妹妹 生日快樂 ~ 愛你

妹妹, 生日快樂 !  今日勁好陽光, 啱晒你啦 ~ 去左邊樹玩呀 ?

今晚我地一家人去左大自然素食, 見住爸爸夾餸比你,
我地感到一家人再次齊齊整整咁食生日飯 ^^

你要好好生活, 要身體健康, 要記住我地 !  我地都會一樣 :)

永遠愛你

很感動 ! 大家仲記得小琳

可能自己的傷口仍未痊癒, 這一年很少接觸妹妹以前的物件, 包括網誌。
今天心血來潮上來一看, 很感動看見這麼多留言給她 ! 
原來大家仲記得小琳 ^^  果然是不死的鄧小琳精神
相信她在另一方都會掛念大家曾經有過的愛 ... ...

( SiuLam ) Sleeper Handmade Accessories

 

記得以前曾打本給小琳在家做一些小飾物來放上網賣, 當時見她忙得來很開心 ^^   
後來因精神不好便停了下來, 我們曾想擁有自己一間細鋪來賣自己喜歡的東西,
如首飾, 衣服, 外國精品等等 ... ...

但如今香港租金太貴, 開舖應該是沒可能的, 但在未來的日子, 我會為她延續
小琳精神 ( 因為真係要有精神才可以, 哈哈 ) 來自家整飾物。

扣除成本後, 會將收益撥捐有需要幫助的機構, 當然會用妹妹的名義來捐贈。

不過仍有很多資料要收集, 因為我想做一個禮品盒或者 Label 是印有 SiuLam 的名字,
要找找在那裡可以弄到 ^_^  希望大家可以支持

Data Moved ! Yeah !!

Finally, all the data is moved from the old site, but don't know why
some pictures can't show.  I will try my best to fix it one by one later !

Msg from 二姐.

SiuLam New Blog

Dear All

I have created a new blog for my lovely sister ( SiuLam ),
I will move the data in coming couple days and hope
everything will be fine ( Such a big project for me  .... hahaaaa )


New Blog :
http://siulamtang.blogspot.com

小琳另一新居 - 九龍塘 省善真堂

爸媽特為妹妹再添新居, 更方便的去拜祭她, 相信九龍區她會很喜歡 ^^
今天已為小琳安排上位, 今後她可以屯門九龍兩邊走


安放地方 : 九龍塘 省善真堂  思親閣 I 9749  ( 左邊第四行 )


地址 :  九 龍 塘 律 倫 街 7 - 8 號
交通 :  九龍塘地鐵 D 出口 或 火車站旁沿多福道步行約五分鐘
電話 :  2336 1578


網址 : http://www.tao-ssct.org

感謝各位支持 小琳新書 我要笑着到最後

多謝爸媽, Chris 和不願意上鏡的二姐為我本新書打氣, 仲要多謝各大傳媒的推介 ! 
大家在海報上看到我嗎 ? ( 右下角呀 ! ) 爸媽也和我合照了 ! Sweet ^^
大家買左未 ? 買一本就已經為慈善出左一分力, 快 D 去書展 " 大眾 counter " 買多幾本 !

{ 此留言是二姐代筆 }

鄧小琳 新書 - 我要笑着到最後 !

 

 

<< 鄧小琳 新書 - 我要笑着到最後 >> 今日書展推出啦,
係我地送給妹妹的禮物 !
各位快到 " 大眾 Counter " 買返本啦, 扣除成本餘額將用作慈善用途 !

小琳新居 - 屯門佛緣精舍

今日 四月十六日 是我妹妹 - 鄧小琳 ( 原名鄧婉雯, 其後改名為 --- 鄧堡焮 ) 上位的日子.

石碑是用她出殯的照片, 樣子甜美, 我們亦放了妹妹生前喜愛的物品陪伴她.


