第五針

今日上病房打針
九點半已經去到
但聽閒因為藥房出現問題
啲藥遲遲未能送上...
等到五點半先有得打...
我係病房度訓到死豬咁呢...

張嘉琳依然唔係度~Yeah~!

註場既醫生係我上次覆診個兩位
忘了名字
但個男醫生好好人
佢幫我拮豆豆
一路拮一路叫我忍痛
拮完仲同我講 "拮完喇唔好意思..."
@@" 做咩要講唔好意思?? XDDD

係病房打針有個好處就係可以遇到醫生巡房
見到譚醫生呢~ ^v^
做醫生, 記得病人真係好緊要
會令到病人好開心~

嘩...啲藥落到十一點幾先完...
十六今日收十點幾
岩岩好~可以接我~~~hehee...

今次落藥
比上次感覺差少少
成身都有陣藥味...
胃超級唔舒服...
對腳又好似唔係自己咁...
又全身出哂汗...
好鬼辛苦...>_<
第一次係病房打又係全身出哂汗
唔通病房熱啲??

次次打針
岩岩落完藥個刻都會全身出唔到力
我就會諗
如果呢個時間要走難
我都唔知點算...
訓醫院時又諗
火燭點走??
嘩愈諗愈驚...XDDD

今日係屋企訓左一日
個胃好似要跌出唻咁...
全身都怪怪的...
好反感...><