之嘛! 你都 '致' 左啦~"

...又講得岩喎...哈哈!!! (講笑啫)

我話我自己煮野食
但結果去到現場, 我都係燒野食...
諗返起都幾年無燒過
今次都唔係食左好多野

阿鋒生日
但佢勁慘要招呼我地
我地成日嗌 "阿鋒阿鋒! 有無野飲呀?"
"阿鋒阿鋒! 我想玩 wii 呀點開加?"
"阿鋒阿鋒! 開枱未呀?"
"阿鋒阿鋒! 攞隻杯比我吖!"

哈哈!
祝你生日快樂!!!

我係全場最無力個個...
我用埋肚力去頂住先彎到少少咋...
最後都係同佢影張靚靚合照算啦~ 哈哈! 好低能

曱甴都有啲力噃!

燒賣好勁呀! 谷到面都紅哂!!!
後面仲有兩位猛男
大力版 F.I.R ?!
定係三星戰隊?!?!
我地笑到停唔到...

燴香蕉朱古力
幾好食噃!

之後就打牌, 哈~
其實我唔係好識加咋!
一邊打一邊學囉~
玩到五點, 大家都走了
我係阿鋒度自己hea到五點半 (佢都訓埋...)
走去搭第一班車返屋企
好耐無試過玩天光...

呢日開始
情緒好返八成lu~
多返野講
差唔多自閉完畢! Yeah