妹妹, 希望妳喜歡這地方, 繼續與陽光玩遊戲, 我們永遠懷念妳, 愛妳 !  有緣再見 !


**************************************************


抱歉現在才通知大家小琳安放的地方, 因為我們想她入住後才向外公佈.



安放地方 : 屯門佛緣精舍 慈仁堂 110970


地址 : 新界屯門青山村178 號 B


開放時間

星期一至日 : 上午九時正 至 下午五時正

公眾假期照常開放

網址 : www.fatyuen.com  ( 內有交通指引 )

小琳的喪禮

各位想送別小琳的朋友, 可於三月十日 (星期日) 四時正

到 " 紅磡褔澤殯儀館地下 ", 參與小琳的喪禮

向小琳說再見

各位想跟小琳說再見的朋友, 可於 10/3 星期日下午四時起到紅磡褔澤殯儀館地下,
參予以道教形式舉行的治喪事宜

各位, 再見了...

小琳已在二月九日下午四時五十九分離開了大家, 我們永遠懷念妳 ! 
 
 

住院半個月

12月中我入左醫院寧養部住
因為氣喘太嚴重
屋企氧氣己經唔能夠support我個肺

醫院用左西藥之後
當然係好舒服
不過個感覺好似返唔到轉頭咁
住院第一個星期, 我以為自己無機會再返屋企
要死喺醫院
己經同定屋企人講
我唔想再咁辛苦
記得叫醫院放瞓覺藥比我
等我瞓死佢算
因為有一朝我真係喘到差唔多88...

加藥要時間適應
一星期後, 終於可以加到夠用數量
個人總算正常返了
生死就係咁刷過...
死, 真係唔可怕
辛苦, 先最恐懼

1/1/2013
中午可以回家了...
好一個新開始

住咗半個月
無啖好食
瘦到無哂肉LU
無力企, 去邊都要人抱
首先要做就係增肥!

雖然個肺會愈來愈差
啲藥到時就繼續加...
而家真係要認自己係末期癌症病人喇...haha
但都希望會有奇蹟發生啦 =)

我係小忌廉~

出年就係小忌廉30周年!
1 NOV 2012 ~ 1 FEB 2013
會喺megabox 10/F開期間限定日本餐廳
間餐廳叫日和號, 可能新開, 啲野都幾好食~
仲可以儲印花, 換小忌廉紀念品!
我即刻撲咗去喇~ 大家快啲去啦!!

香港真係好難得會有小忌廉活動架...

 

抽肺水唔成功...

終於頂唔住, 琴日(星期日)又咁岩排期到我做抽肺水
今次唔拒絕喇...希望抽完可以唔洗咁辛苦
之後再慢慢中藥調理

今朝推我入房, 準備抽之前, 先用超聲波照下個情況
點知佢話我咁辛苦未必完全因為啲肺水, 因為啲水唔算多
而且仲困住哂喺個肺中間...要抽就要抽好入

另外仲見到有啲發炎, 同埋個肺因為腫瘤而collaspe咗好多
呢個應該先係我透氣咁辛苦原因
所以抽肺水未必係最適當做法
叫我照埋個CT先再決定...

我好失望呢
始終係去到最後一步
我先毫不情願入唻抽...
點知個結果竟然係咁...
仲諗住抽完, 可以好似以前咁周圍去
呀...而家都唔知點算!

唯有繼續加油啦!!! >.<

月餅罐回收

月餅罐回收!
記得通知你身邊既人去參與!

其實最根本係大家唔好再買唻做禮!
老實講有幾多人真係會食哂?
我自己一個小小屋企都收到幾罐
我又唔食geh, 等2個上咗年紀既父母食
對身體又唔好...

