零耐性

零耐性的我
耐性已跌到負數...

最近很想找個很靜的地方
自己一個人坐坐...看看書...

最好電話不要響
因為我不想說話
也不想聽人說話

只有在我一個人獨處的時候
我的壞心情才不會傷害到人

 

 

十大...你快啲唻觀塘開分店啦...

朋友的貓貓
很乖很可愛 ~ 任摸唔嬲 ~
但你實在太肥喇...哈哈~
訓覺打鼻鼾囉!!!

FYK師生Dinner

等左呢日好耐喇!!
終於都攪到 "FYK師生Dinner"!!!
雖然好可惜好多人都唻唔到
不過都好開心!!
好快我地又會再攪加喇!!

上面既係我既至愛 程Sir!
係我就走既時候佢做左副校
走左之後就做埋校長~
不過而家退左休lu~
好好好鐘意佢!!
因為佢勁好人!
又玩得又講得笑!!!
仲要係做梗副校既時候已經可以喎!!!
哈哈~好得意!!!
你睇我捉得佢幾實!!!
因為Chorman要同我爭程Sir呀!!!
XDDDDDDDDDDDD

李Sir應該無教過我 (但佢話有...), 我今日先知原來你講野都幾好笑~haha!!!

Wow~ Au Yeung Sir你啲鬍鬚好有型~ hahaa!!

左邊 Miss Cheung係我Form 4,5 班主任~ 又係好鐘意佢
(多謝你份Gift~ 還有沒有出席的Miss Chan)
右邊 Miss Wei 無教過我, 但發現原來你係好好傾~ 呵呵~~~

教Music既Miss Chan~ 多謝你送我的CD ^ v ^

*****

好攪笑...
埋哂單...老師走哂之後...

個個都嗌 "唔夠飽!! 好肚餓!!"
wakakkkakkaaa!!!
結果上左Cafe再食再玩
唉又玩到咁夜tim...
對住你地真係命都短幾年!!! 哈~

Wendy個樣好迷...哈哈~

** FYK同學注意!! 有人約到Miss Ip (B班) 四月食飯!!! 大家準備喇!!!

吳x暉

吳 X 暉
多謝你

德褔廣場的公仔

我們拖住了~

為了要和 XO 合照, 勉強地也跟討厭的 Hello咪咪一起拍...
Hello咪咪...妳不要再靠那麼近啦... ( .___. )

XO ~ 你真是可愛死了~

馬場跑步

雖然係好暈...
不過我尋晚都迫自己去跑步

跑前跑後都暈
跑時就唔暈  ...奇怪

捉左Herman陪我去馬場跑
跑左大半個圈咋...

下定決心一星期跑兩次!!
聽到未呀Herman Liu!? kekee...

(跑步真係好舒服加~ 健康既你地都要跑呀知無?!)

 

不過唔知係咪跑完步
尋晚訓覺個肺又勁痛
無論點轉身, 個肺都好似比野扯住
唉...快啲好返啦!!!

自覺好無用

而家又暈又嘔...

我估...

肺炎未好返?
昨晚係24小時wellcome買啲包唔乾淨?
中/西藥副作用?

唉我真係好無用...
成日都唔舒服.....................

與小珊hea的一天

今日同小珊hea左一日
去左鰂魚涌公園練左陣太極
係蘇豪東食lunch
搭船仔過鯉魚門哂太陽吹水
再搭返船仔去佢屋企
我就訓著左...佢就唔知係度做乜...
哈哈~

原來我訓著左係會微笑...好驚呀...
以前都有聽人講過, 今次小珊偷偷地影埋相...
我信喇...我估我可能發梗 "甜夢" !!!

 << 無聊, 扮驚...

之後興之所致想去唱k就唱k...

雖然Red Box啲野唔好食
但多好多歌唱喎!!!
唱極都唔完!!!
唔洗旨意我再去CEO!!

我地個樣勁可憐...
(嗚...無人同我地玩呀...)

開始喜歡太極了

學太極有進步了!

雖然不是 "師父" 說的話
不過我真的自覺進步嘛!! 哈哈~

之前都學得很慢...
要 "師父" 做很多次才跟得上...
(他是個 "零耐性" 的人哦!! haha~)
但今天, 他說了一兩次我已經跟上了!!!
而且我感到我的 "氣" 強了很多!!

好有滿足感呀!!!
"師父"!!! 你要比心機教我呀!! 唔好放棄我呢個劣徒!!!

( 次次聽到你讚我 "hm...much better na..." "呢個打得好~" "hm...good..."
我都好好好開心加!! )

***
 
夜晚去左 "扭蛋Show"
無野睇囉...又唔係特別平...
去旺角睇好過...

訓屎左既貓貓~~

發生啲咁既事
咁我不如講下我啲辛苦野啦

之前肺膜炎係好返少少, 無咁痛
不過我上半部份成個背都好痛
吸氣深啲, 笑得勁啲都會痛
訓覺晚晚都訓得唔好
又唔知做乜日日九點就會醒
(呢啲我無理由日日都講一次吧...)

昨日開始飲中藥
今日個頭又痛又暈
食晚飯時仲有啲想嘔...
不過因為去左姨媽屋企食
唔好意思嘔...我頂住了...哈哈~

估計係啲中藥未適應吧...

