上星期的hotpot夜 及 哈佬喂

20081006 去了哈佬喂
很遲才入場, 差不多七點半
心想, 應該只能玩到三個鬼屋
第一個鬼蛙蛙工廠, (發生了我發惡鬧人的打尖事件) 感覺行極唔完...同埋好恐怖囉...
第二個我地去左最出名既厲鬼村, 排左成個鐘, 大家都無聊地扮鬼自拍...
如上圖......最驚嚇的一定是濋汶!!! 贏我地幾條街!

其他人排隊, 我地周圍搵鬼影相

我比上面呢位伯伯用拐杖卟我個頭...=_=

大樹灣個邊
左邊係大豪嚇娛樂城, 右邊係厲鬼村, 中間就攪 show, 超熱鬧

我一直很期待厲鬼村
因為我很喜歡屋村, 想看看他們如何decorate呢間鬼屋
出面己經很出色了~
排隊時仲可以通過 "蔽路電視" 欣賞大家在 "車立" 內被嚇的情況, 哈~

到我地入去了! 我除了被嚇, 還一直欣賞著他們的設計
經過 "垃圾房" 真係有垃圾味呢!! 勁!!!
但講到驚嚇程度...就一般呢~

我地話全場最恐怖既鬼屋係上面呢間...
哈哈~其實佢唔係鬼屋!
係小食部!
但係佢勁大煙! 啲人又帶哂帽係入面做野
好似係度做梗恐怖手術咁!

玩埋大豪嚇之後
有幾個人去左玩過山車...
我同阿鋒衝左上去玩迷幻空間
正呀! 無人玩囉!!! 因為己經十一點喇~
啲人都落哂去大樹灣個邊
我地兩個人入去
啲鬼變左好集中我地兩個度...跟住我地...
呢間鬼屋都做得好出色!一定要玩!

仲有時間, 去埋 "一個人都無既海洋館同水母館" !!!
都仲係時間! 就去埋 變種瘟室
亦都做到有潮濕既感覺, 不過唔驚囉~

最後我地竟然玩左五個鬼屋!!
好開心呀! 喪嗌喪笑!
出去搭車時, 見到小巴拉客 (唔出奇吖~)
但同時連城巴都拉客...(點解呢...)

去左旺角食野...己經兩點幾了...

****

20081004 阿鋒屋企打邊爐

之後同一個空間
分開左睇戲...打wii...同打牌...
勁! 玩到三點幾!

上篇日誌說了
情緒雖然唔係幾好, 但活動仍要照舊!
不過呢兩晚我都無乜點講過野...
應該係話, 比平時少左勁多