仲有某啲月餅牌子啲盒真係連回收資格都無!
有啲硬紙盒包咗蠟, 一啲就包咗布
都唔知點回收!
嗰啲見到真係唔好幫襯!!!

http://www.timable.com/event.php?eid=67250

捐月餅罐做善事！
今日起至10月12日，你可以將剩低咗嘅月餅罐攞嚟太古坊回收。月餅鐵罐賣俾回收商所得到嘅款項會全數捐俾救世軍！快啲share俾所有朋友知，齊齊做善事啦！

月餅罐回收點：
德宏大廈一樓 (Pret a Manger對面)
濠豐大廈一樓行人天橋
電訊盈科中心一樓(近詢問處)
港島東中心地下

請大家比少少時間睇哂佢, 呢件事係好需要正視及行動!

『政府做什麼都是為香港好的！割地有什麼問題？香港要穏定！香港要發展！』

發展？

一個城市要發展到怎麼才算發展？有些驚死執輸的順民天天講發展。
...

發展才是硬道理嗎？
香港是已發展城市，可以在各方面作更深入成熟的維持原來地方的可持續發展，而不是亂開土地亂輸入中國人攻陷毁滅我們的城邦。巴黎會否因為要發展而把鐵塔公園剷平？香港最有價值的是什麼？沒有充分理解思考，只聽到港共政府兇你什麼就信什麼，香港真多得你這種人。
【我覺得要點是，一味講『發展』也是中國式洗腦。】

在64天安門屠殺後，為催眠民眾鞏固政權，鄧小平1992年南巡，期間道出“發展才是硬道理”的原則，卻只發展經濟注重經濟收益而忽視保育及社會道德的問題，才會導致今天中國的好大喜功、貧富差距更大，這也導致了中國特多的毒食品問題（有錢就得嘛）。中國人沒有環保及保育意識，什麼都講經濟發展，這是非常短視的，連自己住的地方都不能保護，有錢又如何能享受？中國再過幾十年連乾淨水都沒的喝，中共政權面臨危機，才不停以順民們的民族主義心態以釣魚台等外交政策分散注意力。中國的發展，什麼都只做表面，這也讓香港跟中國差距更大，說什麼融合都是沒可能的，中國式腐敗只會拖挎香港這個高度發展國際城市。

而中國為了容易點管治香港，不停把香港矮化，愚民政策，灌輸順民們『香港沒有中國死硬』、『中國現在比香港好』的概念，但真正有去了解深入的就明白那些都是赤裸的謊言，目的是讓香中國人更自大地看香港，待全面接手後，中國人不會對這批奴性重的香港順民輕手一點的。

中共做的也只為了吼住香港庫房的幾千億，現在一邊破壞香港的法治制度，一邊養肥庫房不把錢分給有需要的基層，叫你愛國那班貪官都有外國戶籍，到時香港法治被愚民搞挎了，他們便可以瓜分庫房的錢到外國去享受民脂民膏榨出來的錢，逃之夭夭，消遙快活。中國人不用說，到時香港人便抱著那堆起了沒人用的鐵路建設跟中國殖民殺個你死我活吧。

一個已發展城市的發展有限，該到下一步﹣維持及運作發展了的城市，maintenance and running，不是再夾硬去發展什麼。香港人很易騙，競爭大怕執輸，讓本來有的優勢被中國謊言蓋過香港原有的種種，之前講過，香港在國際很多組織（尤其金融）有成員地立，中國反而沒有，大陸貪官是靠香港把黑錢送到國外﹣如果說英國沒有拿香港著數是騙人的，然而總體來說，英國即使當香港是一隻母牛，也只是養著來揸牛奶；但大陸中共對香港，則是當香港是豬，先養肥後宰割，或者更貼切是像內地早前的鐵籠困著養住不能移動，身上開洞被天天抽取熊膽汁的黑熊一樣。