***

我之前有打算搵part time做
不過打消了, 並唔係因為我身體支持唔住
而係我會變左經常請假, 會煩到人
既然我唔係等錢開飯
大家都唔太agree我返工
因為我一返工又會有機會唔開心
最重要係唔記得食藥...
飲中藥又早晚一碗, 時間夾唔到
...好多因素

(當然如果唔好彩我係經濟支柱, 我就會頂硬上!!)

***

以下的貓貓會讓大家笑得很甜的~ Enjoy

好似隻貓仔咁
訓到傻更更
訓醒又乜都唔記得啦~

這個日記開始不屬於我

我只會刪除在我日記賣廣告的留言
其他的, 你們喜歡說什麼也可以

我愈來愈不喜歡用這個日記了
因為有屋企人在看
也有太多人在看

唔開心的事
大部份我都寫到我的私人日記去了
這裡剩下的
就只有我跟朋友開心的事

我和家人的事
你們可以給意見
但不應該用鬧吧?
畢竟你們看到的就只有這麼一篇日誌
每一天對著我家人的人是我

我不會恨我的家人
但我明白到屋企人唔一定夾
我煩厭的, 是每次也不問清楚便先向我發火
我明明沒有做錯事, 為什麼要被鬧了?

其他的事我不說
我把昨晚的情況清楚說一次
我回到家, 把東西放到地上
當時只有家姐未訓
我跟家姐說東西是朋友的, 看時要小心
爸媽都睡了
我去toilet
一出廁所門, 媽咪原來起左身
見到我第一句就鬧 "又買咁多野返唻?!"
同時聽到家姐對媽咪講 "哎吔都叫左你唔好問咯"
我亦忟憎地答 "唔係我加!"

事情就是這樣
我亦沒有修飾我的說話部份

間唔中一次, 可以接受
日日都係咁, 是否出問題了?

 

有時候我會幫屋企執好多野出唻掉
我一邊揀啲野出唻, 媽咪一邊逐件逐件問我 "呢件做咩要掉呀?"
我要逐件逐件解釋掉的原因
我掉衫, 佢又話呢件仲可以著, 又話呢件係名牌...
媽咪...啲衫十年無郁過...
就算係名牌...但有個 "枕頭" 係膊頭, 點著?

大家都知道呀媽多數都係煩
我都知
我都只係係我既日記裡面 "sun" 下
大家唔鐘意見到
我咪唔寫

仲有之前有個叫 "BB" 既Blog 友
你用私人回應鬧我
話我扮可憐, 發明星夢, 想入TVB做明星等

1) 我做任何訪問及返電台都無錢, 我只係想留多啲回憶
2) 乜你覺得我呢一個粗魯, 有時會講粗口既女仔做到明星咩?
3) 如果我想做明星, 我做乜唔日日化行粧? 做乜唔著到成隻雀咁?

我做錯乜野?
-我只係寫下日記, 日記上左人氣榜唔係我控制
-訪問係人地搵我做, 唔係我自己求返唻
-電台主持係因為人地有個主持走左, 急需人先搵我
 -TVB offer part time job(未開始) 比我, 都只係想幫我, 等我搵少少錢唔洗做寄生蟲
 -TVB 想我的part time job用video形式, 但我說我不想上鏡, 用文字得唔得, 但佢地話咁用相既形式, 再加少少video, 無咁悶。一人退一步, 所以我ok 了, 人地幫我, 我總不能話哂事

有無人睇到呢度覺得我寸?
我只係講事實, 我唔係講大話
我一早預左會有人唔鐘意我
我keep到咁耐先有呢種人出現我已經好滿足

 

這裡一開始運作
我什麼都會寫
什至連粗口也有出現
現在我已經不敢了

因為這裡一早已不只屬於我

Dr. Mok曾經跟我說 " 活在公眾眼睛下是有壓力的 "
我當時還答 " 不會啦~ 我不會受人影響的 "
有人生經驗的人, 說的話總不會錯。

機動警察figure

 好型!!!

  去死啦 Herman Liu!!! XD

好好好好....好耐無去旺角睇公仔
今日行左成日...攰爆...

我淨係買左隻 "機動警察" figure
其實最想買係 "魔動王" figure囉...不過度度都賣哂 lu...

Herman就買左一set叮噹月刊
好鬼靚加! 不過我無影到相

仲未死?! 等我再補多槍!!

*****

唉返到屋企
呀媽見到我買咁多野返唻...(因為herman啲書放哂係我度...三大袋!)
就用勁差語氣話我 "又買咁多野返屋企?!"
跟住又話 "見到屋企咁多野就煩呀!"

咁屋企又唔係大
住成4個人
你又成日唔捨得掉啲野
屋企多野都好正常
我見到啲衫都覺煩
一大堆衫十年無著過又唔掉
成日話 "廢事有一日想著又搵唔到"
但係你次次都係著個幾件囉...=_=

點解你次次都係咁? 你唔可以先問一下 "你買加?"
或者語氣好少少, 問 "做咩買咁多野呀?"

獲獲都係咁, 我個人真係好 "著"...
開開心心買玩具返到屋企...灰哂...