轉貼 (粉嶺尋貓): 細細粒走失左啦

貓貓走失了

走失地點: 粉嶺圍

時間: 2009年1月8日早上

年齡:大約兩個月多左右

特徵: 頸上掛有噹噹  (如果未甩的話)

好辛苦先可以幫貓貓rehome, 但係無奈佢可能唔慣新環境走左去

希望果一帶既義工見到可以幫手留意下啦, 唉

 

細細粒係媽咪響街執返黎既貓BB

仲記得媽咪話我知, 見到佢響街度比好多細路拎左佢黎玩

玩下又掉下...之後媽咪就拎左佢返黎屋企啦

岩岩返黎, 佢行路都未算好穩陣, 可能始終仲細個

經過左幾星期之後, 佢由只係飲奶, 已經自己學識左食糧

由未行得穩, 已經學識到跑到快到我地都捉佢唔到

所有既過程, 都係我同媽咪既心血呢

 

到左一個岩既時候, 我都開始幫佢搵新主人

揀左好耐, 去到新主人屋企, 因為人地屋企既貓貓唔鐘意佢, 又彈返返黎

之後又搵到一個人要, 點知....

可能新環境佢唔慣, 佢又細膽

新主人一時大意開左門, 就發生左走貓事件

而家都唔知去邊搵返佢

聽到哩件事之後, 真係好唔開心

我用左好多時間, 心機, 先安頓好佢, 令到佢唔洗做流浪貓

但到頭黎原來都係白費心機

真係好希望可以搵得返佢

佢仲細, 仲要響粉嶺圍唔見, 果邊有好多狗

真係好擔心佢比狗追

而家天氣又凍, 總之就.....唉