體驗到何謂苦盡甘來

今天覆診，我又如常遲到
一路行到巴士站，睡魔一直在拖我的後腿...
所以我打了電話到醫院，問姑娘

"報告出左未呢?如果未出我想唔唻覆診...(我好眼瞓...)"

"但你聽日有化療期喎!你都要返唻抽血!"

我答 "唔係...如果報告唔好，咁我就唔打嘛，因為好貴"

"哦.........喂我岩岩見到李醫生!你等我一陣我幫你問下!" 電話便掛了

我其實己在等巴士，心想巴士不要來不要來...(車費很貴，能省便省!)
不久巴士在我眼眶邊進入，電話响了~

"醫生叫你快啲返唻呀! 仲要抽血tim呀!"

 

這句說話，己經暗示結果了

我剛好趕上那架巴士
在車上，眼濕濕
只告訴了姐姐
還未敢告訴父母，怕一場歡喜嘛...
因為連我也怕只是自己一廂情願

 

覆診遲到，又比姑娘炳
到見醫生，佢話我"沙pot"，覆診都唔唻
(唉...唻左差唔多6年...避得都想避啦...等你咁耐，如果聽到你一句"未有報告"，咁又有咩意義...)

 

開始宣判
拿了我的file比較
"先開你上次 (4月) 的看看...(逐頁看逐粒數) 嗱...計埋大概有7,8粒係肉眼見到，最大一粒有 2.5 x 2.2 cm...報告話呢粒己經縮到得返 2.5 x 1.5cm...再比較新那張..."
我當入面有40張肺部橫切面的掃瞄，至少有7成圖片是可看到大小不一的腫瘤

...看了很多張也未有發現...直到最後一張也沒有...但要找最大那粒呀~ 回頭再找便看到了，它己變得很淡和很小，而其他的相信己細得肉眼看不見!

6年了，真真正正第一次聽到如此美好的報告!
苦盡甘來，三衰六旺，有起有跌...什麼跟什麼
一下子完全體驗得到!

"我地會想你繼續打埋餘下兩支，再照一次，到時再睇下點~" 醫生說

"好~無問題!"

終於可以打比爸爸媽媽了!

最近都對很多事抱了期望
例如看戲，吃飯，到景點
結果都失望而回

今天，我了解不抱期望的好處
就是獲得了驚喜與喜悅

希望我這個"甘"是"大獲甘"啦! 哈!!

 

終點在哪...?

看到好友的msn名字
我也好奇問自己 "終點在哪" 呢...

好累...好想停下來
捱過一刀, 又一刀
一針又一針
雖然傷口都結疤了
但心理上的傷口一直在努力癒合
還未來得及結疤又再被破開

這針 (第二針) 的副作用過得較慢
今天第五天了...胃壁沒有一秒好過
要躺下才比較好一點...
但要我睡24小時一點也不感幸福...

電視不想看, 書也不想看
頭很暈呀...我除了坐和躺還可以幹什麼?!

味覺也很淡
不停找味濃的食物放進口
汽水雪糕什麼甜品...也不夠...

身體不適令我不想開口說話
在家好像廢人...但廢人也叫有存在
我覺得自己根本不存在
感到身邊所有人都小看我...討厭我了...
我說的每一個字也沒有內涵
面上沒表情...
心情好苦哦........

朋友叫我翻看以前大家開心的照片
雖然有用, 但原來最近大家的照片都不開心了

突然在想些不應該想的
就是，如果沒有病的我
現在是怎樣呢...

應該生活過得不錯吧
讀書也好, 工作也好, 應該也不賴
閒時做些part time
儲夠錢又去旅行拍拍照
爽呀....

最重要是，爸媽應該可以退休了...
可以去旅行了...
要不是我，他們早就可享福
我實在太多餘

除了我
身邊很多人最近都過得不好
是什麼 "運" 呢?

有病友的肺腫瘤己經消失了, 保險針也快打完, 以為可以;過正常生活...
卻突然生多了一粒新的! 要做手術! 耍人麼?!

錢快要還完了卻突然又多了一筆錢要負...

生活過得平穩的, 卻突然有癌症...又失業...

我領養的狗 GoGo 前幾天也過身了...

我家的龜的腳腫了

倉鼠牠也很沒精神

想去踩單車運動一下又遇著打風

還有別人的, 我都不想說了...

 

大家的苦...快點過啦...
腦子會被折磨壞掉的...

