青蛙家族又添新成員!

17 March 2007
和民一家晚飯~

 當日的午飯~~

***********
18 March 2007

 又有全身合照喇Yeah!!!!

 我送的~

十六的走散親兄弟...相襯的膚色、相襯的小眼睛、相襯的血口 + 潔白牙齒~

 小六學生相, 十六影的~ 記得影時, 忍不住笑了...= ="

 青蛙家族終於曝光!! 介紹一下~
前排左右兩隻就係新成員喇~~~ 十六送的~

後排右邊個隻係家姐前兩日送的~
後排左邊係日本醫院陪住我的~家姐佢地係日本買
前中間係上年媽咪生日, 家姐買比我的~ (我生日咩? XDD)

自從keroro...便迷上青蛙...應該說是"綠色野"吧...XDDD

********
當晚
在家樓下傾計...傾到二點半...
唉...愛情是令我最惱人的事...

兩口子整焦糖燉蛋...超失敗!

十六陪我返鋪頭攞返隻杯, 因為今日鋪頭last day...但我無時間留落影下相呢...
去左citysuper, 諗住買啲工具今晚整甜品, 但又覺得太貴...所以去左食飯先...

唔肯定apm jusco係咪收十一, 但都要撞下...
仲有十五分鐘...即刻飛去!!
買左奶同cream, 但無火熗...= ="

最攪笑既事發生喇...
(記住我地兩個都係第一次整甜品...同埋係唔識煑飯加!!)
我上網睇食譜, 十六係廚房戒備
我記住個食譜...

砂糖: 30克
奶: 150 ml
cream: 150 ml

然後衝入廚房報告一次比十六聽...
內容不由自主被改左少少...變左做...

砂糖: 150 ml

@@"

十六無懷疑我
照落...落左三十茶匙...
其實落到中段都開始覺得唔妥...= =
因為只有大半碗奶, 但糖就落左半碗...
我突然靈光一閃!!!
我大笑...十六亦估到我笑乜喇..."係咪記錯左份量呢...鄧小琳..."
我衝返入房睇下...
唉...真係笑大人個咀呀...
最後梗係要倒左啲糖啦...唉...

到落cream, 我都係再入房睇多次...唉...老人痴呆呀...
十六叫我隨意咁落, 我就真係好隨意咁 "fi" 一聲咁唧左勁多~
佢即刻叫停我..."嘩哈哈~你真係好隨意喎!!!"
唉...又係笑死...

食譜話steam佢三十至四十分鐘, 我地就steam二十五分鐘 (兩條友仔完全唔跟食譜!!!

)
但出到唻既效果...應該 steam 到過哂龍...
再試下味...
梗本就係 "蒸水蛋"一碗!!!
仲要係味道不好個隻...= ="

由於無火熗, 白痴仔話用火機
燒到手指都未燒焦啲砂糖...
最後係砂糖放面就算

雖然唔好食
但過程開心咪得囉~ 

係蒸個二十五分鐘內
白痴仔十六係度彈結他 + 唱歌...
唔知佢係彈比我聽定自我陶醉
但我都比足面聽哂咁多首...
因為自學, 佢彈得唔叻, 亦都唱得超難聽
但那奪命的可愛...絕對是有的...>v<

 

波子生日照片後補

  見到你地我好開心呀~好鐘意你地~
 我也好鐘意你ar Burn~
 亦都好鐘意你呀賣~

*******************

昨晚十一點幾, 十六收工, 又唻左接我陪我去散步, 為左我化療後可以快啲恢復體力投入運動...佢希望可以迫到我每一日都行下郁下...

 無理由無你份~我最鐘意你啦十六~~~
 右邊個呀叔好似...咩呀....@@"
 我...瘦到成條柴咁...

今日覆診, 抽血又賴野...= =&quot;

報告結果幾好~ 打左三支針後
癌指數由原來 320 跌到 104
希望再唻埋個三支
可以跌到落正常水平的 21 吧 ~!!!!

見完醫生, 高高興興走去book第四支針的時間
然後又開開心心的走左去搭小巴走人
架車去到西環收到醫院電話

張醫生: 鄧堡焮 你去左邊度呀?
我: 走左喇~
張醫生: 你未抽血呀!
我: @@" 吓?!!?!??! 係喎!! 唔記得左tim!!!

