現在唯一要擔心的

上次在法國醫院抽左個血
驗左個叫 CA 125
hmm...我唔係好記得呢個係代表什麼呢~
不過總之個數字愈低就愈好啦!

曹醫生打左唻話好正常呀個數字

癌細胞攪掂哂!!
不過仲有隻攪唔掂既細胞...
就係個隻令我開好多次刀既

Borderline Malignancy (邊界性惡性腫瘤)
呢隻細胞係無野可以根治
化療對佢起唔到反應
佢亦唔會危害我既性命
佢既屬性亦不活躍
佢會轉移機會亦極低
咁佢有咩唔好?
就係佢會生個瘤係你體內
唯一方法就係 "角" 左佢
翻生機會亦超低

不過唔知點解
發生係我身上...佢就好活躍...
"角"完又生  生完又 "角"
成日開刀會好傷身的...
而且仲走左上肺度tim...

醫生分唔到肺瘤係原發性定轉移
最後定為 八成轉移, 兩成原發
因為要對正下藥嘛~所以要分清楚

我一直都無係度講過
一開始佢係係我個ovary度生出唻
當發現時, 左邊ovary已經壞死了
當然亦都 "角" 了

接著到右邊
前前後後生了三次
"角" 了三次
醫生因為我仲後生
所以一直都唔想同我 "角" 哂佢
直到第四次, 因為走左上肺度
所以唔 "角" 都唔得了...

hm...作為一個女仔
無左呢啲野
始終都會唔開心
所以一直都避開無講
不過而家都無咩所謂了~

所以擔心的就是
我一直報用 hormones藥
長期食會有side effect
同埋現在肚內空空的
只有大腸 ~
怕會痴落啲腸度
或者肺內個兩成..
繼續生瘤...
不過可能性應該會低啩...
因為佢本身係由ovary生出唻
咁個 "屋企" 無左, 應該唔會......啩....

 

活在當下  要及時行樂呀各位!!
錢係搵唔哂既~要知足~要珍惜你現有的
要好好享受生命呀!!