報告

一大早搭車去醫院聽報告
巴士上小巴上...
停不了幻想聽到好消息後的反應? 壞消息後的反應?

又喊又笑的...=_=
心情勁複雜

結果...

報告係.....

壞消息..........

腫瘤多左好多小的
原本有三粒比較大的
現在最大的己去到 2.5cm
半年前就差唔多2cm

原本都唔嚴重
我仲想話比多少少時間我飲中藥
但其中一粒大粒的非常接近氣管
如果破壞到小血管我會咳血
大血管的話我便內出血...致命哦..
醫生連半年時間都唔比我試呢...

所以...到世界各地當義工的事要放到一邊了...
因為不想有一天會在外地內出血...again...

接受化療還是標杷呢?
應該會先試化療吧...雖然己經是第三次了........
但今次只針對肺腫瘤

聽過解說，這種藥好像比較"舒服"
副作用會很少呢
而且只需要吊十五分鐘藥

(向好處想! 向好處想!)

我想生存!

上年做化療的藥
對我肺內的癌細胞起不了作用
而那種藥已經是所有藥之中對我成效最高的一種
而標杷治療方面
因為我的細胞不普遍
所以也未知有沒有標杷藥
可能未發展到嘛
但莫醫生說會幫我找一找

至於化療藥
唯有嘗試其他次選的
成效雖然比起我試過的那種低
但世界是有奇積的嘛!
說不定我會是那少數康復者中之一!!!

我還決定了
西醫已經幫不了我太多
我便要自己幫自己
我會做運動! 做氣功! 食中藥! 食天然食品! 早睡早起! 日日都要活得開心!

莫醫生說
你現在才23歲, 即使我說我可以幫你爭取多二十年, 四十年
你也會答 "才二十/ 四十年 咋?!"
無論我說給你多少你也會 "....咋?!"
對呢...我真希望我能活到八十歲


既然是有希望
即使再少, 也要嘗試
因為我想生存!!!

 

 

2008年1月10日出院了~

我出左院喇各住Babessss~!!

今次整體上各方面都比起上次好很多!

溫醫生手勢好啦~ (傷口唔係好痛咋!)
康復速度快好多~ (第三日我已經可以打人喇!哈哈~)
痛既程度低好多啦~ (啲止痛藥好掂呀!)
住院日子短好多啦~ (4日咋!)
啦啦啦啦~~~~

雖然我之前話北院啲姑娘好差
不過住落又唔係喎~
啲姑娘都好好呀~＾v ＾
係就係無乜笑容
但係做到野就係好姑娘啦！

***
第一日

大姐和十六陪我在醫院等
原本十一點做, 但等到兩點幾先到我...
大姐一早走了, 因為要上班, 剩下十六一人
他陪我到手術室門口
當時我躺在床上, 一直望著十六直到看不到為止
我已經淚流滿面了...

麻師為我打麻醉針
我一直對這位麻師印象不好
因為她化很濃的妝
手術前我問她問題她也對答得不好
點知真係好衰唔衰
佢幫我打針時, 拮到我超痛!
拮左兩次都唔得! 仲要話係我郁左!
我個時已經喊得好慘了!!!
最後換了另一位姑娘為我打, 一打就可以了...哼!!!
到我醒返我發覺我隻手瘀哂!!!

第二日

好夜先落床坐呢
都唔洗人扶都落到床, 哈哈~
仲周圍行tim~
不過最差係啲止痛藥
因為太勁了, 所以side effect都好多
攪到我好暈同埋胃痛...會嘔
根本都食唔到野

第三日

又係周圍行下咁啦
抆埋條膠喉
最痛都係抆左之後要扯返實條線...
呢晚都仲係食唔到野
會嘔返哂出唻

第四日

最無聊今日
全日坐係床度睇碟
係姐姐送比我既 <<金枝慾孽>>, hehee~
因為姑娘一早同我講左我今日應該出得院
所以我都好淡定
五點醫生先唻宣佈呢...
佢話我傷口都埋得幾好喎
仲食得返野tim~因為我減少左一次藥嘛~
不過我返到屋企後發現傷口附近多左個 大水泡
原來係搣膠紙時做成..好肉酸呢~

****

嘩我真係誇張呢~
每一日都勁多人唻探我
第三日個日有成十幾人
哈哈~辛苦哂大家啦!!!

2008年1月7日_第6次手術

唔...今天收到威院電話了
安排了1月7日在北區醫院動肺手術
這次是左邊肺

即是說..."葛量洪篇" 要再上演多一次...
再過多一個月, 又再上演一次...
希望會是最後一次吧...