唉...我同家姐兩個一齊唔記得...
真係記性白痴...
最後呢兩個白痴就搭返原來的小巴返返上QM...
感覺好無聊...

blog友們仲記得我上一次覆診
比個醫生抽血抽到瘀哂嗎??
我今朝一唻到, 已經好醒咁望入抽血房睇下係咪又係佢
望左兩次都唔見, 心想, 可以放心了

點知我一上到去
真係想講粗口呀...
又係張醫生...就係頭先打唻個位...
我今次實在忍不住要公開她的名字....張嘉琳!!!
我一見到佢已經汗顏...
上次比佢抽個隻左手都仲未散瘀...唉...
今次比右手佢
我同佢講上次點點點, 今次左手點點點, 叫佢小心啲
佢話: ok ~我會小心加喇~

佢今次無用"飛機仔" (有冇人唔知係咩?)
用直接換tube個隻
即是話, 換tube時, 一唔小心就會郁到個針口
我係要抽 4 tubes的
去到第 3 tubes
佢真係夠胆死同我 "扇"手 !!!
支針打橫咁撞左出唻!!!
一大泡血立即湧出!!!
大概有一湯匙...
驚到我眼都凸埋...
抽咁多次血從未見過有人手勢差到咁!!!
我真係忍唔住問佢 : 呀醫生, 你係咪唔係成日幫人抽血加呢...
佢厚住面皮答我 : 唔係呀...我抽過好多次加喇...而家呢個情況都係第一次...
唔該哂喎...我都唔係第一次賴你野啦...你想講 "今日第一次" 咋下話?!

按左好耐先止到血...針口又瘀鬼哂...
無計啦...咁要拮左手...瘀哂都要拮...陰公...
佢用返 "飛機仔" 喇...就算 "扇" 手都唔會郁到針口...
但左手又無血出...佢又攞支針 左了右插 咁...
我驚到面青, 立即喝停!!!
我話你咪再了喇...無血出加喇...你不如試下share個兩支血做四支啦....我無咩位可以比你再抽...

佢試左, 但啲血已經 "瓊瓊" 地, 抽唔出...
所以...要係右手再抽過...
我不停叫佢放鬆不要緊張慢慢來...
終於都成功了...

我立即同自己發誓
我唔會再比佢抽我血!
以後每次我都會要求第二個唻抽!
我兩隻手再咁攪法真係無位比人抽加喇大姐!!!

一行出呢個門口, 我即問家姐 : 啲醫生掉左病房之後, 通常做幾耐先再掉走?
(因為張嘉琳唻左呢個病房做個幾月左右)
家姐立即爆笑答到 :   ....一年

= ="

中學朋友

昨日係好朋友兼愛人 波子 的生日
因體力不繼...沒有出席她的海洋公園之旅
只出現了和民的飯局
在巴士上, 我有點透不過氣呢...很可怕...

今晚大部份都是中學同學
他們人品及心地全都超好
我超喜歡他們!!
跟他們相處, 有種安全感

全晚都沒有影太多相
直到我早走
Burn嚷著要跟我合照...
ar Burn你真係超得意~XDD
跟住係呀賣同Johnson
你地真係超好超好~

回到家
跟小齊MSN
可能太耐無見了~
今日飯局中的一見, 真是嚇了一跳...
互說, 今晚其實大家都好想傾傾計但最後都沒有...haha~

波子打唻
原來佢地飯後去了食糖水
寸Johnson做咩攞手機出唻影...
有相機又唔用...
變到好似fans咁...
笑死我~

見到中學同學感到特別開心
因為我對健康既自己已經好模糊
是他們提醒了我
我曾經是如此健康自在

所以嘛...他們真是令我又開心又心酸呢...

回應_草根

有很多東西想說, 在這回應吧~

哎吔...大家...我不是說清楚了, 我沒有比較呀~只是我是一個懂得自省的人, 發覺有不足, 就會唔開心...我也知道各人都各自有優點, 不能比較, 但我唔可以因為自己有某一方面比他人優勝就覺得足夠。

我一直都很努力去改變自己, 成為一個有思想, 令人喜歡的人, 學習他人優點 (特別性格上) 一直是我常做的事, 可能曾經被一位我很重視的人罵我 "無腦" 吧...我真的很傷心...我跟自己說, 我一定要跟他的思想看齊!!! 甚至超越!!!

我認為 "技能" 不等同 "內涵", 有些人擁有很多技能便自以為有內涵, 在人前擺款!! 著實令人討厭! 我很看不起他們!!
我永遠也不要當上這種人!!

其實我也不是太懶惰...只是我不太願花時間在 學習技能 上...我寧可花時間看看書...學多些道理...看他人的自傳/雜誌上的訪問, 但絕不是看明星訪問...也會看看歷史...

也許...看這些書便成為我學習其他東西的一大障礙..............
舉例昨晚, 本想看看學日文的書及VCD, 但最後卻走了去看康熙...= ="

看來...我真的要迫自己去學些東西了...
第一樣要做的
應該是學煮飯吧!!!
因為十六說, 想吃我親手煮的呢...
哎...咁大個女都沒有好好煮過一餐...
難度真是有十級呀!!!
不知道對十六來說, 是福還是禍了...

草根

今天沒什麼事發生
只是覺得自己很蠢
我不會跟別人比較
但每當看到一些人/事後
便會發覺自己原來有著很多不足
然後就有自卑感

"一山還有一山高"

永遠是自我安慰的說話
但其實也是懶惰的借口

我只是山腳下的一根小草....
....再低一點的草根罷了....

唉...十六...我說中了我自己呢...
雖然... "草根" 就是你喜歡我的其中一個原因...