來自北京的和尚大師

今日去左見一位來自北京既和尚大師
飛菲律賓醫人途經香港
要經人介紹先可以見佢

其實我係唔信教
亦唔信有人可以咩都識醫
不過為左父母放心...咪試下囉

佢係著住一身和尚服
肥肥地, 個樣都幾祥和加~
啲國語都唔太難聽既~

佢問我, 為左呢個病, 開心定唔開心
我話 唔開心
佢話 你係唔應該唔開心, 你應該要開心
因為唔開心, 人就自然會病
人既身體係由人個腦去控制
你想身體點, 個身體就會點
所以你唔可以成日都諗住自己係有病
咁慢慢個病就會離開你

佢仲話, 我係人地面前幾開心都無用
因為我根本會係人既背後喊
我聽到呢度就忍唔住喊了...
比佢講中左呢...
不過佢話 喊都係一件好事
因為眼淚係由 賢 流出唻 (...我應該無聽錯 ^^")
喊完個人係會舒服啲
但希望下次見到我時我係一個帶笑既人

而醫病最重要係心境
所以建議我可以去北京, 他的寺住一段時間
跟佢們唸下經, 做下工
佢話個度環境好好, 個個人都住得好開心
同時亦會開中藥比我, 同埋針灸
好返哂, 就可以隨時返HK
聽聞佢世代都係醫師
祖先亦係皇宮內的人

佢亦話, 信唔信佢都唔緊要
最緊要, 我心境係開朗
完全放開就可以了

***

見完佢
有種舒服既感覺
直至走左個一刻
我都有種 "唔理世事" 既心態
即係好似對  愛情, 金錢, 任何煩惱  都忘了
但走在大街上一段時間後...
世俗的煩憂又回來了......

忘了說...

腎係負責上半身功能, 如果你傷心情緒差, 會影響腎功能, 亦即係你上半身所有器官, 所以情緒真的很重要!!!