香港現在是要守，守得住就有得進，否則被他們任意拿錢做不實際的事誤導，就正式玩完。

＝＝＝＝＝＝
不要屏風樓﹣ 因為香港己太多屏風樓影響空氣質素；
不要填海造地、不要破壞郊野，因為生態破壞到一個地步，要保存剩下的生態得停手；
不影響鄉郊生活, 是因為香港城市已是石屎森林，只能保育鄉郊才不致生態完全失衡，而且新界北部是香港的自然綠色城牆；
不要市區人滿之患, 香港七百萬人已多到超標，本土意識抬頭，不要再無止境地增加陸客。

【二次創作德國牧師的話】
最初他們清拆皇后碼頭，因為我不搭船，我沒有作聲。
之後他們清拆菜園村，因為我不是村民，我也沒有作聲。
然後他們把東北割地賣港，我不住在東北，我也沒有理會。
到他們把全香港侵佔讓中國人來居住，已沒有人幫我發聲了。

旅遊雜記

好耐無去旅行, 亦好耐無post旅行blog
今日攞返啲相出唻睇, 睇到好開心~~~
不如分享下啲開心啦~ =D


人生最難忘既旅行
第一係澳洲, 第二...第二己經唔識排了!
但埃及絕對係第二名其中之一!
佢令我返到香港後, 仍然好熱情地去了解佢geh歷史! (睇咗好多discovery channel~!)
非常有魅力, 好吸引, 亦係我第一次差啲中署geh地方!

好鍾意Abu Simbel
因為背後故事很震撼~

叔叔好好人, 我地買左好多沙畫樽
喺hurghada呢度, 仲出現咗一幕我以前發夢夢過既畫面
所以...我唻埃及係一早注定咗! LOL

 

 

台中清境
比我預期靚好多
空氣勁好, 連蘋果皮都係又脆又甜!
住喺度想病都難
去台中又平又近又方便...
平平地, 每年夏天墾丁, 冬天清境
己經好足夠!

 

地震紀念館
我第一次見到呢啲畫面咋!



紐西蘭 - 南島
時間關係, 無去到北島...
今次係我人生中最忙...忙到無心情enjoy geh一個trip
last day可以返香港, 我真係好開心...
我仲同自己講, 10年內都唔會再去NZ
但過左2個月, 睇返啲相, NZ真係好靚
我己經好想再去了...希望用一個享受既心情去遊覽!

個肺唔叻, 行冰川真係好痛苦
不過我見我個朋友無病無痛都嗌辛苦...
仲問我想唔想再行, 如果掉頭就叫埋佢........................
呢刻我先發現, 自己如果無病, 身體應該係非常好!

鍾意動物geh我, 好好彩喺冰川見到Kea!
佢天性貪玩, 見到我地仲主動彈下彈下去接近我地
見我地淨係傻笑同影相, 佢又彈走了~ 都唔驚人geh!

攪到我咁忙既原因
就係要揸caravan!
全程得我一個人揸...遊大半個南島
架車愈揸愈多問題, 暖氣又short short地...
socket無電, 沖涼無熱水, 微波爐唔著...等等...
搵到holiday park落腳之後又要忙於清理...叉電...
基本上, 除咗唔洗我煮飯, 其他乜都係我做!
有一晚揸咗6個鐘, 原本好鍾意揸車都揸到我驚!
T^T

但下次仍然想租caravan
其實真係好好玩, 只要架車無問題...而又有人可以分擔...



大阪
計劃係睇櫻花但變咗睇梅花...

 

大阪環球影城係我暫時玩過最靚最好玩geh遊樂場...

瞓咗幾次呢啲膠囊, 除左唔隔聲同埋床褥薄, 都幾好住~~~
房租平, 位置方便~
但而家我咁咳, 就唔住喇...嘈死人咩~~~

 

東京
叮噹博物館
估唔到間餐廳咁好味!!!
我呢個係兒童餐~ LOL

** 姆明係唔關事~ 只不過都係東京, 一間主題餐廳, 都幾好味

 

快啲好返...仲有好多地方想去呢呢呢呢呢呢~~~~~~~~~~~~~~~~~~ =D