今天在QM看到幾位熟口面的病友
她們都說 "可以有得做手術好過無丫~ 我想做醫生都唔比呀..."

對呢...我比她們都幸運
有得做, 即是有得救!
我不好好珍惜這個機會
實在太對不起其他病友了!!!

好好享受餘下的10天!
昨天跟16行山跑步
今天看醫生後又行了一下山...及在山上睡午覺...很寫意~~~
明天看中醫...中午電台訪問...星期六到診所工作 last day
星期日跟16去camp, 31晚跟朋友玩天光 ~
暫時計劃將到Macau 2 日1夜
1月4日入北區醫院作準備
我會帶備很多很多消遣品!!!

希望每一天都過得精彩 !!!

最緊要健康 - 莫醫生

大家對莫醫生有印象嗎?
他是一位很時髦的醫生主持
主診的是 肺科腫瘤

一齊皆是緣
因TVB的訪問, 認識到節目的負責人 凱琪
凱琪因 "最醫要健康" 而認識莫醫生
現在, 凱琪成為中間人, 介紹我給莫醫生

今早, 我坐他們的車到威爾斯醫院
不用多等, 便得到莫醫生友善的對待
耐性地翻看我那復雜的病歷
間中會問我一些很簡單的問題
答對後, 會讚我 "Smart Girl!!!"

當醫生的, 不單單是一位醫生
還要充當心理醫生, 顧及病人心情
適當的稱讚, 令我感覺跟他更近
心裡的說話更容易說出

莫醫生很有耐性地給我看我那些掃瞄光片
把六月的肺跟十一月的比較
看到那一點腫瘤變大了一倍
親眼看到的畫面遠比聽到的說話/ 讀到的文字 更震撼
原來...大得那麼快...
此時,  我的心是多麼的怕
"我肺內又再長出小魔怪了!"

*****

莫醫生給我的意見是

"不用抽組織, 直接做手術把肺內的粒粒抽出吧, 它們都已經變大了, 根本沒有需要再抽。把大的挖出來, 因為化療力量不足夠把它們殺死! 而小的, 看不見的, 便再做化療打死它!"

我問 "那如果還有一點點殺不掉, 那我豈不是要再做...如果這樣我的生命可以變長, 但一生人也要反覆做手術化療...我寧可什麼也不做...平淡的過餘生..." 我已經開始哭了...

"我明白你說什麼, 寧可把時間拿來玩總比受苦好, 但你還年青, 手術後只需要辛苦一段短時間, 但可以換來更長的生命, 難度不值得去試嗎?"

我問 "但做肺手術會很痛...這次還要做兩邊..." (因為我兩邊肺也有很明顯腫瘤)

"那要看手勢, 我當然會安排最好的醫生給你, 但如果做私家, 會很貴的..."

我問 "那...照現在情況看...我的病...是不是很差..."

" (笑) 你是不是想問我你還有多少年命?"

我點頭 (我不敢直接問, 是因為我從來沒想過我會有機會問...)

" 那麼, 你可以告訴我, 我又有多少年命嗎?"

我笑笑搖頭

" 就是嘛~ 說不定我明天已經不在, 我每一天都把明天視為我的死期, 那麼我才會好好珍惜今天, 不一定要每天都幹些什麼大事, just do sth meaningful ~!"

對! 這也正正是我現在每天都在做的!
人生苦短, 應盡量嘗試! 把自己的人生變得豐盛!
開心, 就是活著的目的!

 

最後, 莫醫生給我一封給瑪麗的信
內容是, 提議他們不要為我抽組織, 直接動手術
另一樣是
他可以成為我的主診醫生
安排最好的醫生在威爾斯為我動手術

 

瑪麗抽組織的日子 (17/12) 不遠了
要決定...便要快點...

可是...很害怕
我又要躺在床上受苦
又要忍受光頭的自己
工作都剛剛上手, 又要被迫放下
廿年來, 難得爸媽終於願意放假, 在接下來的新年一家去旅行
請父母去旅行是我們三姊妹的願望!  我真的不想因為我而令這事泡湯...
所以剛才跟爸媽說, 無論如何, 有沒有我份兒, 你們也得去!!! 這是我一直最想做的!!
我知道爸媽都喜歡歐洲, 但因為他們的工作關係, 只能放四天假...
只可到青島, 把它們的殖民地建築物當作歐洲...
希望有一天, 可以真真正正帶他們到歐洲吧!!!
這就是我唯一最想做的!!!

