Cebu_Day Three & Four

都唔記得講,前一晚Nimfa車左我地去佢屋企參觀, 大到不得之了...不過住左好多人。又車我地去左shopping mall dinner, 買左西瓜返resort食~同埋車左我地去睇chunch, 但都係影左videos only...haha~要睇就要等下呢...條usb線仲未到手.........><

Day 3

一早七點起身,好快咁食左左早餐, 就去左問snorkeling d 野, 嘩佢地個邊食錢食得好緊要呢...樣樣野都要收tips, 活動費用又貴..><  600幾租隻船, 另外d masks同救生衣又係要錢...連接我地上大船既船仔, 只係坐左兩分鐘都要收你40蚊...玩一次snorkeling就洗左差唔多成千蚊......

今日都幾好太陽~不過間唔中都係多雲, 但都好過前兩日了...又涼又陰= =
坐左九個字船, 去到一個島, 眼見已經有唔少船了, 好多人, 我問點解唔去第二度, 佢地話呢度係最靚。
不過好凍呀...落到水佢就比bread我地餵魚,但我地要dont move! 因為一郁啲魚就會走咁啲...所以就覺得更凍..............

啲魚似乎好餓...餓狗搶屎咁, 連手指都咬埋= =好鬼痛...有條好大既醜樣魚好為食, 食完一次又一次! 不過佢地成日都唔夠啲細魚搶!! 好攪笑~比佢地咬過後, 我好驚啲大魚游埋唻.........
係水底仲親眼見到唔少魚係水度大小便...好核突...又有啲魚種係唔多游水,成班魚全程都定左型...好攪笑~
不過可惜個度可能多人到, 所以水都唔係最清, 不過都夠靚了~~~

唔夠bread,叫船家幫我地去其他船度幾舊返唻~哈哈~今次可能好多人都走哂去食飯, 所以一落水, 就勁多魚飛埋唻搶食, 超爆笑!!
玩左兩個幾鐘, 就再坐九個字船去另一個島食seafood, 全新鮮, 自己慢慢簡, 不過我對動物係超有愛心, 對人都冇加...哈哈~所以我唔會負責簡海鮮...太殘忍...我地岩岩先餵完佢地食包包, 呢頭又食返佢地落肚...

不過...個間野煮得好好味!!! 有魚有蝦有crab等...我地清哂!!!! 仲送左coconut我地飲~不過一邊食一邊有個男人係隔離自彈自唱, 好明顯又係要小費...最攪笑係, 佢唱到最尾個首時, 已經warn左我地"this is my last song", 我相信我地係要醒目地攞錢比佢, 不過我地無, 所以佢一唱完就好失落咁坐埋一邊, 哈哈~但其實我地只係想埋單時一次過啫~食到隻手咁多油你叫我地點攞錢啫...哈哈~~~

佢地竟然無散錢找錢...找三百蚊都要坐船返上島攞...要等多三四個字...(因為間野係水上面加), 而唱歌個男人原來唔係呢度啲人...我地仲找埋落張單度...但又唔好意思要人地再坐船去攞錢再找過錢...所以我地又另外攞錢比佢...今次佢開心返喇～仲唱多兩首比我地tim~

坐船返resort係全程天陰呢...激死...
之後去左做spa, back and foot massage

 超靚既Spa!!!　好舒服!!!

dinner食海鮮, 不過唔好味...= =

 Dinner at Seafood Restaurant @ Resort

Nimfa唻左, 送左幾條scarf比我包頭! 哈~好細心~
我同姐姐又坐左係房出面食生果, 我房門每晚都會有一條

四腳蛇係度搵食~今晚佢又係度, 我仲不停同佢傾計又拍video, 家姐係咁話我痴線叫我食藥...後尾唔知係咪隻野比我煩住, 走左...去左隔離間房門口...

 好唔比面!!! 我繼續煩住佢佢就直情走左上屋頂囉...但可能我同家姐太嘈...佢去左"吹雞"!! 多左三四隻出唻!! 哇哈哈!!!

Day 4

又早起同姐姐去beach swimming, 不過潮退...所以去左pool度游...之後周圍影下相~

 Pool @ Resort (最後個朝早就係係呢度swimming na~)

 Resort出面既beach, 玩得加呢副棋!!!

 林走前影多啲相相先...

Nimfa車我地去

airport, 我記錯左兩點機, 原來係3點...早知玩多陣啦...
同Nimfa佢地食lunch, 因為仲有時間, 佢車左我地去遊下車河先~不過traffic jam...我地到機場後就跑, 都冇同佢地點道別呢...

又要除鞋檢查!!! 另外仲有幾個人都好遲, 所以好多鞋係我面前飛過...場面混亂。過完機我地又 be la ba na咁著鞋, 個畫面笑死人!! 我地三姐妹已經唔係第一次咁遲! 之前日本又係咁, 而家又係咁!!! 兩半上機, 兩點八就起飛喇! 好險...

返到香港, 好唔習慣啲人既態度, 我係lift度撞到個空姐, 佢即刻啤住我仲成個人彈開,嘩洗唔洗呀?! 我都say左sorry la!!! 同個邊啲人差勁遠!! 我唔去過菲國都唔知個邊啲人係咁有禮貌!!!! Nimfa都問姐姐, 點解佢上次唻香港搭mtr, 一坐低, 隔離個女仔即刻彈起身走開, 問到我地好監介呢...香港人實在太差了!! 以為自己係乜野喎!!!!!!!!!

 Lunch at Cebu Airport wif Nimfa and her husband

加插 小小文化 篇

---個度有個唔太好既文化, 就係雙線變三線...有時直情行左去對面線...啲車勁鐘意爬頭, cut線同 boot啲車同人, 啲人又係鐘意行馬路, 不過佢地慣哂...好彩最快都係見過開80 啫...

---另外入SM shopping mall要body check lei...因為怕有人帶炸彈@@"
---而當地人都叫我地唔好食街邊野, 可想而知有幾dirty...
---佢地好好客, 好鐘意同你講野, 最鐘意問你咩人, 幾多歲, 同埋...結左婚未...都唔知問唻做乜...= =
---問佢地野佢地都好有耐性問我地, 值得學習!!