懷舊玩具

* 看到大家都問在哪裡買, 我就在此說吧~
我住的舊村是沙田隆亨村
鋪頭在隆亨商場內, 中國銀行隔離~

*****

今日又去左以前住既屋村
係個度開左廿幾年以上既文具/玩具鋪大搜購!
買左三百幾蚊兒時舊玩具!!!

呢舊彩虹野我細個好好好鐘意玩加!

呢個無玩過, 但佢盒面個女人同埋右邊第二件衫真係好驚嚇

呢個正!老翻勁舊大富翁!
仲係八合一 大 拍檔
即係八個game一盒齊哂! 哈哈~

好多錯字囉...

又唻老翻芭比
廿蚊個公仔加兩件衫
另外八蚊一條靚裙
抵到喊!

個樣都唔差喎!!!

我至愛既絕版 布 甸 狗 !!!
無論係咩貨都好, 比我見到佢我有錢實買!!!

懷舊貼紙 + 舊款筆盒

有當年既 " LuLu", 大家稱為 "狗男女" 既一男一女公仔
個隻唔知咩名既 貓頭鷹
等等....

右邊個 BB擦膠我有用過加~

一條女 加 一條仔 加 一條狗
thats why當年會叫佢地做 狗男女....
哈哈~

 

題外話
今晚突然被呢個咁靚既月色嚇倒!!
可惜無靚相機....真係勁可惜!