(姐姐們, 看到後不用擔心, 我很強的, 哭, 也只是一時之間, 我對這些事其實已經看得很淡, 所以你們不要太激動哦...我們輕鬆的表現, 是直接影響到爸爸媽媽的反應!!! 我最不喜歡就是看到他們為我的病憂心!!! OK?! )

葛量洪篇 part 4 - 5

part 4- 生不如死

第二天早上七點, 姑娘要我落床坐
這些都是手術後必做的事
我怕死了...我連轉身都不行, 到底我要點做先可以落床??
我千想萬想都想不到...

姑娘同一個嬸嬸行埋唻了...而且係一個比我印象粗魯的姑娘...
佢地一人一邊, 撐著我腋下, 一抽起
我又大叫了..........

因為手一拉起, 傷口便扯著...還有傷有附著的膠喉
我好大聲鬧姑娘"好痛呀!唔要呀唔落床呀!! 放手呀!!!!! 放手呀!!!!!!!!!!!!!!!!!"

姑娘便停下, 讓我休息, 以及不停說"你一定要坐加, 你成日訓會肺炎, 到時會仲煩呀...你忍下啦! 係個下痛加啫..."
我一邊喊一邊說" 我知呀...我知我係要坐起身, 但真係好痛...我冇諗過會咁痛加..."

我根本痛到成邊

左邊身都用唔到力...就算我想自己慢慢落床都好困難
最後, 姑娘們又再一次做以上的動作...而我亦一邊慘叫一邊忍著...
坐下後...我就好像嚇呆了般
呆呆的...什麼也不做...
眼淚流乾後...然後睡著了...

我好想係度好好咁形容個種痛, 但真係唔識形容...
或許你們可以試想想, 在一個你千不願萬不想的情況下被迫一定要做某件事
例如, 可以想像自己要被虐殺
你唔想, 但人地要打
你寧願死, 但人地打極你都唔死

對對...就係"生不如死"

住院頭兩三日我都有呢種感覺
痛苦得連哭都不會

但也有開心事發生
就是這間醫院很好, 沒有限時間探病
所以每天都會有人探我陪我
當我可以行走時, 又可以出露台哂太陽
病都會好得快啲~~~

可是身體一直都要向左側, 企唔直
令到其他有關連的肌肉都痛起來了...

抆喉

要抆走條喉喇...大家睇到呢度有冇鄧我好驚好痛呢???
我知道後, 不停問其他病人痛唔痛, 佢地話 "小小啦"
姑娘就話 "唔痛加~"
但醫生一唻到佢就話 "嗱...都幾痛加...要忍一忍...一下加啫..."
我驚到爆!!!

醫生首先用胶剪剪開連住膠喉及傷口的線 (我一直都唔知道有線連住, 拆時亦一眼都冇望過, 我唔想睇到自己身體個 "慘樣"
啲線都好似唔少...亦由於之前問過人話唔太痛, 所以當醫生拆哂啲線, 停左手後我就好開心咁問 "係咪抆左喇??? 好快喎!! 真係唔係好痛咋喎!!!"
但醫生答 "未呀...拆左啲線咋..." (因為個時醫生冇講我知佢攪梗乜, 而我亦只係忍住氣合埋眼咩都唔埋...所以唔知道............."

我即刻好失望啦...然後醫生又話 "嗱我抆喇, 你忍住吸實啖氣唔好叫, 忍住"
佢呢句對白令我更緊張...不過可能因為連落床咁痛苦既事都做過了...
所以今次我更堅強, 真係照住醫生既說話去做, 亦都捱過了...
但邊條粉腸話唔痛加?!!??!?! 勁痛呀!!!!!!!!!!!!!!!!!!
條喉都放得好深呀! 我完完全全感覺到有條好粗既野係我皮下走出唻!!!
仲要有啲一種拔出既聲音!! 勁恐怖囉!!!
但仲未夠呀...醫生仲要幫呢個傷口連返兩針...
嘩.............你話呢個世界上仲有咩係可以嚇到我.........= =

攪掂哂之後, 我望一望, 張床同地下都有血水..........唔怪得醫生同姑娘皺哂眉頭啦...個畫面一定係好核突...

住左一星期就出院, 訓覺都係轉唔到身, 起身亦有困難, 所以買左張可以校角度既墊唻訓, 就好似坐係度訓咁...不過頭一兩個星期又係訓唔到...起床同上床都要用手抆住其他野先做到...什至坐落sofa都係起唔到身...因為用唔到力嘛................情況真係慘到無論..........

part 5 - Report + 肚內大瘤帶比我的痛苦

report出了, 證實是肺癌
左邊肺同右邊肺分別都有幾粒2cm左右的瘤
今次手術抽取了其中一粒
接下來便輪到肚內的"大瘤"
要安定下一次手術了...
因為醫生說, 要知道肺的瘤是什麼才會作下一步行動
如果唔係...都唔會要個肚個瘤等成四個月啦...

知道嗎...肚內的瘤大到好似有左五個月咁
佢令到我訓唔到覺
因為壓住某啲神經線, 我一訓落床, 成個背脊都痛得不得了
要坐起身, 好似以前返學偷訓覺咁扖係枱上訓...天氣又凍...
我差唔多每日都哩埋喊, 因為訓唔到覺但又好想訓真係好辛苦
再加上我又胆心呢...
有時撞正屋企有人又想喊時就最慘, 要忍住...><
因為比佢地知道我咁唔堅強
佢地會更胆心...

親戚係呢方面幫左我好多, 又攞止痛器又攞暖氈又攞按摩器比我
但全部都冇用...我都係訓唔到...
肚皮亦都被扯住, 啲皮好似要裂開咁...行路要用手抱住個肚
而且有時腳仲會抽筋...真係似足大肚婆...

我真係好憎個瘤, 媽媽直頭話佢 "正一怪物唻!!!"

(**下一篇 "第五次手術")

葛量洪篇 part 1 - 3

仲有人記得我個故事嗎???
但我自己反而忘記了...好多日都冇打埋個葛量洪篇....= =
係我去cebu前打埋佢啦~之後仲有故仔呀因為...

葛量洪篇

part 1 - 照CT

在QM照xray時, 發現肺部有幾粒白點, 為安全起見, 轉介到葛量洪做深入的體檢
9月, 照左CT, 但過程十分難捱...因為照前要飲一公升藥水
味道係有小小lemon味, 但又很"kep"口...非常辛苦...
再加上照CT前, 安排左瀉藥要食, 但係早一日食的, 但對我冇乜效...
所以仲有一粒我留返照個朝早食, 點知...
就到我時就開始好急......!!!
(食既原因係要清左條腸入面既野, 會照得清楚啲)

入到間房度...好凍...........
又著住短袖既紫衫...就更凍
訓上去張冰冷既機器床上...凍到打冷震....

照CT都幾花時間, 用左差唔多二十分鐘
而呢二十分鐘亦係遠超我既忍耐極限

第一, 好凍, 但唔夠衫
第二, 短袖, 但雙手要外露舉高放係頭兩邊, 唔比遮住影相部份
第三, 好急, 但要忍 (大小都忍, 唔好忘記個一公升藥水!)
第四, 成個人都好辛苦但仲要做幾次閉氣十幾秒, 因為要hold住個肺係最大時照幾張相...

一話影完, 我即刻想起身
但超急...唔係幾起到.......要人幫忙...= =
褲都未著哂就衝左出面toilet ........
個下既解放簡直有升仙感覺...

part 2 - 照MRI + 手術

QM安排左個期照MRI, 不過我地心急, 想早啲知道自己身體其他地方有冇cancer cells
所以自己出錢去左法國醫院照
打折後都要6千幾蚊.........@@

report: 其他地方都冇事, 可喜可賀 (想看看我MRI d slide, 可自行到blog內的album找找, 能清楚看到水瘤在肚內的鬼樣)

呢排都真係去醫院去得好密...而做哂以上體檢後就要安排手術了, 因為肺的點點, 無論如何都要cut出來化驗...採用微創手法, 但要付7千大元!! 因院方將會採用新的儀器去埋傷口。

11月28日入院, 見了很多人, 答了很多問題, 做了很多體檢, 晚上要用消毒藥水沖涼...
我好喜歡葛量洪病房的環境, 有露台, 全部都開哂窗, 沖涼有暖氣, 病人又少, 姑娘又好, 醫生又有型 ... (其實只係其中一位

)

第二朝六點要起身, 沖多次涼, 然後換上手術衫, 訓上推進手術室的床上等候...
天矇光...感覺冰冰的...好凍...
聽說肺部手術會很痛...胆心起來...鼻子酸酸的......
(原來係型仔醫生幫我開刀, 呵呵~~)

part 3 - 手術後的痛

手術後, 令我醒的方法不是有人叫我或是自然醒
而係痛醒, 醒返第一聲就係大叫, 第一眼看到的就是眼淚
原來有人抬起我, 放張x ray slide落背後
而傷口就在我左邊肋骨, 有三個洞加一條膠喉插住用來引血水出來
這樣傷口會好得快一點...但感到很可怕...

講返我醒個一刻
我不停叫, 不停叫"好痛呀好痛呀!! 唔好郁我呀!! 好痛呀!!!!!!!!!!!!"
但人地要做野, 點會理我...
我右手不停按那個嗎啡止痛器
左手...原來正在捉住另一個人的手

我對那時的思想非常模糊
因為按止痛器太多了...落藥太多, 我會更模糊...
藥力令我不斷訓覺...也經常作嘔, 但如果我真係嘔, 傷口會痛死左...
又唔可以打黑次...
但每一次醒, 都會看到有人係我身邊
亦看到別人的眼淚...

每次醒我都動不了, 因為傷口實在太痛
雖然只是三個小洞...但比起我肚上的 6cm 長傷口痛上十倍!!!
遠遠超出我事前所作的心理準備
我只會呆望, 做什麼也沒氣力
如何堅強, 在這一刻也變得像喪屍般
自覺沒有靈魂, 行屍走肉
吃藥及按止痛器時才會動...

喉嚨內的啖令我說話不清楚
因為插過喉一定會有啖
再加上我用唔到力去咳佢出唻
就變成咁樣樣...= =

日本篇 Part 3 to 6

　醫院~

Part 3 - 手術後

當做完手術, 醒返已經係病房, 成間房得我一個人呢~

　我太多野了...攪到好亂呢

Tempo同Felix (fotop) 同sasaki san都有唻睇我, 佢地話家姐正諗方法買最快飛票唻睇我, 所以呢段時間佢地會留係富良野 (係喎我冇講到我係入左富良野協會醫院呢, 係一間有勁多年歷史既舊醫院, 但環境很好哦~可惜最差就是我訓個層係婦產科…成日都有BB喊聲…不過日本小朋友真係超級可愛!!! 得意到想食左佢!!!

其實原定計劃今日係同兩位記者離開富良野去第二度, 但因為我, 所以佢兩位都冇走到, 等埋我家姐唻先出發, 真係人超好哦….!!!!!!!!!!!!!!!!! 而正好撞定sasaki san放假, 因為佢只照顧我地係富良野既大小事, 所以佢成日都唻醫院幫我同啲醫護人員溝通, 又借我日常用品…

姐姐們7月23日到富良野了~一落JR就唻醫院喇~ 見到姐姐真係好開心呢…佢地同tempo and felix食埋個lunch佢地就出發了…係當地搵左個日本女仔代替我既工作。

咁多次手術, 係日本好得特別快 , 又有天台可以上去哂太陽, 姑娘又夠細心又有耐性, 記者們林走前又準備左中日對照"字典", 比我同姑娘們”指”住唻溝通, 哈哈~ 例如有 “想大便”, “放屁了”等…wakkakkaaa!!! 有啲人未必知道, 手術後腸有冇郁係好重要加~ 係香港要放左屁先可以食返野加!!! 不過日本就冇分既, 我醒返第一餐就已經有飯食…haha~

 姐姐送的~

Part 4 - 醫院解悶

唔想浪費姐姐們的機票錢, 我就叫佢地唔洗成日唻陪我, 利用時間周圍玩下~ 好彩佢地間民宿個歐巴桑人超好, 車佢地去玩, 當然有去到lavender land la!!! 佢地每次唻探我都會有禮物 呢~ 比我解悶加~ 雖然有電視睇…(電視係每位病人一部, 但要比一千yen 買張電視咭先可以睇八十小時) 但都唔識聽日文…最開心咪就係見到多年唻既Idol 廣末涼子出現同埋睇啲耐力賽~ 哈哈~ 其實醫院方面都有提出過批准姐姐們係病房陪我訓, 因為怕我一個香港人好悶, 但就不會安排床舖, 我話唔洗啦…我都訓著左仲怕咩悶…而且家姐佢地日日都留到十一點先返民宿…間民宿行一分鐘就到醫院加喇~haha~

 民宿老闆，家姐們及記者們

Part 5 – 拆線, 出院, 離開到札幌

係醫院,我好努力去康復, 因為家姐醫院大假關係, 如果我唔可以係預定日子出院, 家姐就要自己走先, 得返二家姐, 又要扶我又要攞兩個人既行李, 仲有佢地忍唔到手買下既大堆手信!! 根本攪唔掂…好彩傷口埋得好 (多得我成日落地行先好得咁快哈哈~) 28日一早就拆線 (要在此稱讚一下, 佢地拆線既痛楚比香港小很多, 已經啲釘釘住個傷口既釘法係同香港唔同, 又有腰封比我, 可以幫助傷口埋得更快) , 一早8點拆完線, 就要趕上下午兩點既JP返出札幌, 好唔捨得間醫院既人呢…全部都好好呀…

 係咪同香港唔同呢~?? 啲肉扎到好緊加~所以埋得快啲

我去左家姐間民宿, 飲下茶傾下計之後就去左食燒章魚丸, 因為佢地同記者們食lunch時係食呢樣野, 我聽到個刻已經話有時間我都想去, 因為係自己親手燒, 仲有自己炒既炒面~好玩又好食!! 食完就上的士去JR站, 歐巴桑好好呀…請我地食飯之餘又搶住比的士錢, 落車後因為就快開火車所以佢又搶左我地啲行李跑去車站…我地上左車之後, 佢地仲等埋車開先走呢…場面都幾感人加…特別係家姐們, 同佢地相處左幾日, 非常唔捨得佢地呀…

 燒章魚丸

Part 6 – 札幌觀光/ JAL upgrade ~

落左JR就去酒店, 放低野後, 去食野, 個時都差唔多天黑喇…
撞正啤酒節 , 成個大通公園都係人!!! 仲有好多人著和服 ~好靚呀!!! 我地又上左TV Tower, 夜景超美!!
不過中途有幾次都體力不繼…要休息…

　大通公園 from TV Tower

 TV Tower

第二朝一早起身又搭火車去機場, 搭內陸機到東京機場再返香港, 由於我大傷在身, 而家姐們買機票時又提到因為我的原因而急需機票, 所以JAL方面安排了我們坐Business Class, 真是意料之外…我地都係到上到飛機樓上, 見到坐位很少而且很大, 才慢慢醒覺被upgrade了~*
而又一開心的事是, 每個坐位都有個小電視, 接到機身外的鏡頭, 可以看到飛機前, 下及後的美景!!! 我地飛過台灣上空呀!!!!!!! 係夜景唻, 勁靚!! 勁難忘呢~

 In Business Class

爸爸媽媽胆心死喇…當然有唻接機, 個時都成夜晚十一點幾了…

 

(**接下來就是 “葛量洪篇” 喇~)

日本篇唻喇~ Part 1 & 2

 病棟天台

日本篇

先來個精簡篇,即是簡介吧~有興趣者先再睇下面啦...我都知道太多字了喇...

出發後只工作了兩天便在一21日號晚凌晨點半鐘,我一個轉身,水瘤就穿了!! 勁痛...但我捱左兩小時先叫醒記者因為我唔想接受呢個事實...好想繼續個trip...但頂唔到痛了...四點幾就叫白車入左富良野協會醫院。

手術後在那兒待到7月28日,一早拆埋線, 即日出院, 中午便搭火車到札幌住一晚, 第二朝搭火車到機場回港。 姐家們亦在23日到了日本, 29日晚陪我返到香港。

化驗報告是 有少許屬於“交界性腫瘤”。

(**下集“葛量洪篇” )

*******************************************************************************

大長篇 (寫左我痛苦既感受, 日本醫院文化, 日本人既禮待等...哈哈!!!)

Part 1 - 痛了...Call 白車...

7月18日出發, 工作了兩天, 7月21日凌晨點半鐘, 我轉身訓覺, 肚內一下刺痛!!! 我醒了, 心想不會是穿了吧…便找些借口跟自己說…”可能只是普通肚痛或胃痛…”迫自己再訓過…(看得出我又多麼的不願意接受這個事實呀…以為訓醒就會冇事,捱到三點幾, 已經痛得連說話伸手這些動作都做不了…但又不想嚇親記者(Tempo), 所以辛苦地起身去攞電話打比姐姐, 但沒有聽, (又好似有聽…唔記得左) 又去攞左粒止痛藥食, 再返返上床, 想再起身但今次真係起唔到了…唯有叫醒tempo…佢立即叫民宿的人call白車 。

　出事前兩小時的"唔知死"樣...

由於語言不太通…救護員一唻到, 就用手按我肚子, 嘩我痛到飛起!!! 即刻用勁可憐既眼神求佢唔好再按落唻…同埋不停叫”nonono….plz no…”當然最緊要就係捉實佢隻手唔比佢再按…= =” (終於發覺溝通唔到係有幾咁可怕…)

佢地用張床由兩邊摌起我, 日本人真係好細心, 手勢非常好, 連抬我落樓梯也很小心, 冇”凳”親我, 而我最欣賞的是…救護車!!!
因為要走山路, 我已經有哂心理準備一陣會好”凳”, 預左會超痛…但沒有呢!!! 被震功能真是一級棒!!!!!!!!!!!!!!!!!!! 而且車子好像一直沒有停下來, 因為日本人都在讓路給這架白車嗎??? 唉…係香港見到真係奇景呢………….而這時我已經痛到眼睛睜不開….><

Part 2 - 急症室, 超痛苦, 急性手術

翻譯小姐sasaki san, 也跑到醫院來了, 我估唔到咁大個女講得英文最多會係係日本既急症室…而且仲要係係我最痛最辛苦既時候去嘔啲英文出唻救命…嘩人既能力真係唔可以睇小!!!

由於要等適合既醫生趕返醫院, 所以我一邊等一邊做檢查, 有一刻我什至痛到透唔到氣, 我真係以為今次死梗, 姑娘叫我慢慢吸氣唔好緊張, 我先透得返…終於唔洗死…haha~ 之後佢地係我身上又打針又貼野, 最最最痛係姑娘係我左臂上拮個支針, 我即刻大叫左出唻!!! 然後就流眼淚… (對哦...我全程都冇流過眼淚...除了這支針...相信係因為我痛到唔記得左喊... )我真係覺得自己好可憐呀…嗚嗚…………………..如果個時我可以睜開眼, 我見到佢咁做我實阻止!!! 而佢見到我咁佢都即刻抆返出唻同埋係咁say sorry 不停卒個針口等我冇咁痛…佢呢個行為我又係十分欣賞, 佢地唔似香港咁, 唔理你叫痛, 總之要快同埋有用, 只會叫我忍住…唉…

照ultrasound顯視我個瘤穿左同埋內出血, 因為瘤帶有血管去吸叫營養, 穿左就會出血, 我咁痛係因為啲水同啲血刺激到我肚內器官等。再加上我係民宿又捱左兩小時呢…所以更嚴重喇…

(**我講左咁多細節係因為呢度發生既事係我一生人最痛最辛苦最難捱同最難忘的…)

有興趣看看我的生病經過嗎? 要分幾集哦~因為太太太長了… (香港篇)

香港篇

 

2004
肚子一直脹脹的, 脹到上胃, 以為自己肥左, 幾個月過去, 媽咪覺得不尋常, 所以迫我去睇醫生, 由於大家姐在TMH做, 所以我直接去見醫院的醫生。
一照ultrasound就看到一肚都是水, 還有個十分大的水瘤, 大概15 x 20 cm , 也是我最大的一個, 可能在肚內太久了…
很快便安排在一星期後動手術, 日期是4 月16 日。
化驗報告是 “交界性腫瘤”, 即不是惡性也不是良性, 擴散或轉移機會是十分低, 聽到醫生這麼一說, 我便又再次過著我的不良生活…其實只不過是夜訓, 飲食質素差而已…

 

2005

一年半後, 9月27日我出左trip, 去左indonesia, 那時候我肚子很脹, 我又以為自己肥左, 因為我實在想不到…水瘤又生長了…
回香港後, 剛好遇著覆診, 一照, 又看到一個 12c m X xxcm (忘了…數字太多喇…) 的水瘤, 當然又要動手術喇…日期是 10月 10日。地點TMH

化驗報告是”良性”, 醫生說過, 你生開那種性質的瘤, 再生多數都是一樣, 但今次是良, 他說未必跟上次有關係。

 

2006
飲食習慣改了一點點, 也有看中醫, 直到7 月, 我訓醒, 摸摸肚子, 經驗話比我知, 我肚內又有水瘤了…又去照ultrasound, 這次好似有9cm左右, 但這時候我又答應了要出trip去hokkaido, 醫生說小心點, 不要讓它穿掉便沒問題, 所以我出發了。

(**下集日本篇, 這樣看日記冇咁攰嘛...哈哈~)

 我呀! 肚子有點脹脹喇!!